Во саботата од 16 часот во Премиер лигата се одиграа пет натпревари. Шампионот Манчестер сити првиот пораз во сезоната го забележа во Борнмаут, Брајтон водеше на „Енфилд“ до 69 минута, но на крајот победи Ливерпул, а победија и Саутемптон, прв пат оваа сеозна и Нотингем Форест. „Шумарите“ се искачија на третото место на табелата. . Лестер извлече бод на гостувањето кај Ипсвич во судиското продолжение.

Борнмут, против десеткувануот Сити, одигра речиси беспрекорен меч цели 80 минути. Во последните 10 панично го бранеа својот гол. На крајот и успеаја да го одбранат и прв пат во својата историја во Премиер лигата да го победат Манчестер сити. Од друга страна актуелниот шампион го доживеа првиот пораз во сезоната.

Семењо го постигна првиот гол во деветтата минута. До 64.минута кога Еванилсон го постигна вториот гол, играчите на Борнмут промашија неколку зрели шанси. Четири минути по вториот гол Таверние ја погоди стативата, а во 79.минута непрецизен беше Брукс.

Јошко Гвардиол ја намали негативата на Сити на 2:1 во 82. минута. „Граѓаните“ потоа тргнаа во жесток притосок но не успеаја да го избегнат поразот.

Поразот на Сити го искористи Ливерпул, „црвените“ со триумфот над Брајтон се вратија на лидерската позиција на табелата.

Брајтон одигра извонредно првото полувреме, кое го заврши со гол предност. Кадиоглу погоди во 14.минута. СПоред она што се случуваше на теренот, Брајтон мораше да постигне уште некој гол во првиот дел.

Во вториот Ливерпул се наметна, а до пресврт стигнаа домаќините во интервал од три минути. Гакпо изедначи во 69., а Салах погоди за победа во 72.минута.

Дуелот меѓу Анјтрахт и Бохум ги обележа натпреварите од попладневната програма во Бундес лигата. Ајнтрахт го победи Бохум со 7:2.

Во првите 30 минути Ајнтрахт со четири гола ја обезбеди победата. Иго Екитике (9), Омар Мармуш (18), Ансгар Кнауф (20) и Натаниел Браун (32) .Големата предност на Ајнтрахт до полувремето ја намали Дани де Вит.

Филип Хофман намали на „минус два“ во 51. минута, но потоа следеше нов урагански налет на Ајнтрахт. Во интервал ос само осум минути по гол постигнаа Махмуд Дауд, Џан Јилмаз Узун и Екитике.

Во исто време, но со помала гол-разлика, Баерн го декласираше Унион Берлин во Минхен со 3:0 (2:0).

Хари Кејн погоди двапати, од пенал во 15. минута и по асистенција на Кингсли Коман во 51. минута, а во изменетите улоги, овој тандем се најде во 43. минута.

Англискиот центарфор сега е прв на листата на најдобри стрелци со 11 голови. На почетокот на натпреварите Кејн и Мармуш го делеа првото место на оваа ранг листа, но Египјанецот му даде „само“ гол на Бохум.

Резултати:

Хофенхајм-Сент Паули 0:2
Кил-Ханденхајм 1:0
Волфсбург-Аугсбург 1:1

Возачот на Мекларен Ландо Норис победи во спринт трката во Сао Паоло. До првата спринт победа сезонава, Норис дојде со помош на тимскиот колега Оскар Пјастри. Трет заврши Макс Ферстапен. Разликата меѓу него и Норис во генералниот пласман сега изнесува 45 поени.

Спринтот на патеката „Интерлагос“ не донесе никакви возбудувања. Фокусот беше на водечката четворка. Пјастри кој стартуваше од пол-позицијата без проблем го чувашпе првото место, на почетокот неговиот колега Норис се осбрани од Леклер, а потоа во самиот финиш, пред да започнат да визат под виртуелното возило за безбедност, младиот Австралиец го пушти Британецот пред него.

„Не сум горд на оваа победа, му благодарам на Оскар што ме пушти да победам“, изави Норис по победата.

Трет низ целта мина Ферстапен, кој долго време се бороеше за позицијата со Леклер. На крај ја искористи грешката на возачот на Ферари и се проби на третото место.

Зад најдобрите тројца се пласираа возачите на Ферари, Леклер и Карлос Саниц, а бодови во спринтот освоија и Џорџ расел (Мерцедес), Пјер Гасли (Алпин) и Серхио Перез (Ред Бул).

Вечерва од 19 часот на програмата се квалификациите за утрешната трка во Бразил.