Спорт
Унгарија со лудо второ полувреме го тресна Исланд, извиси Данска
Претпоследниот натпревар од групната фаза на Европското ракометно првенство донесе сензација.
Селекцијата на Унгарија со неверојатно второ полувреме, со епски пресврт ја совлада репрезентацијата на Исланд 24-18 и со тоа го елиминираше светскиот и олимписки шампион во моментов, Данска.
Мечот во Малме имаше невообичаен тек. Унгарија водеше со 3-0 на стартот, па следуваше долга серија на Исланд за 6-6.
„Рибарите“ во првиот дел предводени од искусните Палмарсон и Сигурдсон поведоа во еден момент и со 5 разлика, но сепак Унгарците намалија дел од негативата и на полувреме се отиде со резултат 12-9 за Исланд.
Во вториот дел комплетен резултатски пресврт, иако првите десет минути од вториот дел водството се уште беше на страната на Исланд. Мечот беше егал се до резултат 17-17.
Тогаш унгарскиот голман Миклер ја „спушти ролетната“, а Унгарија почна да го полни исландскиот гол. Од тие 17-17, Исланд до крајот погоди само еднаш, а Унгарија дури седумпати за конечни 18-24.
Унгарија како лидер во групата пренесува два бода во следна фаза, Исланд е во новоформираната група без бодови, а нема надеж за следна фаза за Данска на која и преостанува вечерашниот дуел со Русија за достојно простување од првенството.
Најпрецизен во победничката селекција беше пивотот Банхиди со 8 гола, а со по 4 гола мечот го завршија Сцита и Бока.
Кај Исланд најпрецизни беа Палмарсон и Сигурдсон со по 4 погодоци.
Watch the Game Highlights from Iceland vs. Hungary, 01/15/2020 pic.twitter.com/PjLQqhLcdf
— EHF EURO (@EHFEURO) January 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.