Спорт
Унгарија со пенал во последната секунда до реми со Русија, Турците пак подобри од Грците

Унгарија не успеа уште денеска да се квалификува на Европското првенство во 2020 година, но остана непоразена откако со пенал во последната секунда стигна до 23:23 реми против мотивираните Руси.
Унгарците пред три дена стигнаа до важна победа на гости кај Русите, но овојпат „зборнаја“ почна многу подобри и имаше предност од четири гола на полувремето, пред да ја загуби оваа предност во драматичниот финиш на мечот. Ракометарите на Вардар, Дибиров и Калараш беа најефикасни за Русите со постигнати шест гола, додека Лекаи имаше исто толку за домаќините.
Тимура Дибирова можно остановить только очень нестандартными методами.#гандболакробатический #HUNRUS #handballRussia #EHFEURO2020 pic.twitter.com/2q2Ju2e3DW
— Гандбол России (@rushandball) April 14, 2019
Во нашата група, Турција и вторпат ја совлада Грција, овојпат на домашен терен со 26:23 (12:9), за да се израмнат со Македонија и Исланд со по четири поени пред вечерашниот дуел во Скопје.
ЕП 2020, КВАЛИФИКАЦИИ, 4.КОЛО
ГРУПА 2
Швајцарија – Белгија 36:22 (16:11)
Хрватска – Србија 20.30 ч.
Табела: 1.Швајцарија 6, 2.Хрватска 5, 3.Србија 2, 4.Белгија 1
ГРУПА 3
Турција – Грција 26:23 (12:9)
Македонија – Исланд 20.00 ч.
Табела: 1.Македонија 4, 2.Исланд 4, 3.Турција 4, 4.Грција 2
ГРУПА 4
Летонија – Естонија 30:24 (17:12)
Словенија – Холандија 30:23 (16:11)
Табела: 1.Словенија 8, 2.Летонија 6, 3.Холандија 2, 4.Естонија 0
ГРУПА 5
Белорусија – Чешка 24:26 (12:13)
Босна и Херцеговина – Финска 31:19 (16:10)
Табела: 1.БиХ 6, 2.Чешка 6, 3.Белорусија 4, 4.Финска 0
ГРУПА 6
Литванија – Романија 24:23 (12:11)
Франција – Португалија 33:24 (16:15)
Табела: 1.Франција 6, 1.Португалија 6, 3.Романија 2, 4.Литванија 2
ГРУПА 7
Унгарија – Русија 23:23 (11:15)
Словачка – Италија 23:26 (11:12)
Табела: 1.Унгарија 7, 2.Русија 5, 3.Италија 4, 4.Словачка 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сензационалната Андреева преку Шјонтек до финалето во Индијан Велс

Руската сензација Мира Андреева избори пласман во финалето на Мастрсот во Индијан Велс.
Во полуфиналето 17-годишната Андреева ја надигра Ига Шјонтек со 7:6, 1:6, 6:3. Ова е втор последовно финале за Андреева на турнирите од Мастерс серијата, откако пред три недели играше во финалето во Дубаи. Интересно и во Дубаи во полуфиналето ја победи Швјонтек.
„Голема победа во тешки услови. Не успеав да ја искористам мојата шанса во првиот сет, но кога стигнав до тај-брејк се чувствував многу самоуверено. Го играв како да ми е последен во животот. Мојот сервис беше извонреден. Го играв секој удар до максимум. Вториот сет беше малку чуден, таа ме надигра играјќи многу длабоко но и со добри излегувања на мрежата. Размислував во паузата меѓу вториот и третиот сет што да сменам и решив да продолжам да играм исто тактички, но да напаѓам уште повеќе. Исто така, одлично ги контролирав нервите и затоа сега сум многу горда на себе“, рече Андреева 11 победи во низа. Таа го освои Дубаи.
Ривалка за титулата во Индијан Велс ќе и биде најдобрата тенисерка на светот, Арина Сабаленка, која со 6:0, 6:2 ја победи шампионката на Австралија опен, Медисон Кис, и се одмазди за поразот во тоа финале.
Спорт
Во Фенербахче нема место за Ливаковиќ

Доминик Ливаковиќ е закован на клупа за резерви кај Фенербахче, а за се е виновна повредата која ја заработи на почетокот на годината. Како што тврдат медиумите хрватскиот репрезентативец ќе го напушти клубот во летниот преоден рок.
Ливаковиќ последен пат бранеше за Фенербахче на 13 јануари, по што се повреди, кратко беше на рехабилитација, но Хрватот го загуби местото меѓу стативите од Ирфан Џан Егрибајат.
Турските медиуми пренесуваат дека искусниот голман добил три понуди, од клубови од Премиер лигата и од Серија А.
Иако има договор со Фенербахче до 2028 година, долгогодишниот хрватски репрезентативец речиси сигурно ќе го напушти клубот на крајот од сезоната.
Тој пристигна од Динамо во 2023 година за околу седум милиони евра, а Фенербахче нема да го пушти за помалку од десет милиони.
Спорт
(Видео) Денвер со тешка мака ги победи десеткуваните Лејкерси

Денвер Нагетс славеа во дербито против ЛА Лејкерс со 131:126. Нагетс се зацврстија на втората позиција во Западната конференција, го добија дуелот со директниот ривал кој на овој натпревар играше без цела една петорка. Изминатата ноќ најдобриот тим во лигата Кливленд Кавалирс ја продолжи победничата серија. 16.победа во низа Кавалирс ја забележаа во Мемфис.
Џамал Мареј со тројка на пет секунди до крајот стави точка на победата на Денвер против Лејкерси во чии редови ги немаше Лука Дончиќ, Леброн Џејмс, Руи Хачимура, Џексон Хејс, Гејб Винсент и Доријан Фини-Смит.
Мареј мечот го заврши со 26 поени, два помалку од најефикасниот играч на Денвер Никола Јокиќ. Србинот мечот го зарши со 28 поени, осум скока и пет асистенции. Најблиску до овие двајца беше Кристијан Браун со 22 поени.
Кај Лејкерси се истакнаа Остин Ривс со 37 поени (13/26 од поле), осум скока и 13 асистенции, односно Далтон Кнект со 32 поени и Шејк Милтон, кој постигна 16 поени.
Кливленд делува незапирливо, а тоа го потврдија со 56. сезонска победа. Овојпат Кавалирс победија на гости кај Мемфис Гризлис 133:124. 22 поени и 11 скока забележа Еван Мобли, додека Гарланд запиша 20 поени и девет асистенции.
На Мемфис не му помогна ниту извонредниот настап на Џа Морант, кој мечот го заврши со 44 поени, осум скока и седум асистенции Но, ја немаше соодветната поддршка од соиграчите.
Резултати:
Мајами – Бостон 91:103
/Вигинс 23 – Тејтум 28/
Филаделфија – Индијана 100:112
/Доутин 24 – Сијакам 27/
Атланта – ЛА Клиперс 98:121
/Оконгву 18 – Харден, Ленард 25/
Сан Антонио – Шарлот 134:145
/Кесл 26 – Бол 27/
Минесота – Орландо 118:111
/Едвардс 28 – Банкеро 43/
Хјустон – Далас 133:96
/Езона 30 – Вилијамс 25/
Јута – Торонто 118:126
/Кларксон 19 – Квикли, Барнс 20/
Феникс – Сакраменто 122:106
/Букер, Дурант 22 – Дерозан 23/