Второлигашот Албасете креираа сензација во осминафиналето во Купот на Кралот, со победата над Реал Мадрид 3:2.Апсолутен херој на домашниот тим е Хефте Бетанкор, кој постгна два гола, вториот во 94-та беше вистинска минијатура. Албасете во 15-от дуел успеа прв пат да го победи Реал.

Албасете, инаку 17-ти на табелата во Втората шпанска лига, два пати водеше, Реал експресно се враќаше во натпреварот. Се чинеше дека Реал на деботиот на новиот тренер, Алваро Арбелоа ќе избори продолженија, но тогаш на сцена стапи Бетакор кој го постави конениот резултат, 3:2.

Реал доживеа уште еден жесток удар во само три дена, откако беа поразени од Барселона во финалето на Суперкупот, останаа и без тренерот Чаби Алонсо, доживеаја и елиминација од Купот.

Не е изговор за гостите, но мора да се каже дека играа против Албасете без неколку стандардни фудбалери.

Од различни причини отсустваа: Мбапе, Александар-Арнолд, Белингам, Куртоа, Дијаз, Милитао, Карерас, Менди, Родриго, Ридигер и Чуамени.

Инаку, Хави Виљар го постигна првиот гол во 42-та минута, а три минути подцна изедначи Мастантуоно. Албасете предноста ја врати во 82-та минута кога првиот од двата гола го по постигна Бентакор, а изедначи во 91-та Гонзало Гарсија.

Foto/ EPA

Фудбалерите на Арсенал се блиску до пласман во финалето, во Лига купот. Вечерва на „Стенфорд Бриџ“, Арсенал го победи Челзи со 3:2, во првиот полуфинален натпревар.

„Тобпџиите“ пев пат победија на теренот на Челзи, во кое било натпреварување од 2022 година.

Актуелниот лидер во Премиер лигата поведе во седмата минута преку Бен Вајт, кој ја искористи катастрофалната реакција на голманот Роберт Санчез.

На стартот од вториот дел, во 49-та минута, Виктор Ѓокереш зголеми резултатот на 2:0.

Помалку од десет минути подоцна, Гарначо им даде надеж на домашните, но тимот на Микел Артета повторно се врати на +2, кога Зубименди постигна гол во 71-та минута.

Се чинеше дека тоа ќе биде сè на овој меч, но незивесноста ја врати Гарначо со својот втор гол во 83-та минута.

На крајот, сепак Арсенал победи, пред реваншот на 3 февруари на „Емирејтс“.

Foto/ EPA

Конор Галагер го официјализира трансферот од Атлетико Мадрид во Тотенхем. Со клубот од Лондон тој потпиша пет ипол годишен договор.

Галагер пред 18 месеци пристигна од Челзи за во Атлетико за 42 милиони евра. „Јорганџиите“ успеаја да ги вратат сите пари што ги вложија во него, откако Тотенхем се согласи да плати 40 милиони евра.

Галагер играше за Вест Бромвич, Кристал Палас, Чарлтон и Свонси, и одигра 136 натпревари во Премиер лигата. Тој одигра 77 натпревари за Атлетико во сите натпреварувања и постигна седум гола.

Тотенхем го донесе откако Родриго Бентанкур се повреди и ќе го пропушти поголемиот дел од сезоната.

„Среќен сум и возбуден што сум тука, што го правам следниот чекор во мојата кариера во неверојатен клуб. Знам колку се одлични навивачите и навистина сум среќен што сум дел од оваа приказна, сакам заедно да создаваме посебни моменти и спомени“, рече Галагер.

Досега, тој одигра 22 натпревари за репрезентацијата на Англија, но играше само еднаш за тренерот Томас Тухел.