Спорт
Убедливиот Менхенгладбах го зголеми притисокот на Реал и Интер, Сити совршени во осминафинале

Борусија Менхенгладбах уште еднаш воодушеви во Лигата на шампионите, демонтирајќи ги Шахтјор Доњецк со 4:0 за да постави притисок на Интер и Реал Мадрид кои од 21 часот го играат големото дерби, додека Манчестер сити и официјално е во осминафиналето по 1:0 победата над Олимпијакос на гости во Грција.
На „Борусија-Парк“, домаќините дојдоа во водство уште во 14. минута преку гол од пенал на Штиндл, за Нико Елведи во 34. минута да зголеми на 2:0, пред Брил Ембодо да постигне сензационален гол со ножички во финишот на полувремето. Оскар Вент во второто полувреме го потврди триумфот, за „ждребињата“ да се зацврстат на првото место на табелата во групата Б со осум поени, додека Реал имаат само 4, а Интер 2 пред нивниот меч.
Тимот на Пеп Гвардиола, пак, ја забележа и четвртата победа во четири меча во ЛШ, славејќи со 1:0 со убавиот гол на Фил Фоден во првото полвуреме, за целосна контрола во групата Ц.
ЛИГА НА ШАМПИОНИ, 4.КОЛО
ГРУПА Б
Борусија Менхенгладбах – Шахтјор Доњецк 4:0
Интер – Реал Мадрид 21.00 ч.
Табела: 1.Борусија М. 8, 2.Шахтјор 4, 3.Реал Мадрид 4, 4.Интер 2
ГРУПА Ц
Олимпијакос – Манчестер сити 0:1
Марсеј – Порто 21.00 ч.
Табела: 1. Манчестер с. 12, 2.Порто 6, 3.Олимпијакос 3, 4.Марсеј 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Таткото на Јамал бесен по изборот за Златната топка: Се случи нешто чудно

Таткото на фудбалерот на Барселона, Ламин Јамал (18), Мунир Насрауи, не го криеше своето разочарување откако неговиот син заврши втор на гласањето за Златната топка, која му припадна на Усман Дембеле. Тој го изрази своето незадоволство во неколку наврати по церемонијата на доделување на наградата, пишува „Марка“.
Веднаш по објавувањето на победникот, Насрауи, минувајќи низ зоната со шпанските новинари, кратко рече: „Следната година е наша“. Иако во тој момент изгледаше релативно смирен, беше јасно дека не се согласува со исходот од гласањето.
Сепак, како што одминуваше вечерта, неговото незадоволство растеше, а кулминираше со видео повикот до „Ел Чирингито“.
„Мислам дека е најголемата… Нема да кажам кражба, туку морална штета нанесена на човечко суштество“, остро го започна својот говор.
Тој продолжи страсно да го брани својот син, тврдејќи дека тој е оној што ја заслужил престижната награда.
„Мислам дека Ламин Јамал е најдобриот играч во светот со голема разлика, со огромна разлика. Не затоа што ми е син, туку затоа што е најдобриот играч во светот, мислам дека нема конкуренција“, рече тој.
За крај, тој се со посомнева за регуларноста на изборот.
„Ламин е Ламин Јамал, мора да кажеме дека тука се случило нешто многу чудно“, рече тој, пред да го повтори своето ветување од почетокот на вечерта: „Следната година, Златната топка ќе биде шпанска“.
Настрана од ова незадоволство и непоткрепени обвинувања, „Лекип“ објави дека Усман Дембеле надмоѓно ја победил кокуренцјата во гласањето за Златната топка.
Пласман во изборот за Златна топка:
1. Усман Дембеле (Франција, ПСЖ)
2. Ламине Јамал (Шпанија, Барселона)
3. Витиња (Португалија, ПСЖ)
4. Салах (Египет, Ливерпул)
5. Рафиња (Бразил, Барселона)
6. Ашраф Хакими (Мароко, ПСЖ)
7. Килијан Мбапе (Франција, Реал Мадрид)
8. Кол Палмер (Англија, Челзи)
9. Џанлуиџи Донарума (Италија, ПСЖ, сега Манчестер Сити)
10. Нуно Мендеш (Португалија, ПСЖ)
Фото/ Принтскрин
Спорт
(Видео) Дембеле во солзи: Да ми кажеше некој…

Усман Дембеле е најдобриот фудбалер во светот за 2025 година, а откако го крена престижниот трофеј, не можеше да ги задржи солзите.
Французинот, кој ги освои сите домашни трофеи и Лигата на шампионите со Пари Сен Жермен, не можеше да поверува што му се случи.
„Неверојатно и извонредно е ова што ми се случи“, рече Дембеле откако ја прими Златната топка од легендарниот Роналдињо.
„Сезоната со ПСЖ беше неверојатна. Малку сум нервозен… Да го земам овој трофеј и да го примам од рацете на Роналдињо – нереално. Благодарам на ПСЖ што ме донесе во 2023 година, благодарам на тимот, клубот што е како семејство, претседателот, целиот персонал – и секако Луис Енрике, кој ми е како татко.“
OUSMANE YOU DID IT! #ballondor pic.twitter.com/0eiclvXuXN
— Ballon d'Or (@ballondor) September 22, 2025
Тој исто така се потсети како му одеше кариерата пред да дојде во ПСЖ, кога многумина го отпишаа.
„Во добри и лоши моменти, овој тим беше покрај мене. Оваа награда е индивидуална, но сите ја носиме заедно како тим. Благодарност и до Борусија Дортмунд, Рено и секако, во Барселона ги исполнив моите соништа – играв покрај Меси и Иниеста. Тоа беше живптна школа.“
Тој им се заблагодари на своите соиграчи, тренерот Луис Енрике и селекторот Дидие Дешан.
Сепак, најмногу се расплака кога зборуваше за своето семејство, неговата мајка и неговиот најдобар пријател, со кои минуваше низ тешки времиња.
Matters as well 🥺🌕 #ballondor pic.twitter.com/Jsxpl5QV9d
— Ballon d'Or (@ballondor) September 22, 2025
„Благодарност до моето семејство, особено до мајка ми – таа беше со мене во сите тешки моменти. Благодарност до мојот агент кој секогаш веруваше во мене. Ако некој ми кажеше дека еден ден ќе ја освојам Златната топка… Благодарност и до мојот најдобар пријател со кого поминав низ сè во последните пет години. Тој секогаш беше тука – и ќе биде до крајот“, заклучи Дембеле.
Фото/ Принтскрин
Спорт
Ванвлит ја заврши сезоната пред да започне

Американскиот кошаркар, играчот на Хјустон Рокетс, Фред Ванвлит, се повреди пред почетокот на НБА сезоната.
Според Шемс Чаранија од ESPN, Ванвлит го скинал предниот лигамент и тоа би можело да значи дека сезоната е завршена пред да започне за плејмејкерот на Рокетс.
Со оваа повреда се намалуваат сите шанси тимот на Хјустон да биде конкурентен оваа сезона во НБА.
Ванвлит минатата сезона имаше просек од 14,1 поен, 3,7 скока и 5,7 асистенции по натпревар.
Иако тимот имаше големи амбиции оваа сезона, со оглед на ангажирањето на Кевин Дурант, се чини дека ќе биде тешко да се постигнат, со оглед на тоа што бековската линија на Хјустон е многу тенка со отсуството на Ванвлит.
Рокетите можеби сега ќе излезат на пазарот за да најдат плејмејкер за оваа сезона.
Фото/ Принтскрин