Спорт
Украина „пукна петарда“ во Ереван
Украина убедливо ја победи Ерменија (5:0), во претпоследното коло во Групата 1, во Б-дивизијата во Лигата на нации.
Украина, предводена од Зубков, забележа лесна победа во Ереван. Зубков учествуваше во првите три гола на Украина. Го постигна вториот, а асистираше за првиот и третиот гол, а стрелци беа Тимчук и Довбик.
Довбик потоа во последните 10 минути му асистираше на Игнатенко за 0:4 и потоа со својот втор гол го постави конечниот резултат.
Украина сега има 10 бода, еден повеќе од Шкотска, која вечерва ќе игра против Република Ирска. Во вторник, во Краков, Украина ќе ја пречека Шкотска во директен дуел за првото место во групата и пласман во А-дивизијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Чоло со победа го прослави 700. меч на клупата на Атлетико и 300. победа во Примера
Атлетико Мадрид тешко, во последните 15 минути го скрши отпоот на Алавес и славеше со 2:1 во 13.коло во Примера. Тренерот на Атлетико, Диего Чоло Симеоне влезе во историјат на шпанскиот фудбал, 700. пат го водеше својот тим, ја забележа 300. победа во кариерата во Примера. Симеоне во 700 натпревари има 413 победи, 156 нерешени и 131 пораз. Неговиот тим постигна 1.168 гола, прими 577, а на 326 натпревари мрежата на Атлетико не се затресе.
Аткетико се мачеше да му обезбеди победа на својот тренер. Гостите го шокираа „Метрополитано“ во шестата минута. Бланко се обиде да нафрли, топката го погоди во раката Хави Галан, а пеналот во гол го претвори Гуриди.
Тоа беше се што направи играчите на Алавес пред голот на Јан Облак, кој немаше ниту една интервенција, а ударот на Гуриди беше единствениот упатен кон неговиот гол.
Од таа шеста минута до крајот се играше на половината на Алвес. Блескаше на голото на гостинскиот тим Сивера, кој на крајот имаше шест одбрани.
Атлетико најдобрата шанса во првиот дел ја имаше преки Лино кој ја погоди гредата. Потоа се редеа шансите на Коке, Љоренте, Ленле, Џулијано Симеоне.
Гостите имаа предност до 76.минута, кога Атлетико доби пенал. Реализатор беше Гризман. Десет минути подоцна, Сорлот во гол ја претвори асистенцијата на Де Пол и го комплетираше пресвртот.
Спорт
(Видео) Арсенал сигурен против „шумарите“, важна победа за Вулверхемптон, нов кикс на Астон Вила
Арсенал, Вулверхемптон и Брајтон забележаа победи во 12.коло во Премиер лигата. Два натпревари одиграни во термиот од 16 часот завршија без победник.
Арсенал, полесно од очекувањата, стави крај на низата од четири натпревари без победа. „Тобџиите“ со 3:0 го победија Нотингем Форест.
Интересен факт е дека ова беше 2000-та победа на Арсенал во елитното ниво на англискиот фудбал. Само Ливерпул има толку победи во првата лига.
Стрелци за тимот од Лондон на „Емирати“ беа Букајо Сака, Томас Парти и резервистот Итан Нванери, момче кое во март ќе наполни 18 години.
Ова не беше прв меч за Арсенал за ова ултраталентирано момче, но беше првиот гол во Премиер лигата кој секако ќе го памети до крајот на животот.
Победата го израмни Арсенал на табелата со Челзи и Брајтон, сите три клуба го делат третото место.
Резултати:
Борнмут – Брајтон 1:2 (0:1)
/Брукс 90+3 – Педро 4, Митома 49/
Арсенал – Нотингем Форест 3:0 (1:0)
/Сака 15, Парти 52, Нванери 86/
Фулам – Вулверхемптон 1:4 (1:1)
/Ивоби 20 – Куња 31, 87, Гомес 53, Гуедес 90+5/
Астон Вила – Кристал Палас 2:2 (1:2)
/Воткинс 36, Баркли 77 – Сар 4, Девани 45+1/
Евертон – Брентфорд 0:0
Спорт
(Видео) Интер за полувреме „пукна петарда“ во Верона
Интер ја декласира Верона на стадионот „Бентегоди“ со 5:0, во 13.коло во Серија А.
Сите пет гола гостите од Милано ги постигнаа во периодот од 17. до 41. минута.
Аргентинецот Хоакин Кореа го постигна водечкиот гол, а потоа додаде уште две асистенции, за двојниот стрелец Маркус Тирам во 22. и 25. минута.
Последните два гола ги постигнаа играчите од одбраната Стефан де Фрај и Јан Аурел Бизек.
Со овие три бода, шампионот на Италија го престигна лидерот Наполи и сега е на чело на табелата со 28 бодови, два повеќе од избраниците на Антонио Конте, кои својот натпревар од 13. коло го играат в недела против Рома.