Фудбалскиот клуб Милан одреди цена за Алваро Мората. Заинтересираните клубови ќе мора да платат од 15 до 18 милиони евра за него, објавија италијанските медиуми.

Милан ја одреди цената по шпекулациите дека Комо е заинтересиран за Мората, кој сака да го засили тимот за следната сезона.

Мората е на позајмица во Галатасарај до јануари 2026 година.

„SportMediaset“, објави дека Милан бара најмалку 15 милиони евра за Мората, но дека прво ќе мора да се договори со Галатасарај за прекин на позајмицата.

Медиумите објавија дека Милан е заинтересиран за Мојсе Кен од Фиорентина. Фудбалерот има клаузула за откуп во износ од 52 милиони евра, која ќе биде активирана на 1 јули.

Манчестер јунајтед е исто така заинтересиран за тој италијански напаѓач.

Кен сезоната ја заврши во Фиорентина, постигна 19 голови и беше втор стрелец во Серија А.

Манчестер сити обезбеди пласман во нокаут фазата на клупскиот Мундијал во САД. Во второто коло тимот од Обединетите Арапски Емирати, Ал Аин со 6:0.

Натпреварот го обележа дебитантскиот гол на Клаудио Ечевери за Сити. 19-годишникот, кој минатата сезона ја помина на позајмица во Ривер Плата, постигна прекрасен гол од слободен удар за 2:0.

Илкај Гундоан му донесе водство на Сити во осмата минута, предноста беше удвоена во 27-та минута, а на крајот од првото полувреме, Ерлинг Холанд беше прецизен од пенал.

Во последните дваесет минути, Сити постигна уште три гола, прво Гундоан во 73-та минута, Оскар Боб во 84-та минута и Рајан Шерки во 89-та минута.

Во Групата Г, Сити и Јувентус сега имаат по шест бода, додека Видад и Ал Аин немаат ниту еден.

Во текот на ноќта имаше се одигра и еден натпревар во Групата Б, немаше голови во пресметката помеѓу Салцбург и Ал Хилал и покрај фактот дека видовме вкупно 32 удари кон голот.

Ал Хилал беше поблиску до победата, но не успеа да дојде до неа. По две кола, Реал Мадрид и Салцбург имаат по четири бода, Ал Хилал два, а Пачука нема бодови. Во последното коло се среќаваат Реал и Салцбург, односно Ал Хилал – Пачука.

Кошаркарите на Оклахома Сити Тандер се новите шампиони на НБА.

Оклахома ја победи Индијана со 103:91 во решавачкиот седми натпревар во големото финале и ја освои историската титула на франшизата со резултат од 4-3 во серијата.

Домашниот тим одигра одлична тимска кошарка, сепак, натпреварот во Оклахома го обележа тешката повреда на Тајрис Халибартон. По само седум минути игра, Хали ја повреди Ахиловата тетива, веројатно ја скина, а Пејсерс беа без главниот организатор на играта до крајот на натпреварот.

pic.twitter.com/ilSoRKMiYc

— Gonzalo Vázquez (@GVazquezNY) June 23, 2025

Оклахома клучната предност ја оставри на крајот од третата и почетокот на четвртата четвртина кога стигнаа до +21.

Индијана не успеа да се врати и Тандер ја освоија титулата. Шеј Гилџис-Александер одигра добар натпревар, 29 поени и 12 асистенции, по него следуваа Вилијамс со 20, Холмгрен со 16 поени, осум скока и пет блокади, како и Карузо и Волас со 10 поени.

Бенедикт Матурин беше најефикасен во поразениот тим со 20 поени, 13 скока и три асистенции.

За МВП на финалето е прогласен Гилџис-Александер, кој претходно беше прогласен и за МВП на сезоната и избран во најдобрата петорка во лигата.