Спорт
У-20 репрезентација во борба за финалето и место во А-дивизијата

Македонската репрезентација, играчи до 20 години, вечерва го игра најзначајниот натпревар на Европското првенство Б-дивизија. Македонија во полуфиналето за противник ја има Украина. Победникот не само што ќе се пласира во финалето туку и ќе избори пласман во елитната А-дивизија.
Пред вечерашното полуфинале, јасно е дека нашиот стручен штба предводен од селекотор Никола Василев ќе треба да обрне особено внимание на играчот со бројот „6“ во противничката екипа, Олександр Кобсистји кој во претходната рунда постигна 24 поени и 8 скока.
Ако се земат в предвид статистичките параметри во претходно одиграните пет натпревари, впечаток е дека станува збор за доста изедначени селекции.
И двете имаат ефект од четири победи и еден пораз.
Украинците имаат нешто подобра реализација во шутот од поле (56.2% спрема 52%) и од линијата за слободни фрлања (68.7% спрема 66.1%, додека ние сме подобри реализатори во обидите вредни три поени (29% во однос на 27.5%).
Македонија има поголем број скокови во однос на Украина.
Подобро поентираме од Украинците од т.н. „втора шанса“, а нашата клупа во просек постигнува повеќе поени во однос на украинската (26 спрема 22.6).
Украина подобро ги реализира „контранападите“ преку кои дава по 13.4 поени (ние 10.6), а дава и повеќе поени во рекетот (38.8 спроти 37.6).
Во групата фаза дадовме 316 поени, примивме 264 (просек од 63.2 дадени, и 52.8 примени поени), Украина имаше 334 реализирани поени (66.8 по меч), а 257 примени (51.4 по натпревар)
Дадовме 66, а примивме само 49 во четвртфиналето против Велика Британија, Украина пак постигна еден поен повеќе во четвртфиналата битка со Холандија (победа од 67:49), што е уште еден показател плус за изедначеноста на двете репрезентации пред вечерашниот дуел во СЦ „Борис Трајковски“ (18.30 часот).
Во второто полуфинале два часа подоцна ќе играат чешка и Шведска.
Извор/ kfsm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дуплантис повторно го урна светскиот рекорд

Швеѓанецот Арман Мондо Дуплантис го собори сопствениот светски рекорд во скок со стап со скок од 6,29 метри на атлетскиот собир во Будимпешта.
На 25-годишна возраст, Дуплантис го собори светскиот рекорд по 13-ти пат, трет пат во 2025 година по Клермон-Феран (6,27 м) во февруари и Стокхолм (6,28 м) во неговата татковина на 15 јуни.
Од настапот во Стокхолм, тој на три последовни натпревари скокна преку шест местри и повеќе (6,13 м во Острава, Чешка, 6,00 м во Јуџин, Орегон и 6,05 м во Монако).
Дуплантис ја забележа својата 33-та натпреварувачка победа и е непоразен од Монако на 21 јули 2021 година.
Foto/ EPA/Tamas Vasvari
Спорт
Дебакл на Шкендија во Баку

Актуениот македонски шампион Шкендија доживеа елиминација од квалификациите за пласман во Лигата на шампионите. Шкендија ја очекува плеј-офот за место во Лига Европа, доколку и тука загуби ќе игра во фазата по групи во Конференциската лига.
Шкендија по поразот во првиот меч на домашен терен (0:1) од Карабаг, вечерва доживеа дебакл во реваншот во Баку. Карабаг победи со 5:1.
Почетокот на натпреварот ветуваше бидејќи Тамба во 10.минута и донесе водство на Шкендија и во тој момент ја анулира предноста на Азербејџанците.
Потоа играчите на Шкендија влегоа во „црна дупка“, од која не успеаја да излезат 19 минути. Во периодот од 16. до 35.минута Карабаг постигна четири гола. Цаке си постогна авто-гол, а потоа погодија Кади, Акундзаде и Јанковиќ од пенал Точка на натпреварот стави Леандро Андраде во 59.минута.
Шкендија во плеј-офот за пласман во Лига Европа ќе игра со поразениот од пресметката меѓу Лудогорец и Ференцварош.
Фото/ Принтскрин
Спорт
Балотели: Жалам што не се трудев повеќе во кариерата

Марио Балотели (34), поранешен италијански репрезентативец, ја напушти Џенова откако му истече едногодишниот договор. Контроверзниот напаѓач одигра само шест натпревари во текот на минатата сезона. Денес е слободен играч кој бара нов клуб.
„Мојот сон беше да играм за Реал Мадрид. Денес само барам клуб кој ќе верува во мене. Сакам да играм уште две или три години. Потоа ќе одам кај мојот брат Енок. Тој сега игра за Вадо. Тоа е аматерски тим. Му ветив дека ќе ја завршам кариерата играјќи со него“, рече тој во интервју за „Газета дело Спорт“.
Тој зборуваше и за италијанската репрезентација, вели дека му е жал што не играл повеќе за Италија.
„По сè низ што поминав, мислам дека можев да се потрудам повеќе. Жал ми е што повеќе не играв во репрезентацијата. Некои луѓе дури и не ме сакаа во репрезентацијата, но тоа е минато. Сега селектор е Џенаро Гатузо. Му посакувам се најдобро. Тој е личност која дефинитивно ќе го даде својот максимум“, рече Балотели ден пред неговиот 35-ти роденден.
Балотели сега ќе го бара 12-от клуб во својата професионална кариера. Досега играл за Интер, Манчестер сити, Милан, Ливерпул, Ница, Марсеј, Бреша, Монца, Адана Демирспор, Сион и Џенова.
Foto/ EPA/JEAN-CHRISTOPHE BOTT