Спорт
Цунода за граничната полиција на САД: За малку ќе ме вратеа дома

Јапонецот Јуки Цунода зборуваше за непријатностите со американската гранична полиција пред викендот за Големата награда на Лас Вегас.
Граничмите полицајци го издвоиле возачот на РБ тимот на аеродромот додека тој патуваше на ПР настан посветен на тркачкиот викенд и го испрашувале 24-годишниот, сомневајќи се дека тој сака да емигрира во САД.
„За среќа, ме пуштија по неколку реченици… Многу, всушност. За малку ќе ме вратеа дома. Сега се е во ред, но да – среќа е што сум тука“, изјави Јапонецот.
Цунода верува дека срамот можел да се избегне доколку цариниците му дозволиле да разговара со други лица.
„Бев со физиотерапевт. Се разбира, царинската контрола се врши посебно. Одеднаш, службеничката ме повика во собата и ја прашав дали можам да донесам придружник. Можеби тој подобро би објаснил кој сум јас и ситуацијата во Формула 1. Не можеш ништо да направиш во таа соба“, додаде Цунода, потсетувајќи дека вакви проблеми немал кога патувал во Остин на Големата награда на тексас.
„Редовно ги исполнував барањата за виза. Срамно е ова. Изминативе три викенди се помина без проблеми. Чудно ми е што воопшто ме издвоија“, подвлече Цунода.
До крајот на сезоната остануваат уште три викенди, а Цунода е 11. во генералниот пласман на возачи со 28 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал на Реал без клучниот дефанзивец

Арсенал скапо ја плати победата над градскиот рувал Фулам (2:1) во 30.коло, во англиската Премиер лига.
Натпреварот на „Еимирати“ по само 15 минути го заврши клучниот дефанзивец на Арсенал. Габриел Магаљаеш. Бразилецот се повреди без да има контакт со противнички играч, седна на тревата и веднаш побара измена.
Ова е ужасна вест за менаџерот Микел Артета, во пресрет на првиот четвртфинален натпревар во Лигата на шампионите против Реал. Овој дуел на програмата е за една недела.
„Габриле почувствува болка во задната ложа. Дополнителните тестови ќе ни покажат повеќе. Се уште не знам колку е сериозна повредата“, рече менаџерот Артета.
Покрај Габриел, натпреварот пред време го заврши и Јулиен Тимбер, тој беше заменет во второто полувреме. Сепак, замената на Тимбер е превентивна бидејќи тој поради претходна повреда беше неизвесен за дуелот со Фулам.
Спорт
(Видео) Кари со серија тројки го растури Мемфис

Кошаркарите на Голден Стејт Вориорс ги совладаа Мемфис Гризлис како гости со резултат 134:125 и го презедоа петтото место на табелата во Западната конференција.
Предводникот на Вориорс, Стеф Кари, блескаше во Тенеси, постигна 52 поени, погоди 12 тројки од 20 обиди, шутираше 16/31 од поле, 8/8 од линијата за слободни, имаше десет скока, осум асистенции и пет украдени топки.
Ова беше негова втора најмоќна офанзивна партија сезонава, на крајот на февруари постигна 56 поени против Орландо, а претходно постигна 40 против Бруклин… До полувремето веќе имаше 32 поени, 11/16 од поле и 8/10 од линијата за три поени…
Кари ја имаше најсилната офанзивна поддршка во Џими Батлер, кој натпреварот го заврши со 27 поени.
Вориорс нема промашување од линијата за сободни фрлања (28/28).
На другата страна Џа Морен постигна 36 поени, тоа беше негов втор најдобар натпревар во сезоната, Џерен Џексон Џуниор постигна 22 поени.
Спорт
Олимпија Љубљана ги тужи сопствените навивачи

Поради недоличното однесување на навивачите Олимпија доби казна од УЕФА од 184.000 евра. Навивачуте на клубот од Љубљана диевеај против орац Бања Лука во плеј-офот во Конференциската лига.
На следниот домашен европски натпревар трибините на стадионот ќе мора да бидат делумно затворени. Олимпија објави соопштение во врска со казната и најави тужба против сопствените навивачи.
„Од 2022 година, клубот мораше да плати повеќе од половина милион евра казни на УЕФА поради слични прекршувања на трибините. Овие санкции беа наметнати поради повторување на неред, насилни акти и расизам на поединци. НК Олимпија Љубљана силно се оградува од тие навивачи. На насилството и расизмот не им е место на стадионите. Мора да им ставиме крај на ваквите работи. Клупската управа на вонреден сосотанок донесе одлука да против поединци поднесе кривични пријави и да бара обесштетување. Малкумина придонесоа за овој срам што му е нанесен на клубот и градот.
Со помош на безбедносните снимки и персонализацијата на билетите, тие ќе бидат откриени, а надлежните органи потоа ќе одлучат за казните“, стои во дел од соопштението за медиумите потпишано од претседателот на клубот Адам Делиус.