Спорт
Трипл-дабл за Јокиќ, пораз за Денвер (Видео)

Финикс Санс немаа нерви ниту искуство за да ги изненадат шампионите од Оукленд, Голден стејт Вориорс. Иако имаа предност во првите три четвртини, Санс не го издржаа притисокот, потклекнаа во решавачкиот период, кога Голден стејт направија серија 13:0.
Дуелот на најлошиот и најдобриот тим на Западот им припадна на Вориорс 117:107. Клејн Томпсон постигна 25 поени, Кевин Дурент 21, а Стеф Кари 20, додека кај Финикс се истакна Кели Оубри со 25 поени.
Вориорс имаат скор 39 победи и 15 порази, а Финикс 11 победи и 44 порази.
Лидерот на Истокот и воопшто во лигата, Милвоки Бакс убедливо победија во Далас 122:107. Уште еднаш брилијантен меч одигра Јанис Адетокумбо (29 поени, 17 скока, 5 асистенции). Лука Дончиќ со 20 поени ги предводеше Далас.
Детроит Пистонс очекува лесно ги победија Њујорк Никс 120:103. Андре Драмонд забележа 29 поени и 20 скока. Њујорк го забележаа 15 пораз во низа.
Најпривлечниот дуел изминатата ноќ го одиграа Филадлефија и Денвер (117:110). Денвер се вратија во мечот откако имаа минус од 16 поени, но играчите на Филаделфија успеаја во финишот да ја обезбедат победата.
Ветеранот Џеј-Џеј Редик ги предводеше победниците со 34 поени, Џими Батлер постигна 22, а Џоел Ембид забележа 15 поени и 12 скока.
Кај Денвер најдобар беше Никола Јокиќ со трипл-дабл од 27 поени и по 10 скока и асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Дијаз погоди во 15-та секунда, Баерн се прошета низ Франкфурт

Фудбалерите на Баерн Минхен го победија Ајнтрахт во Франкфурт со 3:0 (2:0) во натпреварот од 6-то коло на германската Бундес лига.
Натпреварот го одбележа Колумбиецот Луис Дијас, кој постигна два гола за Баварците, од кои првиот по само 15 секунди игра.
Штом трагнаа од центарот домашните фудбалери, Серж Гнабри одзеде една топка го проигра Дијаз на втората статива за рано водство. Ова е најбрзиот гол дпостигнат сезонава во Бундес лигата.
Дека Баерн ќе забележи лесна победа беше јасно во 27-та минута кога предноста ја заголеми Хари Кејн. Англичанеццот од почетокот на сезоната го постигна 18-от гол.
Резултатот 2:0 на семафорот стоеше до 84-та минута кога Дијаз со својот втор гол го постави конечниот резултат.
Актуелниот шампион го задржа својот максимален учинок на првото место со 18 бода, додека Ајнтрахт остана на шестото место со девет бода.
Спорт
(Видео) Гол и хет-трик асистенции за Бони, Интер лесно го порази Кремонезе

Интер забележа убедлива победа против Кремонезе во шестто коло, во Серија А. Во победата 4:1 блескаше поранешниот напаѓач на Парма, Бони.
Интер ја забележа четвртата победа во сезоната и полека фаќа приклучок со водечките тимови. Кремонезе по одличниот старт, две победи во првите две кола, во наредните три одигра нерешено, а вечерва го забележа првиот пораз во Серија А.
Првиот гол на натпреварот го постигна капитенот Лаутаро Мартинез, по додавањето на Бони во 6. минута, а потоа Бони зголеми на 2:0. Во второто полувреме, Бони беше асистент за Димарко и Барела во 55. и 57. минута, за конечни 4-0 на „Џузепе Меаца“.
Во самиот финиш на натпреварот почесениот гол за Кремонезе го постигна Бонацоли.
Foto/ EPA
Спорт
(Видео) Бразилскиот тинејџер Естевао му пресуди на Ливерпул во 96.минута

Челси го доби Ливерпул со 2:1 во дербито одиграно во 7.коло, во Премиер лигата. Херој на Челзи е 17-годишниот Бразилец, Естевао, кој погоди за победа во 95.минута.
Актуелниот шампион е во криза, потрошените речиси 500 милиони евра во преодниот рок, засега не даваат резултат. На почетокот на сезоната, Ливерпул се вадеше со голови во финишот на натпреварите, а сега бележи порази на идентичен начин.
Во минатото коло, во Премиер лигата,Ливерпул загуби во судиското надополнување од Кристал Палас, следуваше пораз од Галатасарај во Истанбул, во Лигата на шампионите, а вечерва во 95.минута „црвените“ запишаа пораз на гостувањето кај Челзи.
Ливерпул две и пол години не забележал три порази по ред.
Челзи, вечерва на „Стенфорд Бриџ“ беше подобар и заслужено победи. Не знаеја избраниците на Енцо Мареска, порано да го решат прашањето околу конечниот победник.
Торпедото на Каиседо во 14.минута го отвори резултатот. Ливерпул изедначи во 63.минута, од првата вистинска акција преку Гакпо.
До крајот Челзи имаше неколку шанси, Фернадез ја погоди стативата во 92.минута, но победата стигна три минути подоцна, кога Кукуреља по земја ја испрати топката на подалечната статива, Робертсон заборави дека зад него е Естева кој ја смести топката зад грбот на најдобриот играч на Ливерпул, голманот Мамардашвили.
Со овој пораз Ливерпул му ја препушти челната позиција на Арсенал. Екипата од Лондон има 16 поени, еден повеќе од Ливерпул, додека Челси е на шестата позиција со 11 поени.