Спорт
Унгарците ја добија драмата со Германија, познати сите групи од втората фаза

Унгарската ракометна репрезентација во драматичен финиш ја победи Германија со 29:28 за да го освои првото место во групата А на Светското првенство во Египет и да пренесе максимални 4 поени во втората фаза, каде што им се приклучуваат силните Шпанија, Полска и Бразил, откако Полјаците ги декласираа Бразилците со 33:23.
Унгарците имаа фантастично прво полувреме, во кое имаа и +5 предност, за на полувреме да отидат со гол предност (15:14). Во второто полувреме, тие не успеаја да направат разлика и на крајот Германија поведе со 24:23 по што се играше гол-за-гол, но Унгарците останаа посилни. Бенце Банхиди и Доминик Мате блеснаа со по осум гола за Унгарија, додека за Германците, Марсел Шилер заврши со седум.
ГРУПА 1: 1.Унгарија 4, 2.Шпанија 3, 3.Полска 2, 4.Германија 2, 5.Бразил 1, 6.Уругвај 0
ГРУПА 2: 1.Данска 4, 2.Хрватска 3, 3.Катар 2, 4.Аргентина 2, 5.Јапонија 0, 6.Бахреин 0
ГРУПА 3: 1.Португалија 4, 2.Франција 4, 3.Исланд 2, 4.Норвешка 2, 5.Швајцарија 0, 6.Алжир 0
ГРУПА 4: 1.Шведска 4, 2.Русија 3, 3.Египет 2, 4.Словенија 2, 5.Белорусија 1, 6.Македонија 0
СП ЕГИПЕТ 2021, 3.КОЛО
ГРУПА А
Уругвај – Зеленортски Острови 10:0 службено
Германија – Унгарија 28:29 (14:15)
Табела: 1.Унгарија 6, 1.Германија 4, 3.Уругвај 2, 4.Зеленортски О. 0
ГРУПА Б
Шпанија – Тунис 36:30 (17:14)
Бразил – Полска 23:33 (11:13)
Табела: 1.Шпанија 5, 2.Полска 4, 3.Бразил 2, 4.Тунис 1
ГРУПА Ц
Јапонија – Ангола 30:29 (16:12)
Хрватска – Катар 26:24 (13:11)
Табела: 1.Хрватска 5, 2.Катар 4, 3.Јапонија 3, 4.Ангола 0
ГРУПА Д
Бахреин – ДР Конго 34:27 (14:12)
Данска – Аргентина 31:20 (15:10)
Табела: 1.Данска 6, 2.Аргентина 4, 3.Бахреин 2, 4.ДР Конго 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Таткото на Белингем се карал со директорот на Борусија откако неговиот син бил заменет на полувремето

Борусија Дортмунд одлучи да ги заостри протоколите во соблекувалната и им забрани на сите членови на семејствата на фудбалерите влез во таа зона. Клубот се реши на ваков чекор, по инцидентот што го направија родителите на Џоб Белингам во саботата.
Дортмунд имаше предност во дуелот со Сент Паули од 3:1 во 85-та минута од натпреварот, но не успеа да победи. Дуелот заврши со резултат 3:3.
Тензијата по натпреварот, само ја зголемија родителите на Џобе Белингам, Марк и Дениз, кои биле незадоволни откако го видоа својот син како останува во соблекувалната на полувремето.
Тие го чекале во тунелот по завршувањето на натпреварот раководството на Дортмунд за да се соочат со нив. Според новинарите на „Скај Спортс Германија“, Марк Белингам прво имал емотивен разговор со спортскиот директор на Дортмунд, Себастијан Кел.
Тој ја изрази својата фрустрација од од одлуката на тренерот неговиот син да остане во сблекувалната по првите 45 минути. Но, според овој извор, си зел за право да ги критикува играчите на тимот за кој игра неговиот син.
„Билд“, објави дека Марк Белингам побарал итен состанок со тренерот Нико Ковач.
Џоб Белингам е помалдиот брат на играчот на Реал, Џуд. Тој пристигна во Дортмунд од Сандерленд ова лето за 32 милиони фунти.
Фото/ Принтскрин
Спорт
Тотенхем тргна по потписот на Инкапие, Арсенал би можел да му го украде
Арсенал е подготвен да му зададе уште еден тежок удар на Тотенхем. Во финишот на преодниот рок Арсенал се распрашува за Пјеро Инкапие. Еквадорецот кој може даигра како лев бек, но и како лев стопер е на радорот на Тотенхем.
Тотенхем се обидува да се засили во финишот на преодниот рок. Мета им е Инкапие, клубот е подготвен да ја активира откупната клаузула во неговиот договор од 60 милиони евра.
„Скај Спортс“, тврди дека за Еквадорецот постои интерес и кај Арсенал, бидејќи во клубот работата на трансферите на неколку играчи од одбраната (Зинченко, Виеира, Нелсон).
Минатата недела, Арсенал го „украде“ Ечебери Езе од Кристал Палас, со кого Тотенхем веќе имаше постигнато договор.
Инкапие има уште четири години од договорот со Баер, а германскиот клуб сака да го задржи. Но, „Скај Спорт Германија“ пишува дека 22-годишниот Еквадорец одлучил да го напушти Леверкузен.
Инкапие е уште еден играч од најславната генерација на клубот од Леверкузен кој ова лето сака да замине. Претходно Баер го напуштија голманот Храдецки, капитенот Тах, Вирц, Џака, Фримпонг, Адли.
Спорт
Сака ќе го пропушти, а Едегор под знак прашалник за дербито со Ливерпул

Крилниот напаѓач на Англија, Букајо Сака, ќе го пропушти натпреварот на Арсенал од Премиер лигата против Ливерпул во недела и квалификациските натпревари на Англија за Светското првенство против Андора и Србија следниот месец поради повреда.
Сака ја повреди тетивата во саботата, во победата на домашен терен против Лидс Јунајтед (5:0). Првите проценки се дека крилниот напаѓач нема да може да игра до четири недели, објавува Би-би-си. Англискиот репрезентативец пропушти три и пол месеци од минатата сезона по операција на десната тетива.
Капитенот на Арсенал, Мартин Едегор, е исто така под знак прашалник за натпреварот на „Енфилд“ поради повреда на рамото заработена во победата против Лидс. Едегор изгледаше во болка кога беше заменет во првото полувреме, поради повреда на рамото.
Foto/ EPA/ADAM VAUGHAN