Европската куќа на фудбалот (УЕФА), сериозно ја разгледува идејата за укинување на продолженијата во нокаут фазата на европските натпреварувања.

Информацијата ја пренесе британски „Гардијан“. УЕФА сериозно ја разгледува идејата за укинување на продолженијата во нокаут фазата на европските купови и, во случај на нерешено по 180 минути фудбал (два натпревари), да оди директно на пенали.

Оваа може да се каже револуционерна промена тешко би можела да се воведе пред 2027 година, кога ќе заврши тековниот циклус на телевзиските права.

Интересно, според последните промени во календарот и воведувањето на нов формат за Светското клупско првенство, кое за прв пат ќе се игра летово, 2027 година ќе биде прво лето кога фудбалерите од елитните клубови ќе имаат нормален одмор.

Натпреварите во нокаут фазата, кога по два натпревари нема победник, со пенали се решаваат практично практично од нивното основање во сезоната 1968/59.

Португалецот Кристијано Роналдо го доби веројатно најоригиналниот подарок за својот 40-ти роденден. Португалецот доби биста беше на Тајмс Сквер во Њујорк.

Бистата е дело на италијанскиот уметник Серџо Фурнари, познат, меѓу другото, и по создавањето на иконската њујоршка фотографија „Време за ручек на врвот на облакодерот“ од теракота и челик.

Тој сега создаде бронзена скулптура висока 3,6 метри за да ја „овековечи суштината на Роналдо не само како спортист, туку и како културна икона која инспирираше милиони луѓе ширум светот“, рече уметникот во соопштението за печатот.

„Кристијано Роналдо е повеќе од фудбалер, тој е симбол на упорност, извонредност и глобално единство што ме инспирираше да го создадам ова ремек дело“, рече Фунари во врска со ова негово дело, кое ќе се придружи на неговите многубројни познати дела.

Роналдо, поради професионални обврски, не можеше да присуствува на церемонијата на откривање, на која присуствуваа толпа негови обожаватели.

За оваа прилика Фурнари со помош на група навивачи се обиде да постави светски рекорд за групно скандирање на скандирањето „сиууу“, заштитен знак на Роналдо при секоја прослава на гол. Насобраните фанови во неколку наврати викаа „сиууу“, но не можеше да се утврди дали е соборен светскиот рекорд.

Откривањето на статуата на Роналдо се случи како дел од прославата на роденденот на познатиот Тајмс Сквер.

„Цврсто верувам дека со адекватен тренинг и ментална подготовка Роналдо ќе може да игра на Светското првенство во 2026. Целиот американски континент ќе го чека и ќе навива тоа да се случи“, изјави Фурнари.

🚨🚨

BREAKING:

Cristiano Ronaldo’s statue has been unveiled in Times Square for his 40TH BIRTHDAY. 🇵🇹🇺🇸pic.twitter.com/5MaGCTr82c

— The CR7 Timeline. (@TimelineCR7) February 5, 2025

Фото/ Antonio Balasco / imago sportfotodienst / Profimedia

Фудбалскиот клуб Партизан за петок закажа лекарски прегледи з македонскиот репрезентативец Бојан Димоски. Доколку се биде во ред, Димоски ќе потпише договор до крајот на сезоната.

Димоски најпрвин ќе биде позајмен од руски Акрон, а доколу во Белград бидат задоволни од него тогаш Партизан за 200.000 евра ќе може да го откупи договорот на 23-годишноот фудбалер. .

Бојан Димоски е поранешен член на Вардар и Академија Пандев, а од летото 2023 година е фудбалер на Акрон. Тој беше стабдарден во тимот на Тољати во текот на својата прва сезона, која заврши со промоција во руската Премиер лига.

Оваа сезона, неговата минутажа беше драстично намалена, па тој самиот бараше излез. Меѓу другото, да биде во фокусот на македонскиот селектор Благоје Милевски пред почетокот на квалификациите за СП 2026 година.