Спорт
Тотенхем се засили со чешки голман

Поранешниот играч на Славија Прага, Антонин Кински е новото засилување на Тотенхем, потврдија од англискиот клуб.
Кински потпиша договор до летото 2031 година. Овој голман има 21 година за неговиот трансфер Тотенхем издвои 12 милиони фунти.
Тотенхем во својот голмански состав го има повредениот Гуљелмо Викарио, кој е повреден и се очекува да се врати во тимот најрано во февруари. Покрај Викарио, во Постекоглу ги има на располагање и ветеранот Фрејзер Форстер и младите Брендон Остин и Алфи Вајтмен.
Остин беше стартер во поразот од Њукасл во 20. коло од Премиер лигата, бидејќи Форстер не се чувствуваше добро и го пропушти тој натпревар.
Кински стана прв голман на Славија само во текот на летото, откако импресионираше за Пардубице како позајмен минатата сезона.
Антонин Кински е син на поранешниот чешки репрезентативец, Антонин Кински (татакото и синот имаат исто име), кој беше дел од репрезентацијата на ЕП 2004 и Светското првенство 2006 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се врати на победнички патеки во Франција

Пари Сен Жермен се врати на победнички пат во Лига 1 и брзо го заборави поразот во дербито со Олимпик Марсеј. На домашен терен, тимот на Луис Енрике со сигурни 2-0 го совлада Оксер.
Дебито на Забарњи во листата на стрелците донесе водство на ПСЖ уште во 32. минута, откако го искористи додавањето на Витиња. Со 1-0 се замина на полувреме, а во вториот дел дефанзивата на гостите не издржа повторно – уште еден гол од стопер донесе конечен резултат.
Лукас Бералдо се запиша како стрелец за конечни 2-0, постигнувајќи го својот прв гол сезонава, а третиот во кариерата за „светците“.
Спорт
Палиња е спасителот на Тотенхем

Тотенхем извлече реми (1-1) и освои бод против Вулверхемптон во Лондон, иако беше во губитничка позиција. Португалецот Жоао Палиња постигна гол за израмнување во 91. минута, спасувајќи го тимот на Томас Франк од пораз.
Тотенхем немаше најдобра вечер против последнопласираниот тим во Премиер лигата. Вулверхемптон поведе во 54. минута преку Сантијаго Буено, а „спарс“ долго време не успеваа да одговорат.
Сепак, добра акција во финишот од мечот резултираше со бод за тимот од Лондон.
Спорт
Интер рутински го победи Калјари

Интер со успех се враќа од гостувањето на Сардинија, откако го победи Калјари со 0-2. Тимот на Кристијан Киву го контролираше натпреварот и заслужено стигна до триумф.
Гостите од Милано поведоа уште во осмата минута преку Лаутаро Мартинез.
Победата ја потврди младиот Пио Еспозито со гол во 82. минута, по одличната асистенција на Федерико Димарко.