Спорт
Тренерот на Лејкерс има план за Јокиќ: Да го киднапираме кога ќе излезе од дома
Денвер Нагетс и ЛА Лејкерс, од 2:30 часот, ќе ја започнат финалната серија во Западната конференција, во НБА лигата.
Тренерот на Лејкерси, Дарвин Хем е свесен дека неговиот тим ќе има тешка задача. Јасно му е дека ќе треба да најде начин како да го запре Никола Јокиќ.
„Ќе се обидеме да го фатиме кога ќе излезе од дома и да го киднапираме“, се пошегува Хем.
„Сите знаеме колку е добар. Ќе мора да ротираме. Антонио Дејвис очигледно ќе започне на него, но ќе имаме неколку момци кои ќе бидат во акција против него. Едноставно ќе се обидеме да бидеме секогаш блиску до него, да го исфрлиме од рамнотежа“.
Тоа нема да им биде лесно на Лејкерси, бидејќи Јокиќ сезонава во плеј-офот има просек од 30,7 поени со 12,8 скока и 9,7 асистенции.
„Само треба да бидеме до него цело време. Ќе има моменти кога ќе треба да ги издржите неговите додавања, ќе има моменти кога ќе треба да ги издржиме неговите поени. Но, треба да го доведеме во ситуација што ќе го направи неодлучен, малку да го исфрлиме од рамнотежа“, заклучи тренерот на ЛА Лејкерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.
Спорт
(Видео) Црвена звезда повторно е шампион на Србија
Фото/ Starsport
Фудбалерите на Црвена звезда на четири кола до крајот на сезоната во Супер лигата на Србија, математички ја обезбедија шампионската титула, седма во низа и 35. во клупската историја.
Црвена звезда, во 33.коло на стадионот „Рајко Митиќ“ го совлада ТСЦ со 2:1. На четири кола пред шампионатот има недостижни 14 бода повеќе најголемиот ривал Партизан, кој во ова коло загуби на домашен терен од Војводина со 2:3..
Сите погодоци во на натпреварот во Белград беа постигнати во вториот дел, Олајинка погоди во 55.минута за 1:0, израмни Милосављевиќ пет минути подоцна. Во 75. минута Ндиаје ги постави конечните 2:1 за големо славје на црвено-белите.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.