Спорт
Тухел вели Челси не е фаворит: Ги сакавме Халанд и Лукаку, а Левандовски како „десетка“

По трансферот од 98 милиони фунти на Ромелу Лукаку во Челси, менаџерот Томас Тухел на шега вели дека тоа не е доволно и дека не добил дозвола да ги донесе и Ерлинг Халанд од Борусија Дортмунд и Роберт Левандовски од Баерн Минхен.
„Да, се обидовме да потпишеме со двајцата, и со Левандовски како десетката од назад. За жал, бордот не ме слушаше и го имаме само Лукаку. Да, пропуштивме многу шанси, како Лео Меси. Затоа сум многу вознемирен и не сакав да продолжам. Не! Потребен ни беше одреден тип играч и презадоволен сум од односот на играчите. Според мене, не се работеше да се донесат што е можно повеќе фудбалери во групата, туку да се донесе вистински фудбалер на вистинско место. Секогаш има сомнежи за трансферите, но го избравме Ромелу бидејќи го знае клубот и што значи да се биде во Челси“, вели Тухел.
И покрај тоа што се шампиони во Лигата на шампионите, Тухел е изненаден што многумина ги сметаат фаворити за титулата во Премиер лигата.
„Кога ќе бидете четврти, не може следната сезона да сте фаворити за титулата. Тоа ме изненадува бидејќи сите знаеја дека ни требаше помош да стигнеме до топ-4 и да имаме успешна сезона. Дозволивме Ливерпул да не помине во последното коло, а имаме голема разлика да надополниме до Манчестер јунајтед и Манчестер сити. Кога ќе видите што правеа тие ова лето со засилувањата, не знам зошто сега ние би биле фаворити“, вели Тухел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трамп ќе организира УФЦ борба во Белата куќа

Претседателот на Соединетите Американски Држави, Доналд Трамп, секојдневно ги исполнува медиумите со неверојатни изјави, а на митинг пред поддржувачите во Ајова, тој се осврна и на спортски теми.
Станува збор за традиционален собир пред 4 јули, датумот на кој беше ратификувана Декларацијата за независност на САД во 1776 година. Паралелно со воената парада во главниот град, Трамп објави какви планови има за следната годишнина, која ќе биде јубилејна 250-та.
„Гледате ли УФЦ? Големиот Дејна Вајт. Ќе организираме УФЦ борба на на почвата пред Белата куќа. Имаме многу простор таму. Дејна ќе го направи тоа“, е амбициозниот план на американскиот претседател.
Трамп, познат по својата љубов кон боксот и MMA и неговите гостувања на ревиите за боречки вештини, продолжи да зборува за шефот на УФЦ и го објасни планот подетално.
„Ќе имаме УФЦ борба за титула, вистинска борба, со 20 или 25 илјади луѓе. Тоа ќе биде дел од прославата на 250-годишнината“, рече Трамп.
Претседателот, исто така, објави дека дел од програмата ќе бидат таканаречените „Патриотски игри“ во кои натпреварувачи од сите 50 „држави“ ќе се натпреваруваат во различни спортски дисциплини.
„Ќе имаме неверојатни настани. Некои ќе бидат професионални, некои ќе бидат аматерски, но борбата на УФЦ ќе биде голем настан“, подвлече Трамп.
Foto/ EPA-EFE/CRISTOBAL HERRERA-ULASHKEVICH
Спорт
(Видео) Прв фудбалски натпревар со роботи во Кина

На теренот во Пекинг во саботата не настапија фудбалери од крв и месо, туку – роботи. Како што објави „Гардијан“, Кина беше домаќин на првиот целосно автономен натпревар во фудбал меѓу хуманоидни роботи управувани со вештачка интелигенција.
Четири универзитетски тимови ги програмираа и управуваа своите роботи со сопствени алгоритми. Иако хуманоидите сè уште се далеку од тоа да бидат конкуренција на играчи, напредокот е импресивен. Снимките од натпреварите покажуваат како роботите се мачат да ја погодат топката или да останат исправени, а неколкумина завршија дури и на носилка.
Извршниот директор на компанијата „Бустер Роботикс“, Ченг Хао, која ги обезбеди роботите, изјави дека спортските натпревари се идеална средина за тестирање на хуманоидна роботика. Најави и можни натпревари помеѓу луѓе и роботи во иднина, но нагласи дека најпрвин мора да се обезбеди целосна безбедност.
View this post on Instagram
„Во иднина, можеби ќе организираме фудбалски натпревари меѓу луѓе и роботи. Тоа значи дека мора да обезбедиме роботите да бидат сосема безбедни“, изјави Ченг.
Професорот Субраманијан Рамамурти од Универзитетот во Единбург, експерт за роботско учење, рече дека роботите се слични на оние кои настапуваат на „Робокап“ и оти нивниот развој оди во нагорна линија.
Во финалето, екипата на Универзитетот Цингхуа – THU Robotics, го победи тимот на Кинескиот Земјоделски Универзитет – Mountain Sea, со резултат 5–3. Победата беше прославена со ентузијазам, но и со почит кон противниците.
„THU беа одлични, но и Mountain Sea тимот нè изненади со многу иновации“, изјави еден од поддржувачите.
Иако роботите се уште паѓаат, се чини дека иднината на фудбалот можеби навистина ќе вклучува и вештачка интелигенција – не само како поддршка, туку и како активни играчи на теренот.
Спорт
Тами Ејбрахам се пресели од Рома во Бешикташ

Англискиот фудбалер Тами Ејбрахам (27) кариерата ќе ја продолжи во Бешикташ. Турскиот клуб и Рома договорија, Ејбрахам наредната сезона да настапува како позајмен играч.
Бешикташ, на Рома ќе и плати два милиони евра.
Турскиот клуб има опција да го купи Ејбрахам за 13 милиони евра на крајот од позајмицата.
Англискиот фудбалер ја помина минатата сезона како позајмен играч во Милан, каде што одигра 44 натпревари и постигна 10 гола, со седум асистенции.
Тој одигра 11 натпревари за Англија и постигна три гола.
Ејбрахам играше и за Челзи (ја освои Лигата на шампионите), Бристол, Свонси и Астон Вила.
Фото/ Beşiktaş JK