Спорт
УФЦ: Хаос во Мексико Сити откако главниот меч беше прекинат по 15 секунди (видео)

Публиката во Мексико Сити фрлаше шишиња и други објекти кон октагонот по неславниот финиш на главниот меч од УФЦ помеѓу Јаир Родригез и Џереми Стивенс, кој беше прекинат по само 15 секунди.
Пресметката на двајцата фаворити ов перо категорија требаше да донесе спектакуларно финале, но наместо тоа беше прекинато по 15 секунди откако Родригез случајно го погоди Стивенс во окото. По пет минути пауза, окото на Стивенс отече и судијата Херб Дин го откажа мечот.
Ова не наиде на најдобра реакција на публиката, која почна да фрла со шишиња и со други објекти кон кафезот и кон Стивенс. Родригез, пак, мораше да биде смируван и на крајот се обрати кон публиката.
„Се извинувам многу. Двајцата трениравме напорно за овој меч и знам дека многумина потрошија пари да видат борба. Ќе го повториме ова“, изјави Родригез.
Fans in Mexico City pelt Jeremy Stephens with beer and popcorn after fight is called. @espnmma @marc_raimondi pic.twitter.com/cxv2MlhljC
— Eric Gomez (@EricGomez86) September 22, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Леао го крена Милан на челната позиција во Серија А

Во последниот неделен дуел во Серија А, Милан ја победи Фиорентина благодарение на пенал во самиот финиш од натпреварот. Милан победи по пресврт, 2:1, а херој беше Рафаел Леао, кој ги постигна двата гола за Росонерите.
Во првото полувреме немаше голови, а најдобрата шанса во овој дел од натпреварот ја имаше Страхиња Павловиќ кој по слободен удар имаше можност да шутира, се обиде од блиску, но топката помина преку пречката.
А потоа, во 55-та минута, Фиорентина поведе. Робин Гусенс стигна до одбиената топка и постигна гол.
Радоста на гостите не траеше долго. Страхиња Павловиќ испрати добра топка, Рафаел Леао изгради позиција и испрати вистински проектил и постигна гол за израмнување.
Милан се закани и во 76-та минута преку Сантијаго Хименез, но немаше промена на резултатот. И потоа целосна драма во 81-та минута кога Хименез беше тој што падна во шеснаесетникот.
Во првиот момент, судијата покажа дека нема пенал, а неколку минути подоцна отиде да ја погледне снимката и ја промени одлуката.
Во 86-та минута, Леао го совлада Давид де Хеа и му донесе на Милан целосен пресврт на овој натпревар.
Со оваа победа, петта во сезоната, Милан го зазеде првото место на табелата со бод повеќе од Интер, Наполи и Рома. Фиорентина продолжува да се мачи, сега имаат четири порази и три нерешени резултати и се на 18-то место на табелата.
Foto/ EPA
Спорт
Ферстапен победи во Остин, се врати во трката за шампионската титула

Макс Ферстапен ја забележа чеврттата победа во последните пет години на трката за Големата награда на САД. Ферстепн стартуваше од пол-позицијата и рутински славеше.
Стратот беше најинтересен, Ферстапен ја задржа првата позиција, а Леклер го мина Норис на второто место. Возачот на Ферари имаше различна стратегија од сите останати, на крајот во 51-от круг потклекна пред нападот на Норис.
Одличниот викенд за Ферари го надополни Хамилтон кој заврши на четвртото мести. Лош викенд имаше лидерот во генералниот пласман, Пјастри. Вчера не го заврши спринтот, во трката го освои петтото место.
Зад најдобрите пет пласман изборија: Џорџ Расел (Мерцедес), Јуки Цунода (Ред Бул), Нико Хулкенберг (Заубер), Оли Берман (Хас), Фернандо Алонсо (Астон Мартин).
Во последните пет трки од првата позиција влегува Пјастри со 346 поени, 12 повеќе од тимскиот колега Ландо Норис и 40 од актуелниот шампион Ферстапен.
Интересное е во борбата за втората позиција кај конструкторите. Мерцедес е втор со четири поени повеќе од Ферари и 10 од Ред Бул.
Наредната трка се вози на 26.октомври во Мексико.
Foto/ EPA
Спорт
Аморим: Најголемата победа откако го водам Јунајтед

Менаџерот на Манчестер јунајтед, Рубен Аморим, конечно се радуваше на голема, многу важна победа откако седна на клупата на славниот тим.
Неговиот тим го победи Ливерпул во најголемото дерби на англискиот фудбал со резултат од 2:1 на „Енфилд“.
„Мислам дека ова е најголемата победа во мојата кариера на клупата на Манчестер. Денес значи многу, но нема да значи многу утре. Тоа се само три бода и убава победа“, рече Аморим по победата.
Јунајтед започна совршено, поведе во 62-та секунда и совршено го заврши натпреварот – со голот на Хари Магваер во 83-та минута за 2:1.
„Се боревме за секоја топка, ја изгубивме самоконтролата во второто полувреме, но духот беше тука и тоа е најважно. Ако имате дух, можете да победите во секој натпревар. Беше добар ден за нас и сега ме интересира само Брајтон. Ќе уживам, но да се фокусираме на Брајтон“, рече Португалецот.
Аморим е среќен и поради фактот што за прв пат откако го презеде Јунајтед, неговиот тим врза две победи во Премиер лигата.