Спорт
Трипл-дабл на Јокиќ, Дончиќ и Ирвинг го растурија СА, Ембид го блокира Мемфис

По паузата за Ол-стар викендот, изминатата ноќ продолжија возбудувањата во НБА лигата. Победи забележаа Денвер, Далас, Бостон, Филалделфија…
Никола Јокиќ, актуелниот МВП, го предводеше својот тим до победата над Кливеленд Кавалирс 115:109. Во Кливленд, Јокиќ за три четвртини забележа трипл-дабл. Тој е лидер во оваа статистичка категорија во лигата. Против Кавалирс го забележа 22. трипл-дабл во сезоната.
На крајот Јокиќ забележа 24 поени, 18 скока и 13 асистенции. Најефикасен кај Денвер, со 25 поени, беше Мајкл Портер јуниор.
Филаделфија во дербиот го победи Мемфис со 110:105. Одлична шутерска вечер имаше Џејмс Харден кој погоди 10 од 16. шута, постигна 31 поен со седум асистенции и исто толку скокови.
Сепак, најдобар поединец беше Џоел Ембиид.Постигна 27 поени, на кои им придодаде 19 скока, шест асистенции и шест блокади, од кои една во самиот финиш со која го реши победникот.
Оклахома Сити Тандер загуби по едено продолжение во Солт Лејк Сити, од Јута Џез со 120:119.
Шај Гилџис-Александер постигна 39 поени, осум скока, седум асистенции, две украдени топки и една блокада со шут од поле 12/16 за Оклахома. На спортивната страна уште подобра беше Лаури Марканен. Финецот мечот го заврши со 43 поени и 10 скока.
Предводени од Лука Дончиќ и Кајри Ирвинг, Далас Маверикс го совладаа Сан Антонио Спарс со 26 поени разлика (142:116). Дабл-дабл учинок имаше Словенецот 28 поени, 10 скока, седум асистенции.
Ирвинг беше вториот најдобар стрелец на тимот со 23 поени (8/13 шут).
Најдобриот тим во лигата, Бостон Селтикс, во Индијанаполис ја запиша 47.победа во сезоната. По едно продолжение Селтикс славеа победа 142:138. Најефикасен кај победниците беше Џејсон Тејтум со 31 поен. Индијана ја предводеше Мајлс Тарнер со 40 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тотална промена во ждрепката за Лига Европа и Конференциската лига

Ждрепката за групните фази на Лигата на Европа и Лигата на Конференции ќе се одржи на една церемонија, а тоа носи голема промена во самиот процес. Наместо традиционалното извлекување со топчиња, распоредот ќе биде одреден со софтвер.
На сцената ќе се употреби само едно копче. Ќе се притиска на самиот почеток на обете извлекувања, што ќе активира програма која случајно ги одредува противниците и редоследот на домашните и гостинските натпревари.
Откако софтверот ќе ги обработи сите податоци, распоредот ќе биде објавен постепено.
Церемониите за извлекување започнуваат во петок, 29 август, во 13 часот по средноевропско време. Ќе биде извлечена и Шкендија, доколку го помине Лудогорец ќе биде во ждрепката за Лигата на Европа, во спротивно македонскиот првак оди во Конференциската лига.
Спорт
Реал Мадрид издвојува најмногу за плати од сите клубови во Европа

Реал Мадрид и во новата сезона 2025/2026 го потврдува статусот на клуб со највисоки плати во европскиот фудбал. Според податоците на специјализираните страници „Betideas“ и „Capology“, просечната годишна плата на играчите на „кралскиот клуб“ е 11,2 милиони евра.
Оваа бројка е дури за 60 проценти повисока од сумата што ја издвојуваат повеќето други европски гиганти. Интересно е што ова е сепак мало намалување во споредба со минатата сезона, кога просекот беше малку повеќе од 12 милиони евра.
Далеку зад Реал Мадрид е нивниот најголем ривал, Барселона, чии играчи заработуваат просечно 7,91 милиони евра годишно. Каталонците исто така забележаа пад, со оглед на тоа што минатата сезона просекот беше 8,5 милиони евра.
Третото место на рангирањето го зазема Манчестер сити со просечна плата од 7,43 милиони евра. Сепак, за разлика од шпанските гиганти, англискиот клуб ја зголеми својата сметка за плати за повеќе од еден милион евра во споредба со претходната сезона.
По водечкото трио следува Баерн Минхен со 7,38 милиони евра, потоа Пари Сен Жермен и Арсенал, кои издвојуваат околу 7 милиони евра за просечна плата.
Клубови со највисоки просечни бруто плати во светот
1. Реал Мадрид – 11,2 милиони евра
2. Барселона – 7,9 милиони евра
3. Манчестер Сити – 7,43 милиони евра
4. Баерн Минхен – 7,38 милиони евра
5. ПСЖ и Арсенал – 7 милиони евра
6. Ливерпул и Манчестер Јунајтед – 6 милиони евра
7. Челзи и Тотенхем – 4,5 милиони евра
Foto/ EPA/J.L. Cereijido
Спорт
Нико Ковач го продолжи договорот со Дортмунд

Тренерот на Борусија Дортмунд, Нико Ковач, го продолжи договорот со „милионерите“ до јуни 2027 година, објави германскиот клуб.
„Нико целосно се посвети на својата улога во Дортмунд. Тој многу добро го познава фудбалот, има јасни принципи, е искрен и директен во комуникацијата и наградува добра работа“, изјави Ларс Рикен, спортски директор на Дортмунд.
Ковач, кој претходно освои трофеи со Баерн Минхен и Ајнтрахт Франкфурт, го презеде тимот во февруари кога беа 11-ти на табелата во Бундеслигата, по лошиот почеток под водство на Нури Сахин.
Под негово водство, тимот стана многу постабилен и ја заврши сезоната на четвртото место, со што ја обезбеди Лигата на шампионите.
Медиумите известуваат дека клубот преговара со Челзи за потпишување на договорот со аргентинскиот стопер Арон Анселмино, со цел зајакнување на одбраната.
„Веруваме дека тука, заедно со клубот и навивачите, можеме да постигнеме нешто посебно. Нашите разговори во последните недели го зајакнаа моето верување дека можеме да изградиме долгорочен успех врз основа на досегашните резултати и да ја вратиме Борусија таму каде што припаѓа“, изјави 53-годишниот Ковач.