Спорт
УФЦ: Масвидал за само пет секунди го „суреди“ Аскрен (видео)

УФЦ 239 во Лас Вегас ни го донесе најбрзиот нокаут во историјата, откако Хорхе Масвидал го доби непријателскиот дуел со Бен Аскрен во велтер категорија со еден од најспектакуларните нокаути во историјата на ММА борбите, добивајќи ја победата по само пет секунди.
Поранешниот шампион од Белатор и ОНЕ шампионатот, Аскрен влезе во мечот без пораз и како еден од фаворитите за титулата, но Масвидал „летечки“ го погоди со колено, по што Аскрен беше веднаш на подот и Масвидал ја доврши работата.
Ударот беше толку силен, што на лекарите им беа потребни неколку минути да му ја повратат свеста на Аскрен, кој за среќа на крајот сам си замина од октагонот.
5 Seconds Flying Knee KO!⏱
?? Masvidal def. Askren ??
? Fastest KO in UFC History ?
? Title Shot Earned ✅
?? #UFC239
?RT: @ImShannonTho pic.twitter.com/FCp3i78wyQ— FightBreak.com (@Fightbrk) July 7, 2019
Во другите мечеви, УФЦ шампионот во средно-тешка категорија, Џон „Боунс“ Џонс ја одбрани титулата по тактичка победа во пет рунди над Бразилецот Тијаго „Марета“ Сантош. Ова е втора одбрана на титулата за Џонс по освојувањето на појасот во декември 2018.
Двократната УФЦ шампионка, Аманда Нунеш пак, имаше магичен нокаут над Холи Холм, победувајќи ја со директен удар во главата.
5 Seconds Flying Knee KO!⏱
?? Masvidal def. Askren ??
? Fastest KO in UFC History ?
? Title Shot Earned ✅
?? #UFC239
?RT: @ImShannonTho pic.twitter.com/FCp3i78wyQ— FightBreak.com (@Fightbrk) July 7, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА
Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.