Спорт
Унгарците сакаат регионална фудбалска лига
Во Унгарија се раѓа иницијатива за формирање регионално фудбалско натпреварување. Претседателот на Ференцварош, Габор Кубатов, презентираше предлог за формирање на кратки турнири, кои според него ќе придонесат за финансиската состојба на клубовите од регионот.
„Ние сме на мал пазар од десет милиони луѓе. Водечките светски тимови имаат буџет од една милијарда евра. Нашиот буџет е 50 милиони евра и тоа не ограничува. Тешко ни е да донесеме спонзори бидејќи сме на мал пазар, а натпреварите се гледаат само на телевизија во нашата земја. Мислам дека секоја земја на Балканот го има истиот проблем, Бугарија и Романија имаат ист проблем. Чесите и Словаците исто така“, рече Кубатов во интервју за унгарски „Инфостарт“ и продолжи:
„Потребен ни е поголем пазар. Решението е да се организираат кратки турнири во нашиот регион, а најдобрите тимови би се пласирале во плеј-офот. Размислете, ако игравме со Црвена звезда, Динамо, Лудогорец, Стеауа, Слован… Тоа би биле натпревари со поинаква атмосфера“.
Кубатов изјави дека има поддршка од унгарската федерација, а претходно и во УЕФА размислуваа на оваа тема. Тој додаде дека регионалното натпреварување нема да ги загрози домашните првенства.
„Натпреварувањето би траело само еден месец и не би влијание на унгарското првенство, бидејќи и тоа исто така е многу важно. Тогаш би можеле да го подобриме квалитетот на фудбалот. Би биле поконкурентни на пазарот, сите скаути би дошле тука и би гледале квалитетни натпревари“, изјави тој и заклучи.
„Ќе преземеме иницијатива и во наредните месеци ќе се обидеме да седнеме на маса со водечките тимови од регионот за да се договориме до каде можеме да стигнеме со оваа идеја, за која и претходни имаше интерес. Ова покажува и дека оваа лига има право да постои.Ова не важи само за нашиот регион,туку и за земјите од Бенелукс, па Шкотска и Ирска. Има првенства во кои има квалитети и за нив би било добро да излезат на поголем пазар“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES