Спорт
Тринкиери: Евролигата сака да ја копира НБА, тоа не е возможно

Уште еден кошаркарски тренер го искажа своето незадоволство од густиот распоред во Евролигата. По Еторе Месина и Шарунас Јасикевичиус, тоа го направи и тренерот на Баерн Минхе, Андреа Тринкиери.
„Ираме премногу натпревари, едноставно се премногу“, рекол Тринкиери по дуелот на неговиот тим со Макаби.
„Се обидуваме да ја копираме НБА лигата, тоа ми е јасно, но НБА го има најдобриот кошаркарски производ и невозможно е да копирате само некои работи“, рекол Италијанецот и потоа направил мала анализа.
„Регуларната сезона во НБА има 82 натпревари, тоа значи дека имате 82 шанси да го поправите пласманот на табелата. Имате 30 тимови, во секоја конференција, 16 од нив играат плејоф. Во Евролигата играме 34 натпревари. Од 18 екипи, осум одат понатаму. Во такви околности тешко е секога да бидеш квалитетен, тешко е дека ќе гледаме квалитетна кошарка кога се игра на секи 48 часа. Не може да се спореди важноста на еден натпревар во Евролигата и НБА. Во Евролигата секој натпревар е борба, војна…Поради тоа имаме неефикасни натпревари и голем број на повредени кошаркари.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Обамејанг шоу против Гамбија – Постигна четири гола и доби црвен картон

Со убедлива победа на гости против Сејшелите, фудбалерите на Брегот на Слоновата Коска се доближија до пласман на Светското првенство, кое ќе се одржи во САД, Мексико и Канада од 11 јуни до 19 јули следната година.
Брегот на Слоновата Коска се први на табелата во групата Ф, попладнево победија со 7:0 против Сејшелите со головите на Сангаре (7-11м), Агбаду (17), Диаките (32), Гесанд (39), Диоманде (55), Адингра (67) и Кеси (90).
„Слоновите“ сега имаат 23 бода, еден повеќе од Габон, кој ја победи Гамбија со 4:3 како гостин во натпревар полн со пресврти. Габон водеше со 1:0 и 2:1, Гамбија направи пресврт на 3:2, но на крајот Габон сепак победи со 4:3.
Сите четири гола за Габон ги постигна ветеранот Пјер-Емерик Обамејанг (20, 42, 62, 78), но беше исклучен во 85-та минута поради втор жолт картон, додека стрелци за Гамбија беа Минтех (23) и Сидибех (45+2, 47).
За четири дена, Брегот на Слоновата Коска ќе има можност да го обезбеди Светското првенство со победа дома против Кенија, додека Габон, со победа против Бурунди, ќе мора да чека кикс на „Слоновите“, за да го обезбеди своето историско прво патување на Светското првенство.
Спорт
Младата репрезентација со пресврт до победа над Ерменија

Младата македонска фудбалска репрезентација ја забележа првата победа во квалификациите за пласман на Европското првенство во 2027 година.
Попладнево во Скопје, Македонија ја победи соодветната селекција на Ерменија со 2:1. Херој на победата беше стрелецот на двата гола, Димитар Трајков.
Македонските надежи со пресврт во второто полувреме дојдоа до првите бодови во Е групата. Ерменците имаа предност од 38-та минута кога погоди Ховханисијан.
Пресвртот го режираше напаѓачот на Работнички, Трајков, со головите во 54-та и 83-та минута.
Фото/ Фудбалска федерација на Македонија
Спорт
(Видео) Бразил ја декласира Јужна Кореја

Бразилската фудбалска репрезентација ја победи Јужна Кореја со 5:0 во пријателски натпревар одигран во Сеул.
Екипата на Карло Анчелоти ја демонстрираше својата сила против една од најдобрите азиски селекции.
Двојни стрелци за „селесао“ беа Естевао (13, 47) и Родриго (41, 49), додека еден гол постигна Винисиус Жуниор (77).
Со играта, Бразил потсети на најдобрите денови на оваа репрезентација, Родриго, Естевао, Куња, Винисиус правеа што сакаат на теренот.
Foto/ EPA