Спорт
Црвена звезда и Дубаи изборија полуфинални мајсторки во АБА лигата
Црвена звезда и Дубаи изборија мајсторки во полуфиналните серии, во АБА лигата, против Будуќност, односно Партизан. Натпреварите број 2, во Белград и Дубаи домаќините ги добија со 100:81, односно 100:95.
Црвена звезда во целост и се реваншира на Будуќност за поразот во понеделникот со 34 поени разлика. Црвено-белите го отворија натпреварот со 8:1 и во ниту еден момент не ја испуштија предноста.
Филип Петрушев го предводеше црвено-белиот тим до победата со 20 поени и пет скока, тој поради две технички грешки во неколку секунди беше исклучен по пет минути игра во третиот период. По 13 поени постигнаа Ајзеа Кенан, Огњен Добриќ и Немања Недовиќ, 11 постигна Рокас Гедраитис.
Џон Браун, изнуди четири офанзивни фаули, запиша четири поени, пет скока и три асистенции. Јаго дос Сантос имаше седум поени, но имаше и девет асистенции.
Кај Будуќности, Јуван Морган постигна 18 поени, Мекинли Рајт 13, додека Никола Танасковиќ имаше 12 поени со четири скока.
Јоги Ферел исто така имаше двоцифрен број на поени со 11 поени.
Во Дубаи, Партизан се самоуништи во последната минута, во која влезе со четири поени и напад, на крајот им дозволи на домаќините да изборат продолженија. Партизна го имаше и последниот напад, но Карлик Џонс не успеа да погоди.
Во дополнителните пет Дубаи избоминира предводен од Мејсон и Препелиќ.
Клемен Препелиќ постигна 30 поени со три скока, Нејт Мејсон постигна 26 поени со пет скока и шест асистенции, а, Дејвис Бертанс уфрли 16 поени.
Најефикасен во тимот на Партизан беше Карлик Џонс кој го заврши натпреварот со 25 поени, пет скока и седум асистенции, додека Френк Ниликина имаше 18 поени, а Тирик Џонс 12 и 8 скока.
Решавачките натпревари ќе се одиграат в недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

