Спорт
УЕФА ги менува правилата поради „триковите“ на Челси и Јувентус
УЕФА ги потврди промените во правилата за финансискиот ферплеј (ФФП), со цел да се спречи повторување на лудото трошење на Челси во последните два преодни рока, и побара анализа на извештаите за приходите на клубот по скандалот со Јувентус во Серија А.
Покрај тоа, УЕФА го смени името на Конференциската лига Европа, во едноставно Конференциска лига.
Во обид да се спречи трикот на Челси со потпишување на договори на невообичаено долго време, и така да се прераспределат трошоците на повееќе години, УЕФА поставува лимит од пет години за оценувањето на ФФП, дури и договорот да е подолг. Ова нема да важи ретроактивно, така што Челси ќе може да го искористи трикот за амортизација на трошоците.
ФФП исто така ќе се смени со воведување на однос на трошоци во тимот, така што трошењето на пари за плати, трансфери и провизии нема да може да надмнува 70 отсто од приходите во клубот. Ова ќе се воведе целосно во 2025/26, со 90 отсто во 2023/24 и 80 отсто во 2024/25.
УЕФА исто така побара сите професионални клубови да се придржуваат на „интернационалните сметководствени принципи“ околу пријавувањето на капиталните приходи, откако Јуве беше казнет со 10 поени во Серија А за вештачко зголемување на вредноста на трансферите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Гризман „лут“ на француските медиуми
Гризман лут на медиумите поради протекување на информации.
Францускиот репрезентативец Антоан Гризман нервозен поради објава на видео од тренингот на француските медиуми.
Имено, во пресрет на полуфиналето со Шпанија, камерите ги снимија избраниците на Дидие Дешамп како вежбаат удари од белата точка.
„RMC Sport“ го објави видеото и ги откри имињата на сите играчи кои ги вежбале пеналите.
Ова особено го налути Гризман, кој реагираше на социјалните мрежи.
“Па, одлично! Ви благодариме за информацијата”, рече саркастично тој.
Останува да видиме, дали оваа информација ќе биде корисна за голманот на Шпанија.
🇫🇷 👀 Comment les Bleus travaillent les tirs au but. pic.twitter.com/p8RxETJQEr
— RMC Sport (@RMCsport) July 6, 2024
Спорт
Искуството на седумкратниот светски шампион
На седумкратниот светски шампион во Формула 1, Луис Хамилтон, му било потребно „долго време да заздрави“ од влијанието на контроверзниот крај на сезоната 2021 година.
Хамилтон имал голем број предизвици со менталното здравје во текот на 30-месечната серија без победа пред неговиот триумф во Силверстоун.
Тој победи на Големата награда на Британија во Силверстоун, што е негова прва победа од претпоследната трка во 2021 година во Саудиска Арабија. Тој го опиша триумфот како најемотивниот во неговата Формула 1 кариера.
Откако ја мина целната линија, Хамилтон се расплака додека ја прекина својата серија од 56 трки без победа, најдолга во неговата кариера. Претходно, најдолгата серија без победа беше 10 трки.
Тој ја загуби титулата во битката со Макс Ферстапен на последната трка од сезоната 2021 година во Абу Даби, откако тогашниот директор на трката Мајкл Маси погрешно ги применил правилата за безбедносното возило, дозволувајќи му на возачот на Ред Бул да го помине Хамилтон во последната рунда и ја освои прва титула, и го спречи Британецот да освои рекордна осма.
Меѓународната автомобилска федерација (ФИА) по истрагата објави дека се работи за „човечка грешка“.
Во изјавата пренесена за „Скај“, Хамилтон изјави:
„Кога се вратив во 2022 година, мислев дека сум го надминал тоа. Знам дека беше тешко и ми требаше долго време да го излечам тоа чувство. И тоа е природно за секој што го има тоа искуство. Продолжив да се обидувам да работам на себе и од ден на ден сега наоѓам внатрешен мир“, изјави 39-годишниот Хамилтон.
Од 2022 година Мерцедес имаше многу проблеми со болидот и не беше конкурентен на Ред Бул. Така продолжи и оваа сезона, но возачот на Мерцедес Џорџ Расел победи на претходната трка во Австрија, а Хамилтон победи во Велика Британија.
Седумкратниот светски шампион е рекордер со 104 победи во Формула 1.
Спорт
Дали знаете кој е најбрзиот фудбалер на ЕП 2024?
Официјалниот профил на УЕФА ја објави листата на најбрзите играчи на овогодинешното Европско првенство во Германија.
Фудбалерите од сите селекции се подложени на комплетни статистички анализи, а малкумина се издвојуваат на врвот на секоја листа – по добро или лошо.
УЕФА ја анализираше брзината на сите играчи на ЕП 2024 и ги создаде првите 10.
Првото место, многумина ќе кажат очекувано, го држи Французинот Килијан Мбапе со брзина од 36,5 км/ч.
По него е Шпанецот Феран Торес, кој трча половина километар на час побавно од Мбапе.
Бенјамин Шешко изненадувачки се најде на самиот врв. Словенецот за време на еврото постигна брзина од 35,9 км/ч.