Спорт
Трилер завршница во „Берси“ – Франција ја победи Германија
Кошаркарската репрезентација на Франција ја совладаа селекцијата на Германија во преполната „Берси“ со резултат 73:69 и се пласираа во финалето на олимпискиот турнир.
Противник на тимот на Винсент Коле ќе биде подобариот од дуелот меѓу Србија и Соединетите Американски Држави ќе се игра од 21:00 часот. Финалето се игра во недела од 21.30 часот. Германија ќе се бори за својот прв медал во историјата кога е во прашање кошарката на ОИ против поразениот од мечот Србија – САД, а таа средба е закажана во чуден термин, во сабота од 11 часот.
Франција не одигра добар турнир на стартот, имаше многу поплаки за работата на селекторот Коле, но во нокаут фазата домаќините најдоа ритам, пред се во одбраната. Откако во четвртфиналето ја совладаа Канада, Французите имаа нова тешка задача во полуфиналето.
Уште потешко стана во првата четвртина, кога избраниците на Гордон Херберт поведоа со 12:2 преку расположените Денис Шрудер и Франц Вагнер. Сепак, „триколорите“ до полувремето успеаја да изедначат. Клучна беше втората четвртина во која на Германија и дозволија да постигне само осум поени.
Во третиот период видовме голема борба, а одличен беше кошаркарот на Реал Мадрид Гершон Јабуселе, кој заедно со искусниот Никола Батум ги држеше Французите во игра. На крајот од периодот Лесор погодува под кошот, а Еван Фурние погоди тројка за „ерупција“ во Берси и најубедливо водство на домаќините, 56:50.
Во последната четвртина Германците имаа проблем во организацијата на играта, Французите ги исклучија од играта Шрудер и Вагнер, па Франција дојде до предност од 13 поени.
Сепак, избраниците на Коле со низа лоши одлуки ги вратија Германците во игра, а по тројката на Франц Вагнер на 40 секунди до крајот, Германија се доближи на само -2 (70:68). Виктор Вембањама беше фаулиран и погоди слободно фрлање, па Германија имаше шанса за продолжение на 10,9 секунди до крајот на натпреварот. Шридер веднаш беше фаулиран и го промаши првото слободно фрлање, а тоа беше практично крајот на натпреварот. Ѕочка на победата на Франција стави еден од најдобрите Французи, Ајзеа Кординие.
Кај Франција најрасположен беше Гершон Јабуселе со 17 поени, седум скока и две асистенции. Го следеше Ајзеа Кординије со 16 поени, седум скока и две асистенции
Виктор Вембањама со 11 поени (4/17 од поле) со седум скока и четири асистенции, како и Матијас Лесор со 10 поени и четири скока беа двоцифрени.
За Германија, Денис Шрудер постигна 18 поени со два скока и четири асистенции, а двоцифрен беше и Франц Вагнер со 10 поени, девет скока и три асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.