Спорт
УЕФА отвори дисциплинска постапка против Леонардо и Ал-Хелаифи

УЕФА официјалнo отвори дисциплинска постапка за однесувањето на претседателот на Пари Сен-Жермен, Насер Ал-Хелаифи и за спортскиот директор на клубот, Леонардо по 3:1 поразот од Реал Мадрид во средата навечер.
Ова доаѓа по непотврдените извештаи дека двајцата влегле во остар дуел со судиите на мечот, посебно незадоволни од првиот гол на Реал, кога сметаа дека Карим Бензема требаше да добие жолт картон за „фаулот“ над Џанлуиџи Донарума. Според „Марка“, Ал-Хелаифи по крајот на мечот трчал по ходниците на „Бернабеу“ по судијата Дани Макели, а според „Л’Екип“ во записникот на судијата стоело дека: „Ал-Хелаифи и Леонардо се однесувале агресивно и се обиделе да влезат во соблекувалната на судиите. Кога судијата побарал да заминат, претседателот удрил дел од опремата на помошникот судија и го скршил“.
Според „Диаирио АС“, пак, Ал-Хелаифи и Леонардо прво влегле во погрешна соба на стадионот, каде што се сретнале со делегатот на Реал Мадрид, Мејиа Девила. Вработениот го снимал Ал-Хелаифи со телефон, по што тој го забележил тоа и му се заканил со зборовите: „Ќе те убијам!“.
Од ПСЖ не го коментираат инцидентот.
UEFA has opened disciplinary proceedings against Paris St Germain President Nasser Al Khelaifi and sporting director Leonardo following Wednesday's 3-1 Champions League defeat by Real Madrid. https://t.co/EsaC8l6t78
— Reuters Sports (@ReutersSports) March 10, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.