Спорт
Трилер во Атланта, четири продолженија и победа на Чикаго (Видео)

Атланта и Чикаго, изминатата ноќ, го одиграа најефикасниот натпревар во 21 век. Натпреварот во кој се играа четири продолженија им припадна на Булс 168:161. Инаку, ова е четвртиот најефикасен натпревар во историјата на НАБ лигата.
Драмата ја најави Ото Портер, кој на 0,4 секунди до крајот, избори три слободни фрлања, ги погоди сите и израмни на 124:124.
По првото продолжение резултатот беше 140:140, откако дебитантот во редовите на Атланта Трае Јанг израмни на секунда до крајот.
Во второто продолжение тимовите постигнаа само по седум поени (147:147), а третото му припадна на Зек Лавин, кој ги постигна последните шест поени во за 155:155. Во последната четвртина Булс успеаја да се „одлепат“ и да го добијат мечот.
Најефикасниот меч во 21 век е четвртиот најефикасен меч во НБА историјата. Пред Атланта и Чикаго се само дуелите: Детроит-Денвер(186:184 во 1983 година, Сан Диего-Њујорк 176:166 во 1975 година и Сан Антонио-Милвоки 171:166 во 1982 година.
Во овој неверојатен меч кај Чикаго се истакнаа Зек лавин со 47, односно Лаури Марканен и Ото Портер со по 31 кош. Кај Атланат најдобар беше дебитантот Трае Јанг со 49 поени, 8 скока и 16 асистенции.
Резултати:
Атланта Хокс-Чикаго Булс 161:168
Бруклин Нетс-Шарлот Хорнетс 112:123
Бостон Селтикс-Вашингтон Визардс 107:96
Торонто Репторс-Портланд Трејлблејзерс 119:117
Финикс Санс-Њу Орлеанс Пеликанс 116:130
Сакраменто Кингс-ЛА Клиперс 109:116
ЛА Лејкерс-Милвоки Бакс 120:131.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јувентус го договори Жегрова и го испрати Гонзалес во Атлетико

Јувентус, во финишот на преодниот рок обезбеди важно засилување. Поранешниот фудбалер на Лил, Едон Жегрова доаѓа во Јувентус. Во исто време клубот ќе го напушти Нико Гонзалес.
Косовскиот репрезентативец пристигнува од француски Лил, каде што играше претходните три сезони и се профилираше како еден од најдобрите играчи во Лига 1 на позицијата офанзивен играч за врска.
Жегрова ќе му се придружи на својот поранешен соиграч од Лил во Јувентус, Канаѓанецот Џонатан Давид, кој исто така им се придружи на Бјанконерите ова лето, но како слободен играч.
Италијанските медиуми објавуваат дека Јувентус ќе му плати 15 милиони евра на Лил
За репрезентацијата на Косово досега одигра 42 натпревари и постигна пет гола.
Исто така, на претпоследниот ден од преодниот рок, раководството на „старата дама“ ја прифати понудат од Атлетико за Аргентинецот, Нико Гонзалез.
Сезонава, Нико ќе настапува како позајмен играч во Атлетико. Клубот од Мадрид ќе плати еден милион евра за позајмицата.
На крајот од сезоната, во завосност од настапите, Атлетико ќе може да го откупи договорот на Аргентинецот за за сума помеѓу 20 и 30 милиони евра.
Фото/ Принтскрин
Спорт
(Видео) Шок во Милано, Удинезе го победи Интер

Вицепрвакот на Италија и Европа, Интер доживеа шокатнтен пораз на „Џузепе Меаца“ во второто коло, во Серија А. Удинезе победи со 2:1.
Интер поведе во 17-та минута со голот на Дензел Дамфрис по додавањето на Маркус Турам.
Во 26-та минута, Дамфрис играше со рака во шеснаесетникот. Во првиот момент, судијата покажа дека нема пенал, но доби сигнал од ВАР собата. Откако ја провери снимката, ја промени својата одлука. Кенин Дејвис беше прецизен во 29-та за 1:1.
Во 40-та минута, Артур Ата прими одлична топка на работ од шеснаесетникот и брилијантно постигна гол за водство на гостите.
Мрежата на Удинезе се тресеше во 56-та минута, но по проверката на ВАР, голот на Федерико Димарко беше поништен поради офсајд.
Подоцна, Интер имаше одлична можност преку Турам, но не успеа да освои барем бод на овој натпревар.
Foto/ EPA/MATTEO BAZZI
Спорт
(Видео) Влаховиќ за победа на Јувентус во Џенова
Фудбалерите на Јувентус ја победија Џенова на гостински терен во второто коло од Серија А со 1:0.
Единствениот стрелец беше српскиот фудбалер Душан Влаховиќ во 73-та минута, на асистенција на неговиот сонародник Филип Костиќ.
Јувентус изгледаше лошо во поголемиот дел од натпреварот, се мачеше да создаде шанса, па Џенова лесно ги одбиваше нападите на противникот.
Клучен момент беше 70-минута кога тренерот Игор Тудор на теренот ги испрати Влаховиќ и Костиќ. Три минути подцна српската врска му ја донесе победата.
Во следното коло Јувентус го очекува големото дерби против Интер.
Foto/ corriere.it