Спорт
Улични протести во Сантијаго откако полицијата прегази навивач на Коло Коло

Делови од чилеанската престолнина Сантијаго во текот на вечерта „гореа“ откако навивачите на Коло Коло реагираа бесно, откако еден нивни колега беше прегазен од полициски камион. Ова се најбруталните протести во Чиле по минатогодишните протести против власта.
Протестантите нападнаа 20-тина полициски станици во текот на ноќта, фрлајќи молотови коктели, а резултатот на нередите е еден мртов полицаец и 46 повредени, објави министерството за внатрешни работи на јужноамериканската држава.
„Ова беше најнасилниот ден во 2020 година и се потсетивме на најлошото од октомври минатата година“, изјави шефот на полицијата, Енрике Басалети.
Навивачот бил прегазен при заминување од фудбалски меч во центарот на градот, по што полицијата објави дека го уапсила возачот и дека истрагата е во тек.
#ABCMundo?: La jornada de protesta por la muerte de un hincha del Colo Colo, dejó como saldo un fallecido y 124 detenidos.https://t.co/7KeGit5FK7
— ABC Digital (@ABCDigital) January 30, 2020
A esta hora continúan las barricadas y la represión por parte de la policía bastarda en #PudahuelSur Santiago de Chile, en protesta por Jorge Mora Herrera, trabajador, padre e hincha de Colo Colo, asesinado brutalmente por Carabineros. Los balas siguen lloviendo contra los pobres pic.twitter.com/UxuXkj8IGM
— #ResisteMapuche (@Nacho_Lizama) January 30, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Спенсер Динвиди во Олимпијакос

Американскиот кошаркар Спенсер Динвиди е нов играч на грчки Олимпијакос, ексклузивно објавува „Телеспорт“.
Искусниот кошаркар, кој целата своја кариера ја помина во НБА каде што имаше забележителен настапи, одлучи да се пресели во Европа, откако не доби договор за сезоната во НБА лигата.
Одличниот шутер беше поврзуван со бројни европски тимови, вклучувајќи ги српските клубови Црвена звезда и Партизан, се шпекулираше дека Ефес е најблиску до неговиот потпис, но 32-годишниот Динвиди се одлучи за Грција и Олимпијакос.
Во НБА, Динвиди играше за Детроит, Бруклин, Вашингтон, Далас и Лејкерси, а своите најдобри натпревари ги одигра во дресот на Нетси, особено истакнувајќи се во сезоната 2019-20, кога во просек постигнуваше над 20 поени по натпревар.
Динвиди играше за Далас минатата сезона и во просек постигнуваше 11 поени.
Спорт
(Видео) Атлетик го победи Карабаг, Галатасарај сигурен против Бодо/Глимт

Фудбалерите на Атлетик Билбао и Галтасарај забележаа победи во првите натпревари од денешната програма во Лигата на шампионите. Атлетик ја запиша првата победа сезонава откако го совлада Карабаг со 3:1, додека Галатасарај славеше над Бодо/Глимт исто така со 3.1.
Атлетик на „Сан Мамес“ во Билбао, по пресврт успеа да слави во дуелот со најпријатното изненадување во Лш, Карабаг.
Гостите првпат поведоа во првата минута од натпреварот, кога Андраде постигна гол за 1:0.
Атлетик константно напаѓаше, не искористија неговите играчи неколку добри шанси, се до 40-та минута кога Горка Гурузета изедначи.
Во 70-та минута, Наваро постигна гол за 2:1, а конечниот резултат го постави Гурузета со својот втор гол во 88-та минута.
Проблем за Билбао е повредата на капитенот Ињаки Вилијамс. Напаѓачот се повреди во првиот дел, веднаш го напушти теренот.
Галатасарај против Бодо/Глимт поведе во 3-та минута со голот на Виктор Осимен, а половина час подоцна истиот играч го зголеми резултатот на 2:0, со што заврши првото полувреме.
Тој резултат остана активен до 60-та минута, кога Јунус Акгун го постигна третиот гол за домашните.
Почесниот гол за норвешкиот шампион го постави Андреас Хелмерсен во 76-та минута.
Спорт
Ла Лига му ја потврди суспензијата на Ханси Флик

Барселона, в недела во Мадрид, во најголемото дерби на панскиот фудбал ќе биде без тренерот Ханси Флик.
Германецот доби црвен картон, во неделата, во драматичната победа над Џирона (2:1). Клубот веднаш поднесе жалба со образложение дека тренерот бил престрого исклучен.
Сепак, Ла Лига ја одби жалбата и потврди дека Ханси Флик нема да множе да биде со својот тим на теренот.
Каталонски извори пишуваат дека Барселона ќе се обиде да поднесе уште една жалба, бидејќи клубот сè уште смета дека Германецот бил исклучен премногу строго, но малкумина веруваат дека Ла Лига ќе ја промени својата одлука.
Натпреварот Реал Мадрид – Барселона е закажан за недела во 16.15 часот.