Во салата Јане Сандански во Скопје започна меѓународниот пинг понг натпревар World Table Tennis (WTT) Youth Star Contender Skopje 2025.

Претставниците на Македонија настапија во поединечна категорија и во мешани двојки, додека натпреварот пречека околу 100 учесници. Се играат две возрасни категории – до 15 и до 19 години.

Натпреварите ќе се одвиваат до недела од 9:30 до 21:00 ч. Влезот е слободен.

Претседателот на Пинг погнарската федерација Славко Пројкоски и потпретседателот Златко Рикалоски денес беа дел и од манифестацијата за доделување на државната награда „8 Септември“ на заслужни спортисти и спортски работници.

Даниела Алексоска ќе влезе во кафезот двапати во рок од само 13 дена.

На 14-ти септември ја очекува борба против Флaцеа Алда од Молдавија, на спектакуларниот настан ARMMADA 14, кој ќе се одржи во Скопје, во Јане Сандански Арена, со почеток од 19:30 часот. Ова ќе биде нејзиното прво појавување пред домашната публика.

Веднаш потоа, на 27-ми септември, Алексоска ќе ја претставува Македонија на Светското ММА Првенство во Тбилиси, Грузија, во категорија 52.2 кг, каде е рангирана како #3 во светот, благодарение на својата доминација и освоеното злато на Европското ММА Првенство.

„Ваквиот подвиг е толку редок што дури и на најголемата светска ММА сцена – UFC – само неколикумина борци, како Доналд “Cowboy” Сероне и Хамзат Чимаев, се осмелиле да прифатат толку голем предизвик“, велат од Македонската ММА Федерација.

Додаваат дека она што Алексоска ќе го направи – борба пред домашната публика на најголемиот ММА настан во историјата на Македонија, а потоа светско првенство за само две недели – ја прави единствената на Балканот што прифатила ваков предизвик на толку високо ниво.

Алексоска веќе има историја на тестирање на сопствените граници. Минатата година (2024), на 2-ри ноември, таа го освои златниот медал на престижното АДЦЦ Јужноевропско Првенство во Белград, Србија, а само три дена подоцна настапи на Светското ММА Првенство во Ташкент, Узбекистан, каде успеа да се закити со бронзен медал.

Ова е доказ за храброст, и професионализамот на Даниела, и нејзиниот тим “The Strongest”.

Билетите за ARMMADA 14 се достапни на ticketx.com.mk.

Австралискиот возач Даниел Рикардо го објави своето пензионирање. Она што практично беше најавено пред една година, сега е официјализирано.

Легендарниот Австралиец Даниел Рикардо се пензионира. Тој беше дел од караванот на Формула 1 од 2011 до 2024 година. Во својата кариера возеше за ХРТ, Торо Росо, Ред Бул, Рено, Мекларен, Алфа Таури и Рејсинг Булс.

Возеше 257 трки, забележа осум победи (седум во Ред Бул, една во Мекларен), 32 подиуми и освои вкупно 1.329 поени.

Негов најдобар резултат беше додека возеше за Ред Бул помеѓу двајцата големи шампиони Себастијан Фетел и Макс Верстапен. Во тој период, двапати беше трет во генералниот пласман.

Последната трка ја возеше минатата година во Сингапур за Рејсинг Булс.