Трофејниот тренер Дик Адвокат, кој е кормилар на холандски Феенорд, е шокиран од одлуката првиот меч од новата сезона во Лига Европа меѓу Динамо Загреб и Феенорд да се игра пред публика и тоа во ек на пандемијата на коронавирусот.

Организаторите на мечот донеле одлука на трибините на „Максимир“ да има 10.000 навивачи.

На Адвокат не му е јасна таквата одлука на „модрите“, особено што Холанѓаните на својот стадион ќе настапуваат без публика.

„Тоа е луда одлука. На `Максимир` ќе има публика, а кај нас не. Секако дека повеќе сакам да се игра со навивачи, но кога ги има од двете страни. За нас, оваа ситуација е многу негативна и тоа ќе потрае“, рече тренерот.

Мечот меѓу Динамо и Феенорд се игра вечерва со почеток во 21 часот.

Over naar Stadion Maksimir… 🏟️

‘𝘐𝘦𝘥𝘦𝘳𝘦𝘦𝘯 𝘻𝘢𝘨 𝘋𝘪𝘯𝘢𝘮𝘰 𝘡𝘢𝘨𝘳𝘦𝘣 𝘯𝘢 𝘥𝘦 𝘭𝘰𝘵𝘪𝘯𝘨 𝘢𝘭𝘴 𝘥𝘦 𝘵𝘦 𝘬𝘭𝘰𝘱𝘱𝘦𝘯 𝘱𝘭𝘰𝘦𝘨’
– 𝗗𝗶𝗰𝗸 𝗔𝗱𝘃𝗼𝗰𝗮𝗮𝘁#dinfey • #Feyenoord pic.twitter.com/jbnRxKbJEg

— Feyenoord Rotterdam (@Feyenoord) October 21, 2020

Барселона и Јувентус идната среда во второто коло од ЛШ ќе се судрат во Торино. Тоа требаше да е првиот двобој меѓу Лео Меси и Кристијано Роналдо откако Португалецот го напушти Реал Мадрид во 2018 година.

Сепак, Роналдо и понатаму е позитивен на Ковид 19, па неговиот настап против Барса е неизвесен.

Меси пред саботното ел класико во интервју за ТВ ДАЗН се осврна и на дуелот против Јуве.

„Двобоите со Роналдо секогаш беа и секогаш ќе бидат посебни и ќе траат засекогаш. Игравме во големи екипи, каде што очекувањата се големи и засекогаш ќе ги паметам дуелите со него. Мислам дека навивачите на Реал и Барса, но и неутралните уживаа. Тоа беше вистинско шоу и се надевам дека ќе понудиме уште такви емоции. На Кристијано му посакувам бргу да закрепне и ќе ми биде драго ако е подготвен в среда на нашиот меч во Торино“, рече Лео Меси.

Американската тенисерка Серена Вилијамс тврди дека никогаш немала статус на најдобра тенисерка во светот само поради бојата на кожата.

„Цел живот сум платена помалку од што вредам, никој не ме сакал и никој не верувал во мене, но никогаш не сум сакала да сум бела. Постарата сестра (Венус) повеќе им одговара на прифатените стандарди поради долгите нозе, поради ставата. На малите екрани никогаш во прв план не биле луѓе кои се градени како мене. Но, ова тело ми донесе кариера и победи“ вели помладата сестра Вилијамс.

Проценките се дека Серена Вилијамс е најбогатата тенисерка во историјата на овој спорт, „тешка“ околу 200 милиони долари. Од оваа сума, помалку од половината се средства кои доаѓаат од тениските турнири.

Серена со 93,5 милиони долари ја предводи Топ 5 листата според заработка од турнирите, во женска конкуренција.

Втора на таа листа е нејзината сестра, Венус со 41.9 милиони долари, трета е Марија Шарапова со 38.7 милиони, па следуваат Симона Халеп со 36.8 и Каролина Вознијацки со 35.2 милиони долари.