Спорт
Тото Волф признава: Јас и Хорнер претеравме со пораките до ФИА

По драматичниот и контроверзен крај на Ф1 сезоната 2021 година, шефот на Мерцедес, Тото Волф признава дека тој и шефот на Ред бул, Кристијан Хорнер не требале толку многу да лобираат кај директорот на трките на Ф1, Мајкл Маси.
Изјавата на Волф преку радиото: „Не, Мајкл, тоа беше толку погрешно“ ќе остане во историјата на Ф1, но можеби нема да се повтори во 2022 година, откако Волф го поддржа предлогот на шефот на Ф1 Рос Брон дека треба да се ограничи комуникацијата на шефовите на тимовите со Маси.
„Подеднакво сме виновни и јас и Рос, бидејќи бевме дел од одлуката да се објавуваат разговорите со ФИА за да се зголеми транспарентноста и забавата за фановите. Но, има толку многу работи кои се случуваат во таа комуникација и мислевме дека фановите ќе добијат малку чувство за драмата, но мислам дека претеравме. Јас и Кристијан пак, претеравме. Имавме шанса да зборуваме директно со директорот на трката, и бидејќи се боревме толку страствено за интересите на нашите тимови, ја помианвме линијата. Тоа беше погрешно оваа година, и притисокот кон директорот на трката не беше фер. Мислам дека шефовите на тимовите не треба директно да зборуваат и да лобираат“, признава Волф.
I leave you with Michael Masi’s radio to Toto Wolff post race#F1 #AbuDhabiGP #LewisHamilton #MaxVerstappen #F1Finale pic.twitter.com/ymIJzhKd3a
— Mr Matthew F1 (@NotMrMatthewF1) December 12, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Уште еден Адетокунбо потпиша договор со Милвоки

Милвоки стана првиот НБА тим во историјата кој има тројца браќа под договор. Тоа се Јанис, Танасис и Алекс Адетокунбо.
Бакс официјално објавија дека потпишале договор со Алекс, кој играше за Висконсин Херд, тим од Џи-лигата и подружница на Милвоки, од 2022 до 2024 година.
Сите кошаркарски експерти истакнуваат дека договорот со Алекс не е склучен за зајакнување на играчкиот кадар, туку е одредена отстапка направена кон најдобриот играч, 30-годишниот Јанис, за кој се вели дека наскоро ќе може да го напушти Милвоки.
Уште во 2013 година, Милвоки го избра Јанис како 15-ти пик на драфтот, а за грчкиот супер стар, Баксе сè уште се единствениот клуб во неговата НБА кариера. Со Милвоки, тој освои две титули за најкорисен играч и ја освои титулата во НБА во 2021 година.
Сепак, во последните години, Бакс редовно беа елиминирани во првото коло од плејофот на Источната конференција. Ова, како што тврдат медиумите го тера Јанис да размислува за преселба во некој друг клуб.
24-годишниот Алекс ја започна својата професионална кариера во Мурсија, а во последната година член на Будуќности од Подгорица, ПАОК и Арис. Најстариот брат, 33-годишниот Танасис, е член на Милвоки од 2019 година.
Спорт
(Видео) Контроверзениот судија Дејвид Кут прогласен за виновен за детска порнографија

Животната траекторија на поранешниот англиски судија Дејвид Кут во период од помалку од една година е вредна за проучување. Синот на поранешниот англиски крикет играч е соочен со нерешливи проблеми.
Се започна со изјавата дека поранешниот тренер на Ливерпул, Јирген Клоп, е „арогантна германска п..ка“, по што тој „објави“ и видео во кое шмрка бел прав, за што беше суспендиран од Премиер лигата, потоа од УЕФА, а на крајот изјави дека е хомосексуалец со надеж дека ќе се извлече од овие скандали.
Сепак, во септември се појави информација дека тој е под истрага за многу посериозно и пострашно дело од споменатите, вклучително и обиди за местење натпревари. Под истрага е за делото „случајно видео од дете од категорија А“.
Овој термин во англиската правда значи најсериозно кривично дело од ваков вид кое „вклучува малолетни деца кои се силувани или сексуално злоупотребени од возрасни“.
Кут беше обвинет на Судот за прекршоци во Нотингем, а во вторникот сите британски медиуми објавија дека 43-годишникот е виновен, односно законски осуден, за ужасното видео направено на 2 јануари 2022 година.
Кут се појави на суд. Сè што кажа беше неговото име, презиме и признание на вината.
Англискиот закон пропишува шестгодишна казна за производство и продукција на детска порнографија од „Категорија А“, три години за дистрибуција и една година затвор за поседување.
Кут е условно ослободен, но ќе мора да се појави на суд на 11 декември, кога ќе се утврди должината на неговата затворска казна.
Спорт
(Видео) Барселона ќе игра против Реал во дресови со логото на Ед Ширан

Барселона претстави специјален дрес за претстојното Ел Класико (26 октомври), на кој на предната страна ќе стои логото на британската поп-ѕвезда Ед Ширан.
„Со овој потег, каталонскиот клуб ја продолжува својата иновативна соработка со „Spotify“, зближувајќи ги световите на фудбалот и музиката пред големото дерби со Реал Мадрид на „Сантијаго Бернабеу“, пишува „goal.com“.
Во она што веќе стана традиција пред најголемото дерби на Шпанија, партнерството на Барселона и „Spotify“, произведе уште еден привлечен дизајн на дрес. Ширан е најновото големо име што се придружи на листата на музичари чии логоа се појавија на клутниот дрес, по Дрејк, Росалија, Ролинг Стоунс и Карол Џи.
Британскиот пејач и текстописец со тоа стана првиот машки соло поп-артист што ја доби оваа чест. Дресот од специјалното издание за прв пат ќе го носи женскиот тим на Барса на 19 октомври против Гранада, додека тимот на Ханси Флик ќе го претстави на светот на 26 октомври во Мадрид.
За Ед Ширан, кој е познат како голем фудбалски навивач, оваа соработка е сон што се остварува.
Клубот објави дека ексклузивните дресови од колекционерското издание ќе бидат достапни од 15 октомври.