Спорт
Триумф на Денвер во ЛА, Лејкерси победија во Сан Антонио
Денвер Нагетс славеа победа во Лос Анџелес и се искачија на второто место на Западот. Први се Феникс Санс кои изминатата ноќ го победија Детроит.
Без Пол Џорџ, Каваи Ленард и Лук Кенард, Клиперси немаа сила да им се спротивстават на Деневер. Нагетс го контролираа натпреварот, на крајот славеа со 114:104. Арон Городн постигна 29, Џамал Мареј 21, а Никола Јокиќ на 19 поени им придодаде и 13 скокови.
Портланд, по едно продолжение, ги победи Њујорк со 132:129. Во отсуство на Демијан Лилард, победата на Портланд има ја донесоа Грент (44 поени), Симонс (38) и Нуркиќ (20 поени, осум скока, седум асистенции).
Бранителите на титулата, Голден стејт Вориорс, полека влегуваат во форма. Вориорс ја победија Јута со 129:118. Стеф Кари и Клеј Томпсон уфрлија по шест тројки, Кари мечот го заврши со 33 поени, Томпсон со 20, колку што постигна и Ендрју Вигинс.
Лејкерси конечно добија натпревар на гости, славеа во Сан Антонио 105:94. Леброн Џејмс се врати во тимот откако пропушти пет натпревари поради повреда. Џејмс постигна 21 поен, Ентони Дејвис имаше 25 поени и 15 скока.
Милвоки беше подобар од Кливленд со 117:102 со 38 поени на Јанис Адетокунбо и 29 на Донован Мичел за Кливленд.
Трео Јанг уфрли 44 поени, но не успеа да го спречи поразот на Атланта од Кливленд 128:122.
Бруклин загуби од Индијана со 128:117 во Индијанаполис. Кевин Дурент постигна 36 поени, а Симонс и Ирвинг додадоа по 20 поени.
Резултати:
Орландо – Филаделфија 99:107
Њујорк – Портланд 129:132
Бостон – Сакраменто 122:104
Мемфис – Њу Орлеанс 132:111
Мајами – Вашингтон 110:107
Оклахома – Чикаго 123:119
Феникс – Детроит 108:102
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешен италијански фудбалер пронајден мртов во хотел по забава со пријателите
Поранешниот италијански фудбалер Андреа Капоне (43) е пронајден мртов во хотел откако се забавувал со пријателите. Од полицијата засега информираат дека смртта била ненадејна, а се сомневаат дека е повреда на вратот поради пад.
„Газета дело Спорт“, пишува дека Капоне бил на вечера и забава со пријателите, а следното утро бил пронајден во несвест. Брзата помош се обидела да го оживее.
Капоне е поранешен играч од средниот ред кој поголемиот дел од кариерата го помина во Каљари. Кариерата ја започна во 1998 година, а ја заврши во 2010. Играше и за Сора, Тревизо, Виченца, Гросето и Салернитана, кој беше неговиот последен клуб.
Спорт
(Видео) Мурињо заработи жолт картон поради лаптопот
Фудбалерите на Фенербахче како гасти славеа над Аланија со 2:0. По овој натпревар Фенербагхче се вторио на табелата со 16 поени, три помалку од Галатасарај.
Натпреварот го обележа Жозе Мурињо кој смисли нов начин како да го испровоцира главниот судија и да добие жолт картон.
Во 78.минута, незадоволен од една судиска одлука, темпераментниот Португалец, пред една од камерите на лаптоп ја пушти според него спорната ситуација.
Главниот судија Џихан Ајдин, веднаш му покажа жолт картон.
Фенербахче победи со головите на Душан Тадиќ во 63. минута и Кевин Талисон (автогол) во 81. минута.
Jose Mourinho got booked for showing the TV Cameras the referee’s bad decision on his laptop pic.twitter.com/JLCKTsb0M7
— Troll Football (@TrollFootball) September 29, 2024
Спорт
(Видео) Лудница во дерби „Мадрилењо“ – Кореа во 95.минута не дозволи Реал да слави над Атлетико
Фудбалерите на Атлетико и Реал одиграа 1:1 во градското дерби во во осмото коло од шпанската Ла Лига.
Ниту еден од тимовите не го искористи на најдобар можен начин вчерашниот пораз на Барселона од Осасуна.
Актуелниот шампион сега е на втората позиција со 18 бодови, три помалку од Барса, додека Атлетико е трет со 16 бодови на своето конто.
Вечерва во „мадрилењо“ имаше бууквално се. Натпреварот се играше во високо темпо, Реал беше за нијанса поконкретен, но играчите на Карло Анчелоти сите добри шанси ги имаа кога шутираа надвор од шеснаесетникот. Атлетико добра шанса имаше во раната фаза од натпреварот, кога ударот на Алварез го одбрани Куртоа, а потоа во последните десетна минути домаќинот креираше неколку опасни акции.
Дербито за малку ќе го решеше Едер Милитао во 64. минута, со гол кој пристигна по акција од сомнително досуден слободен удар. Пет минути по постигнатиот гол судијата ги испрати играчите во соблекувалната.
Домашните навивачи паднаа на малата провокација од голмаот Куртоа (во кариерата има одиграно 111 натпревари за Атлетико). Тие фрлаа со запалки кон голманот на Реал.
Madrid derby suspended because Atletico Madrid fans were throwing objects at Courtoispic.twitter.com/BK0fhUQwif
— Total Football (@TotalFootbol) September 29, 2024
Делириум на „Сивитас Метрополитано“ предизвика голот на Анхел Кореа во 95.минута. Голот најпрвин беше поништен, но од ВАР собата потврдија дека Аргентинецот не бил во офсајд.
Кореа како и Милитао го постигна својот прв гол во градските пресметки. Интересно, ова е негов 55. гол во дресот на Атлетико, а кога тој бил стрелец „јорганџиите“ никога не загубиле натпревар.
На крајот во последниот напад на Реал црвен картон доби Маркос Љоренте поради грб старт врз Фран Гарсија.