Спорт
Трофеите на Бекер биле продадени за 700.000 фунти
Трофеите што Борис Бекер ги освои во својата славна тениска кариера биле продадени на аукција за 700.000 фунти за да се отплатат неговите долгови, се тврдеше на судењето во Лондон денеска, на кое Бекер е обвинет дека прикривал средства и имоти за да избегне да плати долг.
Бекер банкротира во 2017 година, но обвинет е дека одбил да ги предаде трофеите (вклучувајќи три трофеи од Вимблдон и олимпиското злато) за да врати долг од 3 милиони фунти на приватната банка „Арбатнот Латам“, кој го зел за да купи имот на шпанскиот остров Мајорка.
Адвокатот на Бекер, Џонатан Ледлоу, пред судот објасни дека тенисерите добиваат минијатурни верзии на славните трофеи што ги заддржуваат во својата колекција, но дека трофеите на Бекер биле одземени од него и од домот на неговата мајка во Германија за да се продадат за 700.000 фунти.
Бекер, кој во кариерата освои 49 титули во сингл во 16-годишната кариера, ги отфрла обвинувањата дека прикривал какви било информации за трофеите, а исто така дека продал автосалон во Германија, во кој продавал автомобили „мерцедес“ за 1.000.000 евра. Тој исто така е обвинет дека префрлал пари на сметките на своите поранешни сопруги Барбара Бекер и Шерли Лили Бекер за да ги скрие парите.
Се очекува судењето да трае повеќе од три недели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Манчестер Сити сака во јануари да ја активира клаузулата во договорот на Семењо
Ливерпул доби сериозен конкурент во трката по потписот на Антоан Семењо. Како што објавија англиските медиуми, челниците на Манчестер Сити сериозно ја разгледувале опцијата да ја активираат откупната клаузула на Семењо од 65.000.000 фунти во зимскиот преоден рок.
Медиумите, во Англија, особено оние што ги следат сосотојбите на „Етихад“, тврдат дека Гвардиола бил убден дека со Семењо во тимот ќе може сериозно да му се спротивстави на Арсенал во борбата за титулата.
Исто така е јасно дека, доколку Семењо се пресели во Сити дека еден или двајца играчи ќе мора да го напуштат тимот.
На десно крило Гвардиола го има Савињо, кој стагнира откако дојде во Сити, а на таа позиција мпожта да играат Омар Мармуш, Рајан Шерки ова лето, Бернардо Силва, а дури и Фил Фоден.
Савињо сигурно има најголеми шанси да си замине, кој не се наметна и не ги оправда очекувањата дури ни во новата сезона, а беше сериозно поврзуван со Тотенхем во летниот преоден рок.
Семењо е на мета на Ливерпул, кој сака да го засили нападот и бара долгорочна замена за Мохамед Салах, кој речиси сигурно ја игра својата последна сезона на „Енфилд“.
Семењо експлодираше на почетокот од оваа сезона со шест гола, но потоа западна во мини-криза и не постигна гол во пет натпревари. Последниот, или последните два го постигна против Фулам на 3 октомври во победа од 3:1.
Тој пристигна во Борнмут во јануари 2023 година од Бристол Сити за само 10.000.000 евра.
Foto/ EPA
Спорт
Чаби Алонсо е соочен со отказ, мора да победи во Билбао
Ситуацијата во Реал Мадрид станува сè потензична, а тренерот Чаби Алонсо е на работ на отказ. По три натпревари без победа, во домашното првенство, претседателот на клубот Флорентино Перез сериозно размислува за промена на клупата, а следниот дуел со Билбао би можел да ја одлучи судбината на Алонсо.
Иако Алонсо претходно забележа добри резултати и 13 победи во првите 17 натпревари, серијата слаби натпревари неодамна го ставија под лупа на раководството.
Поразот од Ливерпул во Лигата на шампионите, проследен со два нерешени резултати во домашното првенство, дополнително ја влоши ситуацијата. Според информациите од шпанските медиуми, доколку Реал не триумфира против Билбао, Перез би можел да го активира планот Б, односно да го врати Зинедин Зидан, кој веќе седеше на клупата на Мадрид. Доколку тоа се случи Зидан б го водел тимот до крајот на сезоната.
Интересно е што Алонсо е на врвот на листата на желби на Ливерпул доколку Арне Слот не успее да ги подобри резултатите.
Слот, барем засега, доби мал бонус благодарение на победата над Вест Хем, но времето работи против него. Доколку Алонсо добие отказ, враќањето на Зидан на клупата на Реал би можело да ја промени динамиката на тимот до крајот на сезоната, додека Перез бара решение кое би донело стабилност и посакуван резултат во шампионатот на Шпанија и Лигата на шампионите.
Foto/ EPA
Спорт
Родриго падна во црна дупка, 30 натпревари не постигнал гол
Родриго успеа да го израмни негативниот рекорд на Реал Мадрид.
Бразилецот врза 30 натпревари во дресот на Реал во кој не постигна гол, што е најлошата серија, на напаѓач во историјата на „кралскиот клуб“.
Со доаѓањето на Чаби Алонсо, Родриго целосно падна во втор план, откако беше незаменлив под водство на Карло Анчелоти. Ова лето, дури се шпекулираше дека Флорентино Перез го проценува на 100.000.000 евра и дека е подготвен да го продаде.
Беа споменати бројни клубови како – Ливерпул, Баерн Минхен, Арсенал и Челзи, но на крајот никој не беше подготвен да плати таква сума.
И очигледно, беа во право. Родриго е сигурна и, како што велат, „лоша“ резерва, бидејќи веќе со недели и месеци не придонесува во играта.
Тој го постигна својот последен гол за Реал на 4 март против Атлетико Мадрид во Лигата на шампионите, додека во Ла Лига последен пат постигна гол на 19 јануари против Лас Палмас.

