Спорт
Узбекистанец ќе го засили Манчестер сити?

Манчестер сити покажал сериозен интерес за 20-годишниот Абдукодир Хусанов. Узбекистанецот е фудбалер на Ланс, а според трансфер-инсајдерот, Фабрицио Романо, Сити ќе се обиде да го реализира овој трансфер во јануарскиот преоден рок.
Покрај проблемите со резултатите и лошата форма, Пеп Гвардиола има огромни проблеми со повредите на фудбалерите. Поради здравствени проблеми голем број натпревари од стартот на сезоната пропуштија централните дефанзивци: Нејтан Аке, Рубен Дијаш и Џош Стоунс.
Романо како ексклузива ја објави информацијата дека Гвардиола зака да го донесе Хусанов. На почетокот на минатата сезона, Хусанов пристигна во Ланс од Енергетик БГУ Минск за само 100.000 евра.
Минатата сезона во Лига 1 одигра 11 натпревари, а оваа веќе настапи на 13 натпревари, на 11 од нив одигра 90 минути.
Момчето од Ташкент, според „Трансфермаркт“, во овој момент на фудбалскиот пазар има вредност од 12.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дембеле ја освоил „Златната топка“ со 319 гласа предност пред Ламин Јамал

Француската ѕвезда Осман Дембеле, новиот добитник на престижната награда „Златна топка“ во изборот на „Франс Фудбал“, убедливо го победил Ламин Јамал, кој заврши на втората позиција.
Иако дел од јавноста очекуваше израмнета трка меѓу двајцата, официјалните резултати покажаа значителна разлика.
Дембеле освои вкупно 1380 гласови, додека Јамал собра 1059. Предноста од 319 гласа му обезбеди сигурна победа на Французинот.
На третото место се најде соиграчот на Дембеле од ПСЖ, Витиња, кој доби 703 гласа, речиси двојно помалку од победникот Дембеле.
Спорт
Вистинскиот Бањаја се врати и доминираше, Маркес на чекор до титулата

Возачот на Дукати, Франческо Бањаја, триумфираше во спринт трката на Големата награда на Јапонија, 17. рунда од овогодинешниот Мото ГП шампионат.
Акцијата во Мотеги продолжува во недела од 4 часот, а главната трка во „кралската класа“ ќе започне во 7 часот.
Бањаја на патеката „Твин Ринг Мотеги“ стигна до својата прва спринт-победа оваа сезона и прво саботно искачување на подиумот по Муџело, во јуни. Италијанецот водеше од старт до цел и задржа сигурна предност. Најблиску до него беше клупскиот колега Марк Маркес, кој е на чекор до освојување на својата деветта шампионска титула. Маркес заостануваше речиси две секунди зад Бањаја, а исто толку беше пред Педро Акоста од КТМ рејсинг.
Единствениот ривал на Маркес во борбата за титулата, воедно и неговиот помлад брат Алекс, заврши дури на 10. место. Тоа значи дека на возачот на Дукати во недела за прва круна по шест години му е доволно да не загуби повеќе од седум бодови во однос на брат му. Без разлика на резултатот на Алекс, на Марк за титула би му било доволно и второ место.
Во саботата, целото внимание заслужено беше насочено кон Бањаја, кој прво беше неприкосновен на патот до пол-позицијата, а потоа блесна и во спринтот. Италијанецот веднаш поведе пред Жоан Мир на Хонда, Акоста и Маркес, и брзо успеа да се одвои, додека зад него се водеше голема битка.
Спринтот го одбележа и вистинска катастрофа за Априлија, откако Марко Беќеки и Хорхе Мартин ја завршија трката уште во првиот свиок. Мартин се обиде да напредува, но ја изгуби контролата при кочење и удри директно во својот клупски колега. Засега нема повеќе информации за нивната состојба, но охрабрувачки е што двајцата беа на нозе веднаш по инцидентот.
Спорт
Роналдо и Мане блеснаа во големата победа на Ал-Наср против Ал-Итихад

Кристијано Роналдо постигна гол, а Ал-Наср ги демонстрира своите шампионски амбиции со победа од 0-2 како гостин против главниот конкурент за титулата во Саудиска Арабија, Ал-Итихад, со што се искачи самостојно на врвот на табелата. Португалската ѕвезда се запиша во листата на стрелците во 35. минута и сега има вкупно 946 голови во својата кариера.
Друг херој за Ал-Наср беше Садио Мане. Сенегалецот го отвори резултатот уште во деветтата минута, а потоа асистираше за погодокот на Роналдо, кој со четири гола е втор на листата на стрелци, еден помалку од својот соиграч Жоао Феликс.
И двата тима влегоа во дербито со максимални девет бода по првите три кола.