Спорт
Црвена звезда му нуди на Миротиќ 2.700.000 милиони евра
Кошаркарскиот клуб Црвена звезда наводно испратил огромна понуда за Никола Миротиќ. Грчкиот новинар Харис Ставру, кој објави дека од Белград пристигнала понуда вредна 2.700.000 евра годишно.
Доколку Миротиќ ја прифати понудата, би станал најплатениот играч кој некогаш играл во овој регион.
Миротиќ се прости од Барселона, каде поради финансиски тешкотии решија да им ги намалат платите на играчите, меѓу кои и Миротиќ. Тоа не му се допадна на искусниот кошаркар, па почна да бара нов тим.
„Искрено, никој ништо не ми кажа. Посакувам да заврши поинаку бидејќи мојот агент ги праша дали тоа е финансиски проблем и дали можеме да направиме нешто и да се договориме, но никој не ми се обрати ниту еден момент“, изјави Миротиќ. .
Се чинеше дека изборот на Миротиќ ќе биде Олимпија од Милано, како што првично објави „Спортандо“, но, според информациите од Грција, во трката се вклучила и Звезда.
Миротиќ во Барселона пристигна во 2019 година, а минатата сезона беше МВП на Евролигата. Со околу пет милиони евра годишна плата, Миротиќ беше најскапиот играч во Европа, а како што претходно објавија шпанските медиуми, искусниот кошаркар со сите даноци ја чини Барселона околу 11 милиони евра годишно.
Тимот на Шарунас Јасикевичиус сезонава не успеа да ја освои Евролигата иако беше главен фаворит за шампионската титула. Миротиќ може сезоната да ја заврши со титула во шпанското првенство. Барселона има предност од 2:0 против Реал, во серијата која се игра до три победи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гласнер: Убаво е кога ќе го победите шампионот Ливерпул

Менаџерот на Кристал Палас, Оливер Гласнер, изјави дека е задоволен од играта на неговиот тим, особено во првото полувреме на натпреварот против Ливерпул, и дека е одлично да се победи актуелниот шампион на Премиер-лигата.
Фудбалерите на Кристал Палас славеа на свој терен во Лондон против Ливерпул со 2-1 и останаа единствениот непоразен тим, со три победи и три ремија.
„Мислам дека првото полувреме беше најдоброто полувреме од моето доаѓање. Кога играте против шампион, секогаш знаете дека тие можат да постигнат гол на крајот, но ние останавме цврсти. Во второто полувреме имаше голем притисок, а имавме среќа во една или две ситуации. По примениот гол останавме со високо крената глава и ја променивме ситуацијата. Поради тоа навистина сум горд на групата. Ова беше вистинска тимска работа“, рече Гласнер за „Скај“.
Екипата има низа од 18 натпревари без пораз, со осум победи и десет ремија, изедначувајќи го клупскиот рекорд поставен од февруари до август 1969 година.
„Заслуживме победа. Говориме за нашиот карактер, секогаш се бориме за победа. Сите кои се блиски до клубот се наградени. Играчите покажаа многу самодоверба. Имавме многу движења, квалитетни додавања, продорите во шеснаесетникот беа решителни. Ќе го анализираме натпреварот и ќе ја искористиме целата позитивна енергија. Мора да се ужива во вакви моменти, инаку се поставува прашањето зошто го правите ова“, додаде Гласнер.
Спорт
Пипен: Јокиќ никогаш немаше да доминира во НБА во 90-тите

Освојувачот на шест НБА титули со Чикаго Булс и најдобар соиграч на Мајкл Џордан, зборуваше за Никола Јокиќ, најдобриот кошаркар на денешницата, кој го носи дресот на Денвер Нагетс.
„Во текот на 80-тите и 90-тите години се играше пресинг по целиот терен. Дали би можел Јокиќ да игра против таков притисок? Не знам. Тој има одличен преглед на играта и ги дели топките на соиграчите. Но, не сум сигурен дека лесно би дошол во позиција да ги истакне најдобрите елементи во својата игра. Сигурно не би бил толку доминантен како сега“, рече Пипен.
Многу се промени критериумот на судење во изминативе 20 години.
„Сега кошарката е многу поофанзивна отколку тогаш. Променети се правилата за да се заштитат подобрите шутери. Сега повеќе ги нема класичните центри. И тие се одлични шутери за три поени. Многу помалку се игра позиционо, повеќе се инсистира на индивидуалниот квалитет.“
Секогаш е интересен односот на Скоти со Мајкл Џордан.
„Никогаш не сум бил близок со Џордан“, кратко рече Пипен.
На прашањето да ја состави најдобрата петорка во историјата, прочуениот број „33“ на Булс ги издвои следниве имиња:
„Меџик, Џордан, Пипен, Мелоун, Расел“.
Спорт
Реми за Интер Мајами во Канада

Торонто и Интер Мајами одиграа нерешено 1-1 во дуел од регуларниот дел на сезоната во американската МЛС лига.
Со освоениот бод Интер Мајами се доближи на четири бода од лидерот во Источната конференција, Филаделфија Унион. Сепак, иако проектот на Дејвид Бекам има натпревар помалку, веќе нема шанси да ја освои конференцијата во регуларниот дел, дури и ако го добие заостанатиот меч, и ќе мора да се надева на кикс на лидерот.
Од друга страна, Торонто е на 12. место на табелата и заостанува 17 поени зад зоната која носи учество во плејофот.
Гостите од Интер Мајами поведоа во судиското продолжение на првото полувреме со гол на Тадео Аленде. Домаќините од Торонто израмнија во 60. минута преку Џорџе Михајловиќ, кој десетина минути пред крајот на мечот заработи жолт картон.
Седум минути пред крајот, Меси беше блиску до победнички погодок од фантастично изведен слободен удар, но одличната интервенција на голманот не му остави шанси.
Интер Мајами веќе обезбеди место во плејофот и до крајот на регуларниот дел ќе се обиде да извлече максимум бодови за да заземе што е можно подобра позиција и да добие полесен противник во првата елиминациска рунда.