Лидерот во шпанската Ла Лига, Реал Мадрид ги повика своите навивачи во случај титулата да заврши на „Сантијаго Бернабеу“ да не се собираат на јавни простори затоа што тоа би било чекор назад во борбата против коронавирусот.

Реал има 4 бода предност пред Барселона, на 2 кола до крајот и веќе утре може да ја обезбеди 34-тата титула шампион на Шпанија.

„Победите и титулите секогаш ги споделуваме со навивачите, но во овој момент мораме да бидеме свесни за ситуацијата во која се наоѓаме. Поради тоа мораме да дадеме свој придонес и да покажеме одговорност за да го избегнеме ризикот од зараза“ порачаа од Реал Мадрид.

Шпанија е една од државите во Европа кои беа најтешко погодени од пандемијата, со околу 300.000 заразени и безмалку 30.000 починати.

Градоначлникот пак на Мадрид, рече дека прослава сепак ќе има, но сите ќе мора да бидат со маски:

Во Мадрид ќе има голема прослава ако Реал стане шампион, и покрај короната

Манчестер Сити сепак ќе смее да игра во Лигата на шампиони и наредната сезона, одлучи Спортскиот арбитражен суд во Лозано по обвинувањата за прекршување на финансискиот фер плеј. Оваа одлука ја искоментираа менаџерите на Ливерпул и Тотенхем, Јирген Клоп и Жозе Мурињо, едни од најголемите ривали на стратегот на „граѓаните“, Пеп Гвардиола.

Клоп рече дека е среќен што на Сити му е дозволен настап во Европа, затоа што тоа е добро за Ливерпул.

„Среќен сум што Сити следната сезона ќе игра во ЛШ. Ако имаат 10 или 12 меча помалку во сезоната, никој во лигата не би имал шанса да стигне до титулата“ рече Германецот.

Мурињо беше поостар.

„Ако Сити не е виновен, а е казнет со неколку милиони, тогаш тоа е срамно. Ако не си виновен не треба да бидеш казнет. Срамна одлука“ смета Португалецот.

Гвардиола пак од двајцата колеги бара извинување.

„Треба да ни се извинат. Да погрешевме ќе ја прифатевме одлуката на УЕФА. Не очекуваме да не бранат Ливерпул, Тотенхем, Арсенал, Челси или Вулверхемптон, но имаме право да се браните самите кога веруваме дека се сме направиле правилно. Неверојатно сум среќен поради одлуката. Тоа што го освоивме на терен, ќе го одбраниме на терен“ вели Пеп Гвардиола кој на кормилото на Сити стигна до две титули во ПЛ, еден ФА куп, три Лига купа и два Суперкупа.

Фудбалерот на Манчестер Јунајтед, англискиот репрезентативец Маркус Рашфорд е награден од Универзитетот во Манчестер со тоа што му е врачен почесен докторат. Како што пренесува „ББЦ“ Рашфорд станал најмладиот доктор на науки.

Наградата е за неговиот придонес во борбата против сиромаштијата кај децата. Докторатот се доделува без обврски личноста да мора да присуствува на предавања или да полага испити.

Тој е награден поради гестот да се труди да им обезбеди топол оброк на децата кои се во лоша финансиска состојва во текот на празниците.

Со ова Рашфорд стана третиот во Јунајтед кој е почастен да биде доктор на науки. Пред него таа чест ја добија Сер Алекс Фергусон и Сер Боби Чарлтон.

„Кога ќе погледнам кој се ја добил оваа награда пред мене, уште повеќе сум почестен. Ние не сме ниту на половина пат во борбата со сиромаштијата, пред се кај децата нашата помош е најотребна, но навистина ми значи што овој град вака ме награди“ – изјави Рашфорд.