Спорт
Тухел за отказот на Потер: Челси се смени многу последните 12 месеци
Томас Тухел вели дека одлуката на Челси да го отпушти Греем Потер не било големо изненадување за него бидејќи клубот се „сменил“ многу во последните 12 месеци.
Германецот беше на чело на „Стемфорд Бриџ“ кога беше комплетирана (принудната) продажба на клубор од Роман Абрамович на американскиот конзорциум предводен од Тод Бели. Иако под Тухел тие ја освоија Лигата на шампионите, германскиот тренер доби отказ во септември, и на негово место беше донесен Потер од Брајтон, кој сега заминува само по 31 меч. Тухел најде нова работа како тренер на Баерн Минхен, но одговори на прашањето за неговиот поранешен клуб.
„Ги видов вестите вчера навечер. Тајмингот се поклопи со моето поставување во Баерн. Уживав во работата таму и направив нови пријателства, кои ќе траат цел живот. Но, клубот се смени многу во последно време, така што таа вест не предизвика емоции кај мене“, вели Тухел.
Интересно, но „сините“ сега се на пазар за нов тренер, поставувајќи го Бруно Салтор како привремен тренер, а еден од фаворитите за постојана работа е човекот кого Тухел го замени во Баерн, Јулијан Нагелсман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мбапе и официјално е играч на Реал
Килијан Мбапе и официјално е играч на Реал Мадрид. Она што се најавуваше со денови, а беше сигурно со месеци, сега е и официјално потврдено. Клубот од Мадрид на својата официјална веб-страница потврди дека француската суперѕвезда пристигна како слободен играч откако му истече договорот со ПСЖ.
Мбапе (25) дојде во ПСЖ во 2018 година за 180 милиони евра од Монако. Иако играше со Меси и Нејмар и постигна 256 и забележа 108 асистенции за ПСЖ на 308 натпревари, тој не успеа да ја освои Лигата на шампионите. Тоа не му успеа ниту годинава, ПСЖ беше елиминиран во полуфиналето од Борусија Дортмунд.
Долго време не го криеше незадоволството и беше извесно дека ќе си замине. Претседателот на клубот го задржа пред две години со еден од најголемите договори во историјата на фудбалот.
Месечно заработуваше околу 6 милиони евра бруто (2,7 милиони нето), доби бонус од 180 милиони евра само за потпишување на договорот и дополнителни 70 милиони на крајот од секоја година од договорот, кој требаше да трае до три години. Но, кога го потпишуваше договорот му била понудена опција да замине бесплатно по две сезони и тој реши да ја искористи таа опција.
Спорт
Тектонски промени во Мото ГП – Маркез во Дукати, Мартин во Априлија
Две трансфер „бомби“ експлодираа доцна поладнево во Мото ГП шампионатот. Марк Маркез од наредната сезона ќе вози во фабричкиот тим на Дукати, а Хорхе Мартин реши да ја напушти прграмата на овој тим и да се пресели во Априлија.
Пред трката за Големата награда на Италија во Муџело, сите релевантни светски медиуми ја пренесоа информацијата дека возачот на Прамак Дукати, актуелниот вице првак Хорхе Мартин од наредната сезна ќе вози за Дукати заедно со светскиот првак Пеко Бањаја.
Меѓутоа ден по трката се случи пресврт. Марк Маркез ја одбил понудата на шефовите на Дукати од Гресини да се пресели во Прамак.
Наводно Маркез рекол: „Или фабричкиот тим или ништо“.
Од друга страна Мартин лут што Дукати не си го исполни ветувањето реши да ја напушти програмата на Дукати.
Тој од наредната сезона ќе стане дел од Априлија. Шпанецот ќе го заземе местото на сонародникот Алеиш Еспаргаро кој ќе ја заврши кариерата.
Значи наредната сезона во фабричкиот Дукати ќе возат Пеко Бањаја и Марк Маркез и медиумите веќе најавуваат епски дуели меѓу нив двајца. Веќе се прават споредби дека тоа ривалство може да биде како она меѓу починатиот Аиртон Сена и Алан Прост во Формула 1, кога двајцата возеа за Мекларен.
Колега на мартин во Априлија ќе му биде сонародникот Маверик Вињалес.
Спорт
Де Минор го декласира Медведев на Ролан Гарос
Австралиецот Алекс Де Минор го победи Данил медведев во осминафиналето на Ролан Гарос. Австралија по 20 години има четвртфиналист во машка конкуренција.
Два часа и 46 минути траеше мечот меѓу 11. и 5. играч во светот и заврши по четири сета со триумф на Де Минор, 3:1 (4:6, 6:2, 6:1, 6:3).
Присуствувавме на едно од најголемите изненадувања оваа година во Париз, иако почетокот не навестуваше такво сценарио
Медведев направи брејк веќе во третиот гем и лесно ја чуваше предноста до крајот на сетот за водство од 1:0.
Рускиот тенисер направи брејк и на почетокот на вториот сет, потоа побара медицински тај-аут и од тој момент неговата игра се распадна.
Де Минор значително го рена нивото на сојата игра, до крајот на сетот освои пет гема по ред, а во исто темпо продолжи и во третиот сет во кој му препушти само еден гем на Медведев.
Во четвртиот сет Де Минор направи брејк, Медведев возврати, но потоа со уште два брејка Австралиецот го реши мечот.
Во четвртфиналето Де Минор ќе игра против Александар Зверев или Холгер Руне.