Марсело Биелса избори пласман на Светското првенство со Уругвај, но прашање е дали „Ел Локо“ ќе го предводи тимот на Мундијалот во САД, Мексико и Канада.

Уругвај, во пријателски натпревар, доживеа тежок пораз од САД (5:1), поради што медиумите во Уругвај шпекулираат дека тој ќе добие отказ.

Коментаторот и аналитичар Федерико Бујсан, кој со години ги следи и коментира натпреварите на националниот тим, за радио станицата „Дспортес“ изјави дека ситуацијата во тимот е алармантна.

„Односот меѓу тренерот и играчите е „нарушен“. Пораките испратени до тимот едноставно не стигнуваат до главите на играчите. Момците ја пренесоа таа порака до челниците во Федерацијата. Раководството, во принцип, сака тренерот да остане, но тие се многу загрижени за целата ситуација“, рече на Бујсан и изјави:

„Хорхе Џордано (генерален секретар на Федерацијата) верува во тренерот“.

Аргентинецот беше назначен за селектор на Уругвај во мај 2023 година, што е негово трето назначување на клупата на јужноамериканска селекција по Аргентина (1998-2004) и Чиле (2007-2011).

Третото место на Копа Америка минатата година беше прифатено како успех, но во текот на квалификациите за Светското првенство во 2026 година, односот со играчите се вложи.

Уругвај директно, како четврти во лигата од десет национални селекции, се пласира на СП, но игрите и резултатите (7-7-4, 22:12) не беа на очекуваното ниво.

Биелса го доби прекарот „Лудак“ со својот жесток и нетипичен начин на водење на тимот, неговата малку луда посветеност на фудбалот, со што изврши големо влијание врз помладата генерација тренери.

Пеп Гвардиола, во времето додека беше активен играч, патувал од Мексико во Аргентина само за да помине еден ден на ранчот на Биелса разговарајќи за фудбалот и животот со својот домаќин.

Гвардиола, за многумина најдобриот тренер во светот, секогаш со голема почит говори за Биелса и често вели дека тој е неговиот „фудбалски татко“.

Foto/ EPA

Десниот бек на Пари Сен Жермен, Ашраф Хакими, е прогласен за најдобар африкански фудбалер за 2025 година.

Признанието дојде како награда за сè што е направени во дресот на Пари Сен Жермен и мароканската репрезентација.

Хакими стана првиот Мароканец што го доби ова признание по Мустафа Хаџи во 1998 година, а претходно беше на второто место во два наврати. 27-годишникот ја доби наградата на церемонијата на CAF во Рабат.

Хакими заврши во гласањето пред крилниот напаѓач на Ливерпул, Мохамед Салах, напаѓачот на Галатасарај, Виктор Осимен и напаѓачот на Борусија Дортмунд, Серху Гираси.

Селекторите и капитените на африканските репрезентации одлучија за победникот.

И покрај повредата на глуждот што ја заработи во победата на ПСЖ над Баерн Минхен на 4 ноември, дефанзивецот отпатува во Мароко за церемонијата, на која присуствуваа првиот човек на ПСЖ, Насер Ал-Келаифи, првиот човек на ФИФА, Џани Инфантино и селекторот на Мароко, Валид Реграги.

Наградата на Хакими доаѓа по сезоната во која тој одигра клучна улога во освојувањето на Лигата на шампионите, постигнувајќи голови во четвртфиналето, полуфиналето и финалето.

Под водство на Луис Енрике, Мароканецот ја одигра најефикасната сезона во својата кариера, постигна 11 гола и забележа 16 асистенции во 55 натпревари во сите натпреварувања.

Хакими сè уште е надвор од игра поради повреда, но се надева дека ќе се врати на време за Африканскиот куп на нации, кој Мароко ќе го организира од 21 декември до 18 јануари.

Македонија, во 13 часот, ќе го дознае противникот во дополнителните квалификации за Светското првенство. Ждрепката че се одржи во седиштетот на ФИФА во Цирих.
Дополнителните квалификации се играат без реванш, односно се игра само еден натпреварм во полуфиналето и еден во финалето.

Извлекувањето ќе започне во 13:00 часот и ќе биде поделено на два дела.

Во првиот дел ќе бидат извлечени паровите од интерконтиненталниот плејоф, во кој шест репрезентации од пет континенти на турнирот во Мексико се борат за две места на Светското првенство.

Носителите Ирак и ДР Конго директно се пласираа во финалето, а таму можни противници ќе им бидат Боливија, Јамајка, Нова Каледонија и Суринам.

Ждрепката ќе формира две полуфинални двојки од овие четири репрезентации, со забелешка дека Јамајка и Суринам не можат да играат меѓусебно. Победниците од двете финалиња ќе се квалификуваат за Светското првенство.

Во вториот дел од ждрепката, ќе бидат извлечени двојките за европскиот плејоф. Во дополнителните квалификации учествуваат 16 репрезентации, поделени во четири групи. Европа ќе добие уште четири учесници на Светското првенство преку плејофот.

Шешир 1: Италија, Данска, Турција, Украина

Шешир 2: Чешка, Словачка, Полска, Велс

Шешир 3: Босна и Херцеговина, Република Ирска, Косово, Албанија

Шешир 4: Романија, Шведска, Македонија, Северна Ирска.

Форматот на дополнителните европски квалификации е таков што првата група се вкрстува со четвртата, а втората со третата. На овој начин се создаваат четири костури, а победникот од секоја ќе избори настап на Светското првенство.

Националните тимови од првата група ќе бидат домаќини на националните тимови од четвртата група во полуфиналето, додека националните тимови од втората група ќе играат дома против националните тимови од третата група.

За Македонија, ова значи дека ќе го игра полуфиналето на гости, против една од овие четири репрезентации: Италија, Данска, Турција или Украина. Ждрепката ќе одлучи дали евентуалноот финале, Македонија ќе го игра дома или на гости.

Foto/ EPA