Спорт
УЕФА објави: Реал се број 1, Вардар е на 149, Работнички на 188 место
Европската фудбалска унија (УЕФА), ја објави листата на најуспешните клубови во Купот/Лигата на шампиони. Почнувајќи од 1955 година, кога Спортинг Лисабон и Партизан го одиграа првиот меч, најуспешен клуб е Реал Мадрид.
Реал Мадрид има 51 учество во елитното натпреварување и освоени 13 титули. На второто место е Баерн Минхен со шест трофеи, а потоа следуваат Барселона, Манчестер јунајтед, Јувентус, Милан, Ливерпул, Бенфика, Порто и Ајакс.
На листата на 500 најуспешни клубови има шест македонски екипи. Најдобро рангиран е Вардар на 149 место. Црвено-црните имаат осум учества, одиграле 24 натпревари забележале пет победи, осум нерешени и 11 порази.
Работнички е на 188 место, со четири учества (14 натпревари, 3/6/5). Шкендија е на 258 место, со три учества (10 натпревари, 3/1/6), на 303 место е Слога со три учества (10 натпревари, 1/3/6).
На 389 место е Победа, со две учества (4 натпревари, 0/2/2), на 489 место е Ренова со едно учество и забележани два порази.
Од клубовите од поранешна Југославија најдобро котира европскиот првак од 1991 година, Црвена звезда. Тимот од Белград е на 21 место, Динамо Загреб на 30 место, Партизан на 40,Хајдук Сплит на 79, Сараево на 191, Железничар на 236 место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Легендата на Реал, Предраг Мијатовиќ, го критикува Куртоа
Легендата на Реал Мадрид, Предраг Мијатовиќ го критикуваше голманот на Тибо Куртоа.
Токму Белгиецот беше во центарот на вниманието на дербито со Атлетико (1:1), бидејќи беше нападнат од ултрасите на Атлетико.
Куртоа со начинот на кој го прослави голот на Едер Милитао, а потоа и со уште неколку провокации им го крена „притисокот“ на ултрасите“ кои започнаа да фрлаат со запалки и други предмети, поради што натпреварот беше прекинат 15 минути.
„Нема оправдување за она што го направија навивачите, но мислам дека играчите мора да се однесуваат правилно. Не смеат да провоцираат или да вртат грб, не смеат да провоцираат. Камерите се на секој чекор, фудбалерите се препознатливи. Доколку се однесуваат така, не смеаат да стапнат на фудбалскиот терен“, рече Мијатовиќ.
Инаку, Реал поведе со голот на Едер Милитао во 64. минута, а Анхел Кореа му донесе бод на Атлетико во петтата минута од судиското надополнување.
Спорт
Панчев: Најголемата грешка во кариерата ја направив кога потпишав со Интер
Легендарниот играч на Црвена звезда Дарко Панчев уште еднаш истакна дека направил голема грешка кога решил да се пресели во Интер.
Панчев во 1992 година замина во Интер каде постигна само три гола, а во 1995 година се пресели во Фортуна Диселдорф.
„Секако, тоа воопшто не е спорно. Не само што Интер тогаш имаше неквалитетен тим, без игра, особено за нас напаѓачите. Ниту клупската атмосфера не беше во ред. Јас тоа на некој начин го почувствував. Не дојдов таму како млад играч па да морам да се докажувам, туку како еден од најбараните напаѓачи во Европа. Релативно брзо се скарав со тренерот и клупските челници“, изјави Панчев за „Спортски Журнал“.
Откри дека тогаш имал понуди и од други клубови.
„Во тоа време бев меѓу најбараните напаѓачи во Европа. Имавме преговори со Барселона, чиј тренер беше Јохан Кројф. Ме бараше и Алекс Фергусон во Манчестер јунајтед. Потпишав преддоговор со Милан. Реал Мадрид беше заинтересиран и нејзиниот претседател Рамон Мендоза доаѓаше на преговори. Имав избор, а јас ја одбрав најлошата варијанта. Никој не ми е виновен. Одговорноста е моја“, додаде Панчев.
Панчев кариерата ја заврши во 1997 година во Сион.
Спорт
Дембеле исфрлен од тимот на ПСЖ
Францускиот репрезентативец, Усман Дембеле е исфрлен од тимот на ПСЖ и нема да игра на следниот натпревар од Лигата на шампионите против Арсенал, пишува новинарот на „РМЦ Спорт“, Фабрис Хокинс. Дембеле и тренерот на францускиот шампион Луис Енрике се скараа по првенствениот натпревар со Рен, во кој ПСЖ победи со 3:1.
Дембеле одигра добар натпревар, асистираше за првиот гол и ја напушти играта во 82. минута. Но, во текот на тој меч тренерот на Париз, тренерот Енрике, неколку пати беснееше во својот технички простор бидејќи неговиот крилен напаѓач не го слушаше во неколку акции.
На седум натпревари сезонава тој постигна четири гола и забележа четири асистенции. Дембеле има 27 години и треба да биде најголемата ѕвезда на клубот по заминувањето на Килијан Мбапе во Реал Мадрид.
Ова не е прв пат француски фудбалер да има проблеми со дисциплината. Во текот на неговата кариера, од Рен преку Борусија Дортмунд и Барселона, тренерите имаа одредени проблеми со него. Во Барселона, на пример, еднаш беше казнет со 100 илјади евра затоа што доцнеше два часа на тренинг.
Барселона го донесе од Борусија Дортмунд за 135 милиони евра во 2017 година. Не се покажа како засилување, туку разочарување, голем потенцијал што не ги оправда очекувањата. Од минатата година тој настапува за ПСЖ кој го купи од Барселона за 60 милиони евра.