Вечева се одиграа последните натпревари од третото коло на Лига купот. Според очекувањата Манчестер сити, Арсенал, Тотенхем и Њукасл се пласираа во следната рунда.

Манчестер сити гостуваше кај Хадерсфилд и победи со 2:0. Сити водеше со 1:0 по 18 минути. Фил Фоден им донесе водство на „Граѓаните“, а тоа беше резултатот од првото полувреме.

Во 74-та минута, Фоден се најде во улога на асистент, а Савињо го постави конечниот резултат.

Њукасл го победи Бредфорд со 4:1 (2:0). „Страчките“ во првите 20 минути ги решија дилемите околу конечниот победник,.

Во 17-та минута, Жоелинтон го отвори резултатот, а само две минути подоцна, гол постигна и Осула.

Во 75-та минута, Њукасл постигна трет гол, Жоелинтон повторно беше стрелец. Четри минути подоцна Кук го намали резултатот. Конечните 4:1 ги постави Осула три минути пред крајот.

Тотенхем немаше проблеми со Донкастер. Тимот на Томас Франк победи со 3:0, а головите ги постигнаа Палиња, Мекграт (авто гол) и Џонсон.

Арсенал гостуваше во Порт Вејл и победи 0:2 (0:1). Арсенал поведе во осмата минута. Одличен гол постигна Езе, аТросар го затвори овој дуел во 86-та минута.

Фудбалерите на Атлетико Мадрид го победија Рајо Ваљекано 3:2 во шестото коло од Ла Лига.

Апсолутен херој на Атлетико беше Хулијан Алварез, кој го постигна првиот хет-трик во дреост на „органџиите“. Голот за победа во 88-та минта беше спектакуларен, со што го поништи торпедото на Пеп Чаварија во финишот на првото полувреме.

Атлетико надмоќно влезе во натпреварот со градскиот ривал, Алварез го отвори резултатото во 15-та минута. Аргентинецот потоа промаши зицер за 2:0, а казната стигна во 44-та минута.

Левиот бек на Рајо, Пеп Чаварија, постигна еден од најубавите голови оваа есен не само во Шпанија туку во светот. Од 30 метри испрати торпедо кон голотнна Облак, топката заврши во горниот десен агол.

И во вториот дел, Атлетико играше подобро, се обидуваа играчите на Чоло Симеоне да ја вратат предноста, а откако Нико Гонзалес и Џулијано Симеоне (два пати) промашија чисит зицери, казната дојде преку капитенот на Рајо, Гарсија, кој во 78-та минута избегна офсјад и го совлада Облак.

Две минути подцона Алварез го врати резултатото во егал, а истиот играч во 88-та минута постигна евро-гол со удар од 25 метри. До крајот, Рајо не напраби ништо во нападот, а Атлетико промаши уште една чиста шанса, повторно трагичар беше Симеоне.

Атлетико ја забележа втората сезонска победа, го освои деветтиот бод и во добро расположение го чека градското дерби со Реал во сабота.

Вечерва започна новата сезона во Лига Европа. Регионалните великани Динамо Загреб и Црвена звезда играа дома. „Модрите“ го победија Фенербахче со 3:1, а црвено-белите играа 1:1 со Селтик.

Динамо до троимфот над вицепрвакот на Турција дојде со головите Дион Дрено Беља во 21-та и 51-та минута и Монсеф Бакрар во 95-та минута, додека единствениот гол за Турците го постигна Себастијан Шимански.

Црвена звезда против Селтик имаше подобри шанси, осбено во првото полувреме, но гостите од Глазгов во 56-та минута ја шокираа „Маракан“ со голот на Ихеначо. Девет минути подоцна изедначи Марко Арнаутовиќ.

Резултати:

Митјиланд – Штурм Грац 2:0 (1:0)
/ Кристенсен 7 а.г. , Диао 89/

ПАОК – Макаби Тел Авив 0:0

Бетис – Нотингем Форест 2:2
/Бакамбу 15, Антони 85- Игор Жезус 18, 23/

Брага – Феенорд 1:0 (0:0)
/Наваро 79/

Фрајбург – Базел 2:0 (1:0)
/Остерхаге 31, Егештајн 57/

Малме – Лудогорец 1:2 (0:2)
/Јонсен 78 – Станиќ 8 пен., Биле 23/

Ница – Рома 1:2 (0:0)
/Мофи 77пен – Ндика 52, Манчини 55/