Третиот ден од првото коло во Лигата на шампионите започна со убедливата победа на Бриж над Монако (4:1) и ремито меѓу Копенхаген и Баер Леверкузен (2:2).

Бриж за десет минути во првото полувреме го реши прашањето околу конечниот победник на стадионот „Јан Брајдел“.

Сè можеше да биде поинаку доколку Манес Акљуш реализираше пенал за Монако во 10-та минута.

Домашниот голман Симон Мињоле успеа да направи многу за само 18 минути. Тој беше виновникот за пеналот, потоа го одбрани ударот на Акљуш, доби жолт картон и ја напушти играта поради повреда.

Бриж, потоа имаше неколку шанси, но Филип Коне беше на висина на задачата и ги спречи обидите на Никол Тресолди и Христос Цолис.

Конечно Бриж го скрши отпорот на „кнезовите“ во 32-та минута, кога капитенот Ханс Ванакен елегантно му ја додаде топката на Тресолди, кој конечно го совлада Коне.

Домашниот тим го дуплираше водството во 39-та минута. Александар Станковиќ шутираше со глава по корнер, Коне одбрани, а Рафаел Онједика го постигна вториот гол за Бриж.

Бриж не застана тука до полувремето, па во 43-та минута Ванакен ја круниса добрата игра со гол.

Четвртиот гол за Бриж го постигна Мамаду Диакон во 75-та минута.

До крајот на натпреварот, Монако успеа да постигне почесен гол, а стрелец беше резервниот играч Ансу Фати во втората минута од судиското продолжение.

Во истиот период, Копенхаген и Леверкузен одиграа нерешено 2:2 по возбудлив финиш.

Копенхаген добро го отвори натпреварот и поведе со 1:0, кога Џордан Ларсон го искористи додавањето од провери Марк Флекен.

Во првото полувреме немаше многу шанси, а на крајот, Јусуф Мукоко можеше да го удвои водството на Копенхаген, но голманот на Баер беше сигурен.

Во вториот дел од натпреварот немаше возбудувања до завршните десет минути. Со спектакуларен гол изедначи Алехандро Грималдо во 82-та минута.

🚨🇪🇺 WHAT A FREE KICK FROM GRIMALDO WITH BAYER LEVERKUSEN! 🤯pic.twitter.com/t4ZleTFEvW

— Tekkers Foot (@tekkersfoot) September 18, 2025

Само пет минути подоцна, Бразилецот Роберт повторно му донесе водство на Копенхаген.

Токму кога се чинеше дека натпреварот ќе заврши со победа на домашниот тим, Клаудио Ечевери шутираше кон голот, а Гркот Пантелис Хацидијакос во обид да блокира си постигна автогол за конечен резултат – 2:2.

Foto/ EPA

Првата фаза од Светското првенство во одбојка, на Филипини, заврши со две нега сензации. Пласман во нокаут фазата не изборија освојувачите на златниот медал на последните две Олимпијади, Французите и Бразилците, репрезентација која на последните шест Мундијали освојуваше медал.

Бразил е елиминиран во групата со Србија и Чепка. Србија во третото коло го победи Бразил со 3:0, а со ист резултат Чешка ја совлада Кина со 3:0.

Поради победата на Чешка се создаде круг помеѓу Србија, Чешка и Бразил, каде што сите три селекции имаа по шест бода, но Бразил имаше најслаб сет количник и затоа, како трет во групата, беше елиминиран во првата фаза од Светското првенство за прв пат од 1970 година.

Франција не успеа да ја мине групата, од која меѓу 16-те најдобри се пласираа Аргентина и Финска. Двократните олимписки шампиони не успеаја да ја победат Аргетнина во последното коло. Во драматичен и исклучитено квалитетен меч Аргентија победи со 3:2.

Аргентина заврши како победник во групата со седум бода, Финска продолжи како втора во групата со шест бода, додека Французите беа елиминирани со пет бода.

Аргентинците нема да бидат претерано наградени за освојувањето на првото место во групата, бидејќи во осминафиналето за ривал ќе ја имаат Италија, која ја победи Украина со 3:0 и се пласираше како втора во својата група, откако во првото коло доживеа сензационален пораз од Белгија, која како прва во групата за место во четвртфиналето ќе игра против Финска.

Осминафинални двојки:

Србија – Иран
Тунис – Чешка
САД – Словенија
Бугарија – Португалија
Полска – Канада
Турција – Холандија
Аргентина – Италија
Белгија – Финска

Foto/ EPA

Португалскиот стручњак Жозе Мурињо е новиот тренер на Бенфика, објави клубот од Лисабон.

Мурињо (62) потпиша договор со челниците на „Орлите“ до крајот на сезоната, со опција за продолжување на соработката до јуни 2027 година.

Мурињо со тоа се врати во клубот што го водеше во 2000 година. Бенфика беше неговиот прв клуб каде што работеше самостојно како тренер.

Потоа ги водеше Леирија, Порто, Челзи, Интер, Реал, потоа повторно Челзи, а потоа Манчестер Јунајтед, Рома и Фенербахче.

Интересно е што минатиот месец, Мурињо со Фенербахче беше елиминиран од Бенфика во плејофот од Лигата на шампионите и токму затоа беше отпуштен од клубот од Истанбул.

Тој ќе го има своето деби на клупата на Бенфика во сабота, кога неговиот тим ќе гостува кај АФС.

Што можат да очекуваат навивачите на Бенфика од него?

„Во умовите на некои луѓе, имам две биографии – една што опфаќа одреден временски период, а друга што, во умовите на некои луѓе, претставува помалку среќна фаза од мојата кариера.

Мојата несреќа е што во последните пет години играв во две европски финалиња. Драматичната фаза од мојата кариера е што играв во две европски финалиња. Но, јас не сум важен. Доаѓам во Бенфика, каде што мојата фаза од кариерата, а и јас како личност, се трансформиравме на подобро.

Јас не сум важен. Бенфика е важна, навивачите се важни, тие се срцето на секој клуб, а Бенфика е уште повеќе на посебен начин. Ние сме привилегирани, тренери, играчи, на различни нивоа, но во 90 минути, ние ги претставуваме сите тие луѓе.

Не можам да бидам радикален, да почнеме да менуваме сè одеднаш, сè мора да биде мирно. Онаму каде што треба да почнеме е емоционалното ниво, излегувањето на теренот, бидејќи не сме само 11, туку милиони.

Од тактичка гледна точка, ќе почнам многу контролирано, бидејќи не сакам да ја искривувам суштината и можам да кажам, со сето почитување на работата на мојот претходник, дека многу работи се направени добро“, објасни Мурињо на денешната промоција.

Foto/ EPA