Спорт
Украинците во 121. минута ја „урнаа“ Шведска за четврт-финале против Англија!
Украина е последниот четврт-финалист на ЕУРО 2020 година, откако во драматична завршница, дури по продолженијата стигнаа до 2:1 победа над Шведска во уште еден интересен и возбудлив меч на континенталниот шампионат. За ова беше потребен еден црвен картон и супер-замената Артем Довбик, кој во 121. минута го совлада Робин Олсен за прв репрезентативен гол во кариерата и голема победа и пресметка со Англија во четврт-финалето на шампионатот.
Во израмнетото прво полувреме, Украинците дојдоа во водство во во 27. минута, кога топката дојде кај ѕвездата на Манчестер сити по убава акција, за тој да го совлада Робин Олсен. Емил Форсберг израмни на 1:1 по асистенцијата на Дејан Кулушевски во 43. минута за најава за интересно второ полувреме. Ова беше четврти гол на Форсберг во четири меча.
И во второто полувреме, двете репрезентации беа израмнети, со многу шанси на двете страни. Сидорчук во 53. минута ја стресе стативата, за само две минути подоцна, Форсберг да ја погоди стативата. Форсберг во 69. минута повторно имаше одлична шанса, но на крајот по регуларните 90 минути беше без победник.
Продолжението почна со црвен картон во 99. минута за Даниелсон по грубиот старт, по што беше консултирана и ВАР-технологијата. По ова Украинците тргнаа поофанзивно, за на крај херој да биде замената Артем Довбик, кој во 120. минута ги „скрши“ срцата на Швеѓаните!
ЧЕТВРТ-ФИНАЛИЊА НА ЕУРО 2020
Белгија – Италија
Швајцарија – Шпанија
Англија – Украина
Чешка -Данска
Zinchenko with a beautiful assist to Dovbyk to win it for Ukraine. pic.twitter.com/JQSis4zoWZ
— Prime. (@TrashTalkMVP) June 29, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд