Фудбалскиот клуб Милан објави дека петмина се заразени со коронавирусот. Тројца од заразените се членови на стручниот штаб, а двајца се фудбалери.

Милан не ги соопшти имињата на луѓето од стручниот штаб кои се заразени со вирусот, а познато е дека од играчите позитивни тестови имаче голманот Џиџи Донарума и Норвежанецот Јан Питер Хауге.

Сите били асимптоматични, но и покрај тоа се ставени во изолација.

Целиот тим на Милан повторно бил тестиран и сите тестови биле негативни.

Каталонските медиуми, два дена по дербито со Реал, го истражуваат минатото на главниот судија Хуан Мартинез Мунуера. Судијата, кој прв пат во кариерата го судеше најголемото дерби на шпанскиот фудбал, од медиумите и од клубот е означен како главниот виновник за поразот (1:3).

Муниера, во 61 минута досуди пенал за Реал. Откако ја прегледа снимката од дуелот помеѓу Ленгле и Рамос, тој покажа на белата точка.

„Ваквите дуели, без доволен интензитет, не се причина за да биде досуден пенал. Доколку тоа е така тогаш на секој натпревар би имале по 40 пенали“, напишал експертот за судење на „Марка“, Андухар Оливер.

„Спорт“, водечкиот спортски медиум во Каталонија, тврди дека Мунуера е деклариран навивач на Реал Мадрид.

Мунуера е од Бенидорм, а неговиот татко го основал клубот на пријатели на Реал во овој град – „Лос Амигос де Бенидорм“.

Наводно Мунуера додека судел натпревари во третата лига на Шпанија, под судиската униформа секогаш носел дрес на Реал.

Реал во саботата победи во Барселона со 3:1 и ја прекина серијата до два пораза. Тренерот Зинедин Зидан направи неколку измени во составот за овој меч, кои на крајот му ја донесоа победата.

Иско беше во тимот, но победата на соиграчите ја гледаше од клупата. Поранешниот играч на Малага долго врмее не може да се врати во вистинската форма. Сезонава има одиграно 148 минути, против Шахрјор не играше, а против Кадиз беше заменет во полувремето.

Камерите го уловиле Иско како пред соиграчите пред Модиќ, Јовиќ, Марсело, Лукас Васкез и Едер Милитао се жали на третманот што го има кај тренерот.

„Доколку реши да ме замени тогаш играм 50 или 60 минути, некогаш тоа го прави и на полувремето. Ако реши да играм, тогаш шанса добивам во 80. минута“.