Спорт
УЕФА: Ги усогласивме правилата со европските закони
Во Нион, каде се наоќа куќата на Европската фудбалска унија (УЕФА) нема загриженост од одлуката на Европскиот суд на правдата, која претпладнево пресуди во корист на Суперлигата. Во УЕФА се уверени дека нивните нови правила се во согласност со европското право.
Прописите со кои им се забранува на клубовите да основаат и да учествуваат во Супер лигата се прогласени за незаконски, но УЕФА не се откажува.
„Оваа пресуда не значи одобрување на таканаречената Суперлига. Напротив, ја истакнува веќе постоечката празнина во регулативите на УЕФА, технички аспект кој веќе е препознаен и коригиран во јуни 2022 година со нови текстови“, се вели во соопштението на УЕФА.
Прописите на Европската фудбалска унија (УЕФА) и Меѓународната фудбалска федерација (ФИФА) со кои се забранува влез на клубови во Суперлигата се незаконски, одлучи денеска Европскиот суд на правдата.
Случајот беше сослушан минатата година пред Европскиот суд на правдата, откако Супер лигата пропадна помалку од 48 часа по нејзиното лансирање во април 2021 година, по остри критики од навивачите, јавноста и бројни клубови.
Европската Суперлига е проект кој 12 клуба го започнаа во април 2021 година, но поради критиките од јавноста, девет клуба Арсенал, Челзи, Ливерпул, Манчестер Сити, Манчестер Јунајтед, Тотенхем, Интер, Милан и Атлетико Мадрид веднаш го напуштија натпреварувањето, а од оваа година Јувентус. Верни на идејата останаа само Реал Мадрид и Барселона.
А22, компанијата која стои зад формирањето на новото натпреварување, потоа ги тужеше УЕФА и ФИФА за кршење на законот за натпреварување и злоупотреба на доминантната позиција.
Судот денеска пресуди дека правилата на УЕФА се во спротивност со европското право за конкуренција, бидејќи тие не се регулирани со „никакви критериуми што ќе обезбедат нивна транспарентност, објективност и недискриминација“.
Сепак, УЕФА верува дека во меѓувреме ја пополнила празнината, откако минатото лето усвои регулатива на 24 страници која предвидува систем за овластување за „меѓународните клупски натпреварувања“.
Европската куќа на фудбалот „останува решена да ја брани пирамидата на европскиот фудбал, заедно со националните федерации, лиги, клубови, навивачи, играчи, тренери, институции на ЕУ, влади и партнери“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мегапресврт, Нико Вилијамс го продолжи договорот со Атлетик Билбао
Атлетик Билбао објави голема вест на социјалните мрежи. Крилниот напаѓач Нико Вилијамс го продолжи договорот со клубот. 22-годишникот потпишал договор кој трае до 2035 година, а клубот исто така потенцира дека клаузулата за откуп на договорот е зголемена „за повеќе од 50%.“
Досега, таа изнесуваше 60 милиони евра, со новиот договор таа е зголемена на над 90 милиони.
Оваа вест доаѓа како големо изненадување бидејќи е познато дека Вилијамс преговараше со Барселона со месеци, а локалните медиуми го сметаа трансферот за завршен и договорен.
💥 Nico Williams renueva con el Athletic Club hasta 2035.
El extremo rojiblanco se vincula al club de su corazón durante las próximas diez temporadas y su cláusula de rescisión aumenta más de un 50%. #NicoWilliams2035 #AthleticWIN 🦁
— Athletic Club (@AthleticClub) July 4, 2025
Блауграна останува без најголемиот трансфер оваа сезона и ќе мора да бара нови опции.
„Нико Вилијамс и Барселона се договорија за сите детали. Фудбалерот на Атлетик Билбао ќе потпише шестгодишен договор за новиот клуб со нето плата помеѓу седум и осум милиони евра по сезона. Барселона моментално преговара со Атлетик за финансиските услови за да го комплетира трансферот“, објави Фабрицио Романо пред две недели.
Иако млад, Вилијамс веќе одигра 167 натпревари за Атлетик, постигна 31 гол и забележа 30 асистенции.
Foto/ EPA-EFE/RONALD WITTEK
Спорт
Погребот на Диого Жота и Андреа Силва в сабота во Гондомар
Диого Жота (29) и неговиот брат Андре Силва (26) загинаа во сообраќајна несреќа во шпанската покраина Замора во средата навечер.
Бдеење за фудбалерите на Ливерпул, Диого Жота и неговиот помлад брат Андре Силва, се одржува денес во нивниот рден град Гондомар, во близина на Порто, а погребот ќе се одржи во сабота.
Собирот започна околу 8 часот наутро по локално време во Црквата на Воскресението, изјави локален свештеник за новинската агенција ПА, објави Би-Би-Си.
Свештеникот Хозе Мануел Маседо изјави за агенцијата дека погребот ќе се одржи во сабота од 10 часот наутро по локално време. Двете возила, вклучувајќи и мртовечко возило, беа пречекани со аплауз и солзи од локалното население и навивачите кои ги исполнија улиците во близина на погребалниот дом и главната црква во Гондомар.
Британските медиуми објавија дека сè уште не е јасно дали семејството ќе се одлучи за приватен или јавен погреб, но се очекува да присуствува португалскиот претседател Марсело Ребело де Соуза.
Жота (29) и неговиот брат Андре Силва (26) загинаа во сообраќајна несреќа во шпанската покраина Замора во среда навечер, кога нивниот автомобил излета од патот. Шпанскиот весник „Марка“ објави дека автомобилот се запалил и пламенот брзо се проширил на блиската вегетација.
Браќата починале околу половина час по полноќ откако пукнала гума на нивниот автомобил додека се обидувале да престигнат друго возило.
Тие патувале со автомобил од Порто до ферибот за Англија, каде што Жота требало да им се придружи на своите соиграчи од Ливерпул на предсезонски подготовки.
Жота бил подложен на мала операција и лекарите го советувале да не патува со авион, па затоа планирал да се врати во Ливерпул со брод и автомобил.
Фото/ EPA/ADAM VAUGHAN
Спорт
Трамп ќе организира УФЦ борба во Белата куќа
Претседателот на Соединетите Американски Држави, Доналд Трамп, секојдневно ги исполнува медиумите со неверојатни изјави, а на митинг пред поддржувачите во Ајова, тој се осврна и на спортски теми.
Станува збор за традиционален собир пред 4 јули, датумот на кој беше ратификувана Декларацијата за независност на САД во 1776 година. Паралелно со воената парада во главниот град, Трамп објави какви планови има за следната годишнина, која ќе биде јубилејна 250-та.
„Гледате ли УФЦ? Големиот Дејна Вајт. Ќе организираме УФЦ борба на на почвата пред Белата куќа. Имаме многу простор таму. Дејна ќе го направи тоа“, е амбициозниот план на американскиот претседател.
Трамп, познат по својата љубов кон боксот и MMA и неговите гостувања на ревиите за боречки вештини, продолжи да зборува за шефот на УФЦ и го објасни планот подетално.
„Ќе имаме УФЦ борба за титула, вистинска борба, со 20 или 25 илјади луѓе. Тоа ќе биде дел од прославата на 250-годишнината“, рече Трамп.
Претседателот, исто така, објави дека дел од програмата ќе бидат таканаречените „Патриотски игри“ во кои натпреварувачи од сите 50 „држави“ ќе се натпреваруваат во различни спортски дисциплини.
„Ќе имаме неверојатни настани. Некои ќе бидат професионални, некои ќе бидат аматерски, но борбата на УФЦ ќе биде голем настан“, подвлече Трамп.
Foto/ EPA-EFE/CRISTOBAL HERRERA-ULASHKEVICH
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека согласно прогнозите од УХМР и врз основа на акцискиот план за превенирање на...
Уапсен полицаец од Гостивар: го украл накитот и парите запленети при претреси, кои требало да ги чува, приведен е и златар
Вчера во 17.50 часот полициски службеници од ОВР Гостивар го лишиле од слобода полицискиот службеник, 51-годишниот Д.С. од Гостивар, поради...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
