Спорт

Унгарија со лудо второ полувреме го тресна Исланд, извиси Данска

Објавено пред

10 месеци

- 15 јануари, 2020

Од

Претпоследниот натпревар од групната фаза на Европското ракометно првенство донесе сензација.

Селекцијата на Унгарија со неверојатно второ полувреме, со епски пресврт ја совлада репрезентацијата на Исланд 24-18 и со тоа го елиминираше светскиот и олимписки шампион во моментов, Данска.

Мечот во Малме имаше невообичаен тек. Унгарија водеше со 3-0 на стартот, па следуваше долга серија на Исланд за 6-6.

„Рибарите“ во првиот дел предводени од искусните Палмарсон и Сигурдсон поведоа во еден момент и со 5 разлика, но сепак Унгарците намалија дел од негативата и на полувреме се отиде со резултат 12-9 за Исланд.

Во вториот дел комплетен резултатски пресврт, иако првите десет минути од вториот дел водството се уште беше на страната на Исланд. Мечот беше егал се до резултат 17-17.

Тогаш унгарскиот голман Миклер ја „спушти ролетната“, а Унгарија почна да го полни исландскиот гол. Од тие 17-17, Исланд до крајот погоди само еднаш, а Унгарија дури седумпати за конечни 18-24.

Унгарија како лидер во групата пренесува два бода во следна фаза, Исланд е во новоформираната група без бодови, а нема надеж за следна фаза за Данска на која и преостанува вечерашниот дуел со Русија за достојно простување од првенството.

Најпрецизен во победничката селекција беше пивотот Банхиди со 8 гола, а со по 4 гола мечот го завршија Сцита и Бока.

Кај Исланд најпрецизни беа Палмарсон и Сигурдсон со по 4 погодоци.

Watch the Game Highlights from Iceland vs. Hungary, 01/15/2020 pic.twitter.com/PjLQqhLcdf
— EHF EURO (@EHFEURO) January 15, 2020

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport топ-тема

Следно

Куп на Италија: Милан убедлив против СПАЛ, Ибра остана на клупа (видео)

Претходно

Кутроне со гол на дебито за Фиорентина за победа над Аталанта во Купот

Спорт

ФИФА клупскиот Мундијал ќе се игра во февруари

Објавено пред

1 час

- 31 октомври, 2020

Од

TopSport.mk

Светското клупско првенство на ФИФА наместо во декември ќе се одигра во февруари наредната година, тврди „Зидојче Цајтунг“.

На конгресот на ФИФА, одржан во август, првиот човек на ФИФА, Џани Инфантино, најави дека поради пандемијата со коронавирусот, календарот ќе претрпи измени.

Досега се познати само екипи кои обезбедија учество на клупскиот Миндијал: европскиот првак Баерн Минхен, шампионот на Океанија Оукланд сити и домаќинот Ал-Духаил.

Поради пандемијата беа прекинати останатите натпреварувања поради што допрва треба да бидат познати шампионите на Јужна, Северна и Средна Америка, односно Азија и Африка.

Прикажи повеќе...

Спорт

НБА сезоната ќе се игра по скратен систем

Објавено пред

2 часа

- 31 октомври, 2020

Од

TopSport.mk

НБА лигата се уште не знае кога ќе почне новата сезона. Поради пандемијата со коронавирусот, претходната сезона заврши пред еден месец во „меурот“, во Орландо. Американските медиуми тврдат дека сезоната 2020/2021 ќе се одвива по скратен формат, односно дека наместо предвидените 82, секој тим ќе одигра по 50 натпревари.

НБА планираше новата сезона да започне на 22. декември и секој тим да одигра по 72 натпревари во регуларниот дел. Меѓутоа играчите не се согласуваат со тој предлог, а во моментов најголемата ѕвезда во лигата, Леброн Џејмс, најави дека ќе ги пропушти првите 30 дена.

Најверојатно новата сезона ќе започне на „Денот на Мартин Лутер Кинг“, на 18.јануари 2021, а целата сезона ќе заврши на 23.јули. Планот на НБА е ѕвездите да играат на олимписките игри во Токио.

Прикажи повеќе...

Спорт

Радио Каталонија: Барселона се соочува со банкрот

Објавено пред

3 часа

- 31 октомври, 2020

Од

TopSport.mk

Фудбалерите на Барселона мора да прифатата намалување на платите, во спротивно клубот во јануари би можел да прогласи банкрот. Оваа сензационална информација ја пренесе Радио Каталонија 1.

Овој извор објави дека Барселона ќе мора да скрати 190 милиони евра од буџетот за плати, односно ќе мора млатите да ги намали за 30 отсто. Доколку не биде постигнат договор со играчите во наредните пет дена, клубот во јануари наредната година би можел да банкротира.

Преговорите за намалување на платите се во тек, но медиумите во Каталонија не се оптимисти дека ќе биде постигнат договор.

„Главен проблем е економската слика на клубот. Пандемијата силно удри по нашиот клуб. Зависиме од туризмот, а него го нема. Мораме да најдеме решение како да го пребродиме ова, во спротивно сè може да се случи“, рекол за Радио Каталонија 1, Карлес Тускетс, в.д. претседателот на Барселона.

Прикажи повеќе...