Спорт
„Утре играме против Барселона и судиите. Еве го доказот“
Невиден потег направи Реал пред утрешниот реванш од полуфиналето на Купот на кралот во Барселона, откако го загуби првиот натпревар на домашен терен со 0:1 од најголемиот ривал.
Актуелниот шампион на Шпанија и Европа монтирал и објавил видео во траење од 2:40 минути. Видеото ги покажува огромните грешки кои последните години на негова штета ги донесоа Хуан Мартинез Мунуера, главниот судија на утрешното Ел Класико и Хозе Луис Гонзалес Гонзалес, кој ќе му биде видео асистент на супердербито.
„Против Барса ни суди дуото од натпреварот во кој Реал беше најмногу оштетен во поновата историја. Ни ја зедоа титулата“
„Мартинез Мунуера ќе биде главен на Ел Класико во Барселона, а Гонзалес Гонзалес ќе биде ВАР судија… Каква случајност! Ни суди тандемот со кој мадридистите имаат најлоши спомени“, потсетува Реал на клупскиот телевизиски канал и истакнува:
„Тоа е истата судиска двојка која го водеа натпреварот на кој Реал беше најмногу оштетен во поновата историја. Во сезоната 202/2021, поради нивните грешки на натпреварот против Севилја, Реал остана без титулата во Ла Лига. Мартинез Мунуера и Гонзалес Гонзалес на тој натпрвар направија шест клучни грешки на штета на Реал“.
Martínez Munuera y González González (VAR).
Historial con Real Madrid.
Video #RMTVpic.twitter.com/jW9Y23WXrK— Rafa RNMJ Real Madrid (@RafaRNMJ) April 3, 2023
Тоа се: Офсајд на Одриозола настана поради специјалните ефекти на ВАР, голот на Севиља е постигнат откако беше досуден непостоечки фаул на Касемиро, пенал за Реал не беше досуден иако Диего Карлос играше со рака во шеснаесетникот на Севиља, чист пенал не е досуден по прекршокот на Оскар врз Касемиро, туку судеа не намерна игра со рака од Милитао , поради што Реал остана без пенал и црвен картон за голманот на Севиља Боно“.
Реал Мадрид ТВ додава дека Мартинез Мунуера не го оштетил клубот само на овој натпревар: „Тој не ни досуди пенал по фаулот на Горосабел над Менди на натпреварот против Рајо Ваљекано оваа сезона, исто како што неказнето помина грубиот фаул на Балиу“.
Посебна дел Реал ТВ и посвети на ВАР собата.
„Ако има име кое сее паника во видео-собата, тоа е името на Гонзалес Гонзалес. Откако тој е задолжен за ВАР на натпреварите на Реал, не оштети неколку пати.
Видеото завршува со судиската реченица која за навивачите на Реал стана симбол на кражба на нивниот клуб
„Не ни даде пенал против Бетис откако Миранда играше со рака, без казна мина и фаулот над Азар за пенал и нападот врз Марсело против Алавес, како и раката на Капа која требаше да резултира со пенал против Атлетик Билбао…“, посочува Реал и видеото го завршува со пораката на Гонзалес Гонзалес од ВАР собата, која за навивачите на Реал стана симбол за судиското газење на нивниот клуб: „Се е ок“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тухел ќе ја предводи Англија до 2028 година
Тренерот на фудбалската репрезентација на Англија, Томас Тухел, ќе остане на клупата на националниот тим барем до крајот на Европското првенство во 2028 година.
Тоа е епилогот од новата соработка што Фудбалската асоцијација на Англија ја договори со германскиот стручњак. По совршената квалификациска кампања за Светското првенство, самодовербата е на исклучително високо ниво.
Поранешниот стратег на Челзи, Баерн Минхен и Пари Сен Жермен стави крај на шпекулациите за можен трансфер во Манчестер Јунајтед, Тотенхем или Реал Мадрид со парафирање на договорот. Сите три клуба неодамна ги сменија тренерите, но ќе мора да бараат нов на друга адреса.
„Многу сум среќен и горд. Едвај го чекам Светското првенство, одлична можност да ја направам нацијата горда. Имам огромна поддршка од извршниот директор Марк Булингам, колегите од Федерацијата и навивачите каде и да одам, без двоумење решив да ја продолжам оваа работа од соништата. Европското првенство 2028 ќе биде многу посебен турнир, можност да се натпреварувам со најдобрите на најголемата можна сцена“, рече Тухел.
Англичаните повторно влегуваат во големото натпреварување со епитетот еден од главните фаворити за трофејот.
Во групата Л ќе се натпреваруваат против Хрватска, Гана и Панама, па се очекува релативно лесен пласман во нокаут фазата. Пред четири години во Катар беа елиминирани во четвртфиналето, каде што беа запрени од Франција.
Foto/ depositphotos
Спорт
Словенец исфрлен од ЗОИ поради алкохол
Главниот тренер на финската репрезентација за скијачки скокови, Игор Медвед, е дисквалификуван од Зимските олимписки игри поради скандал поврзан со алкохол, објави „Афтонбладет“.
Финските спортисти ќе бидат без својот словенечки тренер до крајот на Игрите, кој беше испратен дома поради кршење на тимските вредности.
„Медвед се врати дома денес. Проблемот е поврзан со алкохолот. Прекршувањето на правилата го сфаќаме многу сериозно и ќе реагираме брзо“, изјави Јане Ханинен, раководител на елитни спортови во Финскиот олимписки комитет.
Селекторот се извини за своите постапки.
„Направив грешка и длабоко жалам за тоа. Сакам да им се извинам на целата финска репрезентација, спортистите и навивачите. Им посакувам на екипата мир и спокојство за да можат да се фокусираат на Олимписките игри“, рече 44-годишниот Медвед, кој е главен тренер на репрезентацијата во скијачки скокови од летото 2024 година, а претходно работеше во словенечката репрезентација.
Медвед е поранешен член на словенечката репрезентација во скијачки скокови.
Спорт
Ко-сопственикот на Манчестер Јунајтед: Велика Британија е колонизирана од имигранти
Британскиот премиер Сер Кир Стармер побара од милијардерот и ко-сопственик на Манчестер Јунајтед, Сер Џим Ратклиф, да се извини за тоа што изјавил дека Велика Британија е „колонизирана од имигранти“.
Во интервју за „Скај њуз“, Ратклиф рече: „Не можете да имате економија со девет милиони луѓе кои примаат социјална помош и огромен прилив на имигранти. Мислам, Велика Британија е колонизирана. Тоа чини премногу“.
Тој додаде: „Велика Британија е всушност колонизирана од имигранти, нели?“
Ретклиф, исто така, наведе неточни податоци за растот на населението, тврдејќи дека бројот на жители се зголемил од 58 милиони во 2020 година на 70 милиони денес, додека официјалните проценки покажуваат многу помало зголемување – од околу 66 на 69 милиони.
Стармер ги нарече неговите коментари „навредливи и погрешни“, велејќи дека Велика Британија е „горда, толерантна и разновидна земја“ и дека таквата реторика „им оди во прилог на оние кои сакаат да ја поделат нашата земја“.
Ратклиф, исто така, рече дека политичарите мора да бидат „подготвени да бидат непопуларни некое време за да решат големи проблеми“, сугерирајќи дека премиерот бил „премногу фин“ за да спроведе „строги мерки“ за имиграцијата и економијата.
Неговите забелешки беа осудени од навивачките групи на Манчестер Јунајтед и антирасистичките организации, велејќи дека тоа е реторика што потсетува на крајно десничарски наративи и може да ги продлабочи поделбите во општеството.
Foto/ depositphotos

