Спорт
Топ-10 трансфери – Исак ја предводи листата

Летниот преоден рок во најсилните европски национални првенства заврши вчера вечерта. Точно 25 трансфери ова лето беа во вредност од 50 милиони евра и повеќе, а највредниот трансфер беше оној на Александар Исак, кој го напушти Њукасл и се приклучи на Ливерпул за 144 милиони евра.
Ливерпул, летово потроши најмногу пари на засилувања, вкупно 417 милиони фунти. Црвените трошеа на засилувања, но и заработија од продажбите на неколкумина фудбалери, вкупно 262,2 милиони фунти. Разликата е значи 154,4 милиони фунти.
Ливерпул, ги реализира трите најголеми трансфер во летниот преоден рок. Заедно со рекордниот трансфер на Исак, актуелните шампиони на Англија платија 125 милиони евра за Флоријан Вирц, и 95 милиони за Уго Екитике.
Топ 5 ги заокружуваат Ник Волтемаде и неговиот трансфер од 85 милиони евра од Штутгарт во Њукасл и трансферот од 76,5 милиони евра на Бенјамин Шешко од Лајпциг во Манчестер јунајтед.
Интересно во Топ 10 најскапи трансфери ова лето, со тројца играчи е застапен Манчестер јунајтед.
Листа на 10-те најскапи трансфери ова лето:
Александар Исак (Њукасл – Ливерпул), 144 милиони евра
Флоријан Вирц (Баер Леверкузен – Ливерпул), 125 милиони евра
Уго Екитике (Ајнтрахт – Ливерпул), 95 милиони евра
Ник Волтемејд (Штутгарт – Њукасл), 85 милиони евра
Бенјамин Шешко (Лајпциг – Манчестер јунајтед), 76,5 милиони евра
Виктор Осимен (Наполи – Галатасарај), 75 милиони евра
Брајан Мбемо (Брентфорд – Манчестер јунајтед), 75 милиони евра
Матеус Куња (Вулвс – Манчестер јунајтед), 74,2 милиони евра
Мартин Зубименди (Реал Сосиедад – Арсенал), 70 милиони евра
Луис Дијаз (Ливерпул – Баерн), 70 милиони евра
Фото/ Принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
УЕФА ги обвини Диего Симеоне и Ливерпул

УЕФА покрена постапка против тренерот на Атлетико Мадрид, Диего Симеоне, еден од членовите на неговиот стручен штаб и фдбалскиот клуб Ливерпул.
Минатата среда, Атлетико во Ливерпул успеа да се врати по минусот од два гола, но не издржа, Ван Дајк во 92-та минута им ја донесе победата на „црвените“.
Навивачите, жестокот славеа, а оние што беа блиску до клупата на Атлетико Мадрид го навредуваа Симеоне и неговиот тренерски штаб.
Симеоне веднаш реагираше и влезе со жестока вербална расправија (обезбедувањето го спречи да не влезе на трибината), а потоа реагираше и на судијата Маурицио Маријани.
Имено, тој му покажа директен црвен картон на Аргентинецот, а човек од тренерскиот штаб беше обвинет дека плукнал навивач на Ливерпул.
Се очекува тренерот на Атлетико Мадрид да добие суспензија од еден натпревар по сè што се случи, и нема да биде на клупата за својот тим на натпреварот против Ајнтрахт.
Не само што Симеоне беше обвинет, туку истото беше направено и со Ливерпул, а станува збор за фактот дека беа обвинети затоа што нивните навивачи фрлаа разни предмети на теренот.
Она што јасно можете да го видите на видеото е дека тренер од тренерскиот штаб плукнал навивач на Ливерпул. На почетокот не се знаеше за кого станува збор, но сега е откриено дека станува збор за нутриционистот Дејвид Лагос.
УЕФА ќе се занимава конкретно со Лагос, но откако ќе ги разгледа сите докази, ќе биде донесена одлуката каква казна ќе добие.
Фото/ Принтскрин
Спорт
Клаузулата во договорот му овозможува на Кејн да го напушти Баерн

Хари Кејн би можел да го напушти тимот на Баерн следното лето, а доколку некој тим го сака, цената е позната.
Англискиот напаѓач продолжи да ги тресе мрежите на почетокот од новата сезона во дресот на Баерн. Барселона е заинтересирана да го доведе наместо Роберт Левандовски, доколку договорот со Ерлинг Холанд не се реализира.
„Билд“ ја открива и цената за Кејн по која Баерн мора да го пушти. Станува збор за клаузула што ја има на крајот од оваа сезона, а која е 57 милиони фунти.
Баерн нема намера да го пушти Кејн. Во Минхен се повеќе од задоволни од неговите настапи и го гледаат во клубот во наредните сезони, и покрај неговата возраст.
Тој ја започна оваа сезона во Бундеслигата на неверојатен начин. Постигна дури осум гола во првите четири натпревари и повторно го покажа квалитетот што го поседува.
Договорот на Кејн истекува на крајот од сезоната 2026/27.
Foto/ EPA
Спорт
Мареска за Ливерпул: Ако продолжат вака, невозможно е некој да ги стигне

Челзи, изминатиот викенд загуби од Манчестер јунајтед (2:1), во дербито на колото. „Сините“ од петата минута играа со фудбалер помалку и неможеа да го избегнат поразот. Менаџерот на Челзи, Енцо Мареска, знае кој е првиот фаворит за освојување на титулата.
Мареска зборуваше за Ливерпул и нивниот одличен почеток на сезоната пред натпреварот од Лига купот против Линколн. Тој истакна дека ќе биде многу тешко за другите тимови да се натпреваруваат со нив:
„Ако продолжат да играат вака, мислам дека е невозможно да ги стигнеме. Не само ние, туку и сите други клубови“, рече Мареска.
Тој се осврна и на преодниот рок на „Црвените“:
„Завршија фантастична работа од минатата година. А играчите што одлучија да ги доведат ја покажуваат намерата на клубот повторно да се бори за трофеи во Премиер лигата и Лигата на шампионите, тоа е сосема јасно.“
Челзи има кадровски проблеми. Кол Палмер е надвор од терените поради повреда и сè уште не е познато колку долго ќе биде надвор од теренот:
„Медицинскиот тим не ми спомна ништо за операција. Но, не знам дали ќе се врати во наредните денови или во наредните недели. Искрено, не знам. Но, мора да го заштитиме Кол 100отсто. Поради Светското клупско првенство, тој не застана оваа година. Мора да го спасиме“, вели Мареска и продолжува:
„Мора да одлучиме кое е најдоброто решение. Не е наивна повреда. Има денови кога се чувствува подобро, кога болката исчезнува. Но, потоа се влошува и мора да се справува со тоа секојдневно.“