Екипата на Тотенхем минимално славеше со 1-0 против Евертон во последниот натпревар од 33. коло во Премиерлигата.

Пулените на менаџерот Жозе Мурињо одиграа просечен меч, а единствениот гол со кој Спарси стигнаа до трите бода беше автогол на противничкиот играч Мајкл Кин, во 24 минута од мечот.

Во фокусот на овој меч останува караницата и обидот за физичка пресметка меѓу голманот и капитен на Тотенхем, Уго Лорис и напаѓачот, Сон Мин. Сепак, беше избегната тепачка.

Во вториот дел „карамелите“ на Карло Анчелоти се обидоа да го свртат резултатот, но не успеаја.

Во Премиерлигата треба да се одиграат уште пет кола, а Тотенхем се уште има шанси за место кое води во фудбалска Европа.

Бундеслигашот Вердер Бремен останува во најквалитетната германска лига и во идната сезона откако вечерва одигра среќно реми (2-2) нагости кај второлигашот Хајденхајм. Првиот меч меѓу овие две екипи одигран во Бремен заврши без голови 0-0.

Со ваквиот развој на настаните продолжува традиција долга 40 години- Вердер да настапува во континуитет во Бундеслигата.

Мечот имаше необичен тек. Гостите поведоа со 0-1 благодарение на ефектниот автогол на играчот на Хајденхајм, Теуеркауф уште во 3. минута.

Иако дамаќините беа тие кои подолго ја имаа топката во свој посед, сепак шансите и ударите кон противничкиот гол ги имаше Вердер.

По еден удар на Мор од далечина во 85 минута, топката се одби од пречката, најприсебен беше Клеиндиенст за 1-1.

Веќе се играше судиското продолжение од 5 минути, и кога сите очекуваа дека мечот ќе влезе во продолженија,
Аугустинсон во 95 минута погоди за Вердер за 1-2 со што го одлучи победникот.

Хајденхајм и тогаш не се предаде, Клеиндиенст во 97 минута од пенал израмни на 2-2, но тоа беше конечниот резултат кој Вердер поради повеќе голови нагости останува во Бундеслигата.

Екипата во која настапува македонскиот фудбалски репрезентативец, Енис Барди – Леванте предмалку одигра мирољубиви 1-1 против екипата на Реал Сосиедад во рамки на 34 коло од Ла Лига.

Барди денеска не беше во составот на Леванте, отслужуваше казна поради парни жолти картони, па екипите ремизираа.

Двата преостанати бод повеќе ќе им недостасуваат на гостите кои се борат за излез во Европа, додека Леванте е сигурен на 12-тата позиција на табелата.

Возбудувањата на мечот беа до 16-та минута.

Најпрво гостите од Сан Себастијан поведоа во 12 минута, стрелец на погодокот за 0-1 беше младиот Исак.

Погодокот за 1-1, кој се испостави дека е доволен за конечен резултат, го постигна Моралес на асистенција на Рочина во 16 минута.