Спорт
УФЦ: Блејдс со неубедлива победа над рускиот „Драго“ (видео)

Кертис „Рејзор“ Блејдс доминираше во првите три рунди против Александер „Драго“ Волков во главниот меч во тешка категорија на УФЦ Фајт најт во саботата во Лас Вегас, пред да загуби сила и со победата да не го импресионира шефот на УФЦ, Дејна Вајт, кој веднаш изјави дека да се верува дека тој ќе добие шанса за меч за титула.
Блејдс беше супериорен во борењето, со рекордни 14 „тејкдаунс“ во мечот за да победи со 49:46, 48:47, 48:46, но не успеа да стигне до нокаут против високиот Русин, решавајќи се за конзервативна стратегија. Пред овој меч, Блејдс беше четврторангиран во тешката категорија, но тешко дека ќе добие шанса против шампионот Стипе Миочиќ или Даниел Кормиер.
„Сфаќам дека многу фанови не ги сакаат ваквите мечеви, и тоа е океј. Тоа ме прави среќен“, вели Блејдс.
Претседателот на УФЦ, Дејна Вајт не беше импресиониран.
„Блејдс зборуваше многу, но на крајот изгледаше глупаво, откако загуби сила по третата рунда. Со вакви перформанси, да сум на негово место, нема да чекам, туку ќе работам. Кога зборуваш така, тогаш треба да влезеш во октагонот и да истепаш некого“, вели Вајт.
28-годишниот Блејдс (14-2) има четири победи во низа и само два порази во кариерата, двапати од Френсис Нгану. 31-годишниот Волков, со прекар „Драго“ по „Роки 4“, сега има три порази во четири меча.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Инаку ФИБА ја објави и втората најдобра петорка на шампионатот. Во неа се турскиот капитен Џеди Осман, финската ѕвезда Лаури Марканен, полскиот играч Џордан Лојд, Дени Авдија од Израел и Србинот Никола Јокиќ.
Foto/ EPA