Спорт
(Видео) Украина се врати во трката за место во осминафиналето – Со пресврт ја победи Словачка
Украина ја победи Словачка, со пресврт 2:1 и ги задржа шансите за пласман во осминафиналето на Европското првенство. Овој триумф на Украина ќе внесе дополнителна драма во групата бидејќи сега три селекции имаат по три бода, со напомена дека може да им се приклучи и Блегија доколку утре ја победи Романија.
На стадион: во Дизелдорф, Словаците беа подобри во првиот дел, стекнаа предност преку Шранц во 17.минута. Украинците возвратија во вториот дел, изеднчи Шапаренко во 54., а ветеранот Јеремчук во 80.минута погоди за победа.
Во последното коло, за четири дена, Украина ќе игра со Белгија, а Словачка со Романија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Ако не сум кошаркар?
❓ Pitanje dana: Da nisam košarkaš, bio bih? 🏀😎 #TeamSerbia @KSSrbije pic.twitter.com/LTdF2SnlW5
— Team Serbia (@OKSrbije) June 27, 2024
Кошаркарскиот сојуз на Србија на социјалните мрежи објави видео со српските кошаркари и нивните избрани професии.
Кошаркарската репрезентација на Србија се подготвува за претстојните Олимписки игри во Париз, каде ја очекуваат дуели во групи, (најверојатно со Италија), Судан и Соединетите Американски Држави.
Репрезентацијата имаше напорна сезона и остави се зад себе за да му се посвети на Светислав Пешиќ и неговите обврски во репрезентацијата.
КСС на социјалните мрежи објави видео на кое играчите зборуваат што би правеле доколку не биле кошаркари.
Секако и покрај напорните тренинзи, имаат време за пауза и дружење. А каде што е Јокиќ, забава мора да има!
Јокиќ на пример би бил младоженец.
Богдан Богдановиќ би работел во игротека.
Алексеј Покуѓески би бил лекар.
Филип Петрушев би играл тенис.
Никола Милутинов би бил сликар, а Никола Јовиќ би возел мотор.
Интересен беше и одговорот на Алекса Раданов кој рече дека најверојатно ќе биде готвач.
Како и да е, сепак тие се сила кога станува збор за светот на кошарката.
Спорт
Казна за фудбалскиот сојуз на Швајцарија
Дисциплинската комисија на Европската фудбалска унија го казни Швајцарскиот фудбалски сојуз (СФВ) со вкупно 91.000 франци.
Казната е поради однесувањето на навивачите, како и за истакнување на таканареченото „терористичко“ знаме ОВК на трибините за време на натпреварите од групната фаза на Европското првенство во Германија, пренесува швајцарски „Блик“.
Дисциплинската комисија на УЕФА го казни ФС на Швајцарија со 40.000 франци за однесувањето на навивачите на натпреварот од првото коло од групата А против Унгарија (3:1), а со 24.000 франци за инцидентите на дуелот со Шкотска (1:1).
„Блик“ наведува дека УЕФА одлучила да го казни ФС на Швајцарија со 27.000 франци поради навивачки инциденти на натпреварот од третото коло од групата А со Германија (1:1).
На овој натпревар швајцарските навивачи фрлаа пиротехнички средства на теренот, а на трибините го истакнаа знамето на таканаречената терористичка група ОВК.
„Блик“ истакнува дека УЕФА првично ја казнила швајцарската ФА со повисока сума, но додаваат дека казната е намалена на 91.000 франци по жалба.
Швајцарија во осминафиналето на Европското првенство ќе игра против Италија.
Спорт
Иванишвили ќе ги „части“ Грузијците
Биџина Иванишвили поранешниот премиер на Грузија, вети дека ќе и даде 30 милиони лари (близу 10 милиони евра) на фудбалската репрезентација доколку ја победат Шпанија по антологискиот пласман во осминафиналето на ЕП.
Грузиската репрезентација предводена од поранешниот француски репрезентативец Вили Сањол ја совлада Португалија со 2:0 и се пласираше во осминафиналето каде ќе се сретне со Шпанија.
Биџина е основач на владејачката политичка партија Грузиски сон и поранешен премиер на земјата од октомври 2012 до ноември 2013 година.
За него победата против Португалија е „историски триумф од соништата“.
Грузија, која првпат настапува на ЕП в недела од 21.00 часот во Келн игра против Шпанија.