Спорт
УФЦ ѕвездата Ковингтон до НБА играчите: Откажете се од милионите и станете полицајци
УФЦ фајтерот Колби Ковингтон ги критикуваше Леброн Џејмс и другите НБА ѕвезди поради најавениот бојкот на остатокот од сезоната поради расната неправда, порачувајќи им да станат полицајци ако сакаат да направат промена.
Милвоки бакс предизвикаа бура одложувања во НБА лигата откако одбија да излезат на теренот за петтиот меч од плејоф пресметката со Орландо во знак на протест на застрелувањето на Џејкоб Блејк во Висконсин. НБА ги откажа сите мечеви, исто како и безбол МЛБ лигата, како и фудбалската МЛБ лига, а на пауза се стави и тенискиот Синсинати Мастерс.
Ковингтон, кој е голем поддржувач на американскиот претседател Доналд Трамп, се потсмеваше со овие одлуки.
„Ох, вау, ги одложивте мечевите? Сакате навистина да докажете дека сте за промена. Откажете се од мултимилионските договори и животите полни со привилегија играјќи детска игра, за да добиете помала плата и да ја извршувате најтешката раобта во Америка. Станете полицајци“, напиша Ковингтон.
Секако, коментарите под оваа објава беа брутални, како и предлогот да влезе во кафезот со Леброн Џејмс.
Oh wow, you postponed your games?! Wanna prove you’re really about change? Quit your multi million dollar jobs and soft privileged lives playing a kids game, take a massive pay cut and perform the toughest job in America. Become cops!!!! @NBA @MLB @KingJames
— Colby Covington (@ColbyCovMMA) August 27, 2020
УФЦ: Ковингтон се потсмева со корона вирусот и откажувањата (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
На инсистирање на Инзаги, Интер „заклучи“ важен играч
Холандскиот репрезентативец Дензел Дамфрис договори продолжување на соработката со Интер.
Десниот бек, кој веќе три години настапува за актуелниот шампион на Италија, потпиша договор до јуни 2028 година.
Тренерот Симоне Инзаги инсистираше да остане во клубот.
Тој смета дека е исклучително важен за играта на тимот во двата правци и е еден од најсигурните играчи на „нероазура“ во системот 3-5-2 на десната бековска позиција.
Дамфрис дојде во Интер пред три години од ПСВ.
Спорт
Меси го носи својот човек на клупата на Интер
Интер Мајами нема тренер по неодамнешното заминување на Џерард Мартин од клупата на американскиот МЛС-лигаш, а негов наследник ќе биде, изненадени сте, Аргентинец.
Италијанскиот новинар Фабрицио Романо објави дека ќе седне поранешниот репрезентативец на „гаучосите“, Хавиер Маскерано, кој нема тренерско искуство во сениорскиот фудбал, но има многу поважна препорака – тој е голем пријател со Лионел Меси, најголемата ѕвезда на клубот од Мајами.
40-годишниот Маскерано е селектор на селекцијата на Аргентина до 20 години од 2021 година, а оваа година ја предводеше олимписката селекција до четвртфиналето. Во таа фаза од натпреварувањето Франција ги совлада јужноамериканците со 1:0.
Поранешниот фудбалер на Ривер Плата, Коринтијанс, Вест Хем, Ливерпул, Барселона, Хебеи и Естудијантес беше репрезентативец од 2003 до 2018 година, со која, меѓу другото, беше и двократен олимписки победник ( 2004 и 2008 година) и вицешампион на светот во 2014 година.
Дресот на Интер Мајами од поранешните фудбалери на Барселона го носат и Серхио Бускетс, Луис Суарез и Ѓорди Алба.
Интересно е што Маскерано ќе биде третиот аргентински тренер во кратката историја на клубот. Уругваецот Диего Алонсо ја имаше честа да биде првиот стратег на Интер во историјата и остана на Флорида од 2019 до 2021 година, потоа тимот го предводеа Фил Невил (20021-23), па Аргентинците Хавиер Моралес (привремено) и Херардо Мартино.
Интер Мајами беше прв во Источната конференција оваа сезона, но беше елиминиран веќе во првото коло од плеј-офот од Атланта.
Спорт
Осуден Конор Мекгрегор
Поранешниот шампион на УФЦ, Конор Мекгрегор, беше прогласен за одговорен за сексуален напад на жена во хотел во Даблин во 2018 година и ќе мора да плати отштета од 150.000 фунти.
Случајот, кој беше процесуиран пред граѓанскиот суд, се однесува на тврдењата на Никита Хенд дека Мекгрегор сексуално ја нападнал во пентхаусот на хотелот „Бикон“ во јужен Даблин во декември 2018 година. Мекгрегор за време на судењето тврдеше дека врската била консензуална.
Во тужбата се вклучи и Џејмс Лоренс, кој беше ослободен во оваа постапка.
Судењето траеше осум дена, при што беа изведувани докази, додека завршните зборови траеја три дена. Поротата, составена од осум жени, донесе пресуда во која Мекгрегор беше прогласен за одговорен.
На изрекувањето на пресудата во петокот, тој се појави во судницата придружуван од неговото семејство – партнерот Ди Девлин, родителите, сестрата и деверот.