Македонскиот репрезентативец, Дарио Ивановски е победник на 21-то издание на Скопскиот атлетски маратон. Мараонската трка се одржа во неделата во Скопје со рекорден број на учесници, 14.000 од 58 земји.

Дарио Ивановски во драматичен финиш, успеа да го мине фаворизираниот Кениец, Џулиус Кипкоеч. Лидерската позиција Ивановски ја презеде на два километри пред целта, на крајот победи со резултат од 2 часа 14 минути и 50 секунди. Кениецот мораше да се задоволи со втората позиција со резултат од 02:15:20 часа, а третото место му припадна на Грузиецот Давити Каразишвили (02:24:48 часа).

Ова е втора победа за Ивановски на Скопскиот маратон, претходно триумфираше во 2021 година. Со оваа победа најдобриот македонски маратонец стана и балкански и национален шампион.

Во женска конкуренција втора година по ред победи Ирине Черуто. Атлетичарлата од Кенија патеката ја мина со време од 2 часа, 38 минути и 31 секунда. Втора на целта пристигна Бугарката Маринела Нинева (2.45.36 часа), со што стана и балаканска шампионка. Третата позиција и припадна на атлетичарката од Азербејџан Ана Јусупова (2:36:13 часа).

Албон Имери од Косово, победи на полумаратонската трка. Делницата од 21 километар ја мина за со време од 1:07.57 часа. Имери победи пред македонските атлетичари Иван Пешовски (1:11.30 часа) и Александар Арсов (1:12:52).
И во женска конкуренција, во полумаратонот победи, редоследот беше ист како и кај мажите.

Победи Греша Бакрачи од Косово(1:20.50), пред македонските натпреварувачки Теа Божиновска (1:21.10) и Миљана Ристиќ Стојческа ( 1:22.13 часа).

Foto/ Instagram

Големиот настан на УФЦ 320 се одржа „Т-Мобиле Арената“ во Лас Вегас. Во главната борба на вечерта, Бразилецот Алекс Поатан Переира го врати шампионскиот појас во полутешка категорија на спектакуларен начин.

На Переира му беа потребни само 80 секунди за да го реши мечот со Магомед Анкалаев, човекот кој му го одзеде појасот во март.

По малку повеќе од една минута од борбата, Переира фрли десен „оверхенд“, кој го погоди дагестанскиот борец веднаш над увото и најави што ќе се случи понатаму.

Анкалаев падна на подот, а Переира го принуди судијата да го прогласи крајот на борбата со серија брутални удари и лакти.

Во моментот кога судијата Херб Дин го прекина натпреварот, Поатан Переира стана и весело покажа кон рускиот борец кој лежеше на подот.

Анкалаев, како и луѓето од неговиот агол, го разбраа овој гест како израз на непочитување.

Рускиот борец стана и се упати кон Переира, но обезбедувањето брзо спречи можна ескалација на конфликтот.

Переира малку подоцна стигна до Анкалаев и се чини дека тој му се извини.

IT'S REVENGE FOR POATAN 🗿 🏆 #UFC320 @AlexPereiraUFC WITH THE RD 1 KNOCKOUT! pic.twitter.com/RIK4zxVNVV

— UFC Europe (@UFCEurope) October 5, 2025

Новиот шампион во кралската класа, Марк Маркез, се здоб со повреда на рамото во инцидент за време на Големата награда на Индонезија.

Возачот на Дукати ја заврши првата трка откако ја освои титулата веќе во првиот круг, по инцидентот со осовјувачот на пол-позицијата и победникот во вчерашниот спринт, Марко Бецеки (Аперилја).

Италијанецот влезе во дуелот со возачот на Дукати премногу амбициозно и се удри во него, по што двајцата завршија на чакалот. Маркез беше однесен во медицински центар по инцидентот.

MASSIVE CRASH FOR BEZ AND @marcmarquez93 💥

Thankfully both are walking away 👀#IndonesianGP 🇮🇩 pic.twitter.com/hqM7sKqVV0

— MotoGP™🏁 (@MotoGP) October 5, 2025

Прегледите во медицинскиот центар открија мала фрактура на коската на рамото, а по дополнителните прегледи ќе се утврди дали ќе му треба операција.

Дукати објави дека Маркез, вечерва ќе отпатува за Шпанија, каде што ќе бидат извршени подетални прегледи, по што ќе биде појасно каков ќе биде периодот на неговото закрепнување.

„Покрај фрактурата, се сомневаме и на оштетување на лигаментите“, рече Маркез во кратка изјава за „DAZN“.

Патем, Маркез ја обезбеди својата деветта титула минатата недела во Јапонија, но се мачеше од почетокот на тркачкиот викенд на патеката „Мандалика“. На патот до својата прва титула по шест години, возачот на Дукати помина низ многу подеми и падови, вкупно пет операции на раката и рамото, 30 пропуштени трки и 108 несреќи.

Победата на Големата награда на Индонезија ја однесе Фермин Алдегер, и тоа во доминантен стил.

Следната рунда од Мото ГП шампионатот е Големата награда на Австралија на Филип Ајленд од 17 до 19 октомври.

Foto/ EPA