Спорт
ВАДА му се извини на Мамаду Сако и му плати „значителна“ отштета

Поранешниот фудбалер на Ливерпул, Мамаду Сако го доби судскиот случај против Светската анти-допинг агенција (ВАДА), која ќе му исплати „значителна отштета“ поради лажните тврдења за допинг тест на дефанзивецот.
Во објава пред Кралскиот суд на правдата во Лондон, ВАДА целосно го прифати барањето на Сако, се извини за неправедните обвинувања за користење на хигенамин, супстанција која се наоѓа во средствата за слабеење. Французинот, Сако, кој сега игра за Кристал палас признава дека е задоволен.
„Среќен сум. За мене, за моето семејство, за моите пријатели, за тие кои беа до мене тие тешки години. Не е лесно кога си професионален спортист и си обвинет за допинг, бидејќи тоа е најлошото што може да ти се случи. Секогаш велев дека вистината ќе се појави и тоа дојде денеска. Сега сакам да гледам напред“, изјави Сако.
Сако беше позитивен по мечот од Лига Европа помеѓу Ливерпул и Манчестер јунајтед во март 2016, кога доби 30-дневна суспензија од УЕФА и повеќе не заигра за Ливерпул. Тој тврдеше дека поради ова бил исклучен и од француската репрезентација за Европското првенство во 2016. УЕФА подоцна потврди дека средството не е на листата на забранети супстанции, но ВАДА во 2016 и 2017 тврдеше дека тој се допингувал.
— Mamadou Sakho (@mamadousakho) November 4, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пулишиќ промаши пенал – Нула во дербито Јувентус-Милан

Фудбалерите на Јувентус и Милан одиграа без голови во натпреварот од 6-то коло на Серија А.
Ова беше 245-та средба меѓу двата тима, која на крајот заврши со најнепопуларниот резултат. Милан петти меч по ред не успеа да постигне гол против Јувентус, последен пат росонерите, постигнаа гол против екипата од Торино во мај 2023 година.
Кристијан Пулишиќ не ја искористи најдобрата шанса на натпреварот, промаши пенал во 53-та минута.
Неколку минути пред пеналот на Пулишиќ, нјдобрата шанса за Јуве не ја искористи Гати, неговиот удар од пет метри брилијантно го одбрани Мењон.
Милан беше многу поблиску до победата, имаше повеќе шанси, беше поконкретен од ривалот кој, освен гореспоменатиот обид на Гати, не направи речиси ништо конкретно во нападот.
Спорт
(Видео) Пресврт на „Марадона“ – Наполи ја победи Џенова

Фудбалерите на Наполи ја победија Џенова со 2:1 во натпреварот од 6-то коло на Серија А.
Наполи успеа да ја оствари својата петта победа оваа сезона во Серија А, откако по пресврт ги победи гостите од Џенова.
Џенова поведе во 33-та минута преку Екатор. Напаѓачот на Џенова постигна спектакуларен гол со петица.
Во второто полувреме, Наполитанците ја обезбедија победата. Изедначи Самбо Ангиса во 57-та минута за израмнување и надеж дека Наполи може да ја продолжи трката со Рома.
Голот за победа го постигна Расмус Хојлунд во 75-та минута. Данецот игра како прероден во Наполи, каде дојде на позајмица од Манчестер Јунајтед. Во средата, со два гола му ја обезбеди победата на наполи над Спортинг во Лигата на шампионите.
Наполи со оваа победа се изедначи со Рома на челната позиција, двата тима имаат по 15 поени.
Foto/ EPA
Спорт
(Видео) Лесно му е на Сити кога го има Халанд

Фудбалерите на Манчестер Сити го победија Брентфорд со 1:0 во последниот натпревар од седмото коло од Премиер лигата.
„Граѓаните“ беа големи фаворити пред натпреварот, добро го отворија натпреварот, делуваа сигурно во првиот дел, но во вториот не направија буквално ништо пред голот на противникот. Сепа за тимот на Гвардиола најважна е победата.
Единствениот гол на натпреварот беше постигнат во деветтата минута, кога голманот на Брентфорд го совлада Ерлинг Халанд.
Сити го забележа четвртиот триумф во сезоната, сега се наоѓа на петтото место на табелата со 13 бода, три помалку од лидерот Арсенал.